Jemes 1:12 - Tataroha Diana

¹² Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

Jemes 1:12 Iomraidhean Croise

Matiu 10:22

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Tataroha Diana I Sulie A Jisas Kraes Nge A Luk E Uusue 6:22

Deidehiꞌomu mo iini nge mwala ko maalelediꞌomu, na kire ko teungeꞌiniꞌomu, na kire ko ere aaelasiꞌomu uri iꞌomu mo iinoni aaela aana omu ko lulu i sulieu a Kale Ni Iinoni.

Uusu-uusu A Pol Hurula'aa Hunie Mo Rom 5:4

Na maholo kie ko lae peꞌi uure maꞌutaꞌa urine, e haataꞌinie uri tolahaka e tohungei diana. Na aana tolahaka e tohungei diana urine mone, nge kie sai norutoꞌo aana haiholotaꞌinge a God.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

1 Korinit 8:3

Taꞌe mala nga iini ko manata diana, nge e tohungei sai ola oto.

1 Korinit 9:25

Ahutana mwala nge kire ko sare hali aana hurunge, kire kei haro dau aakau aana sapeda, hunie sapeda ke mwarohi huni huru. Taꞌe dau-aakaunge ikire ngeena mola huni toolea waaite aana rorodara kei eiꞌaa mola. Taꞌe ikie, nge kie ko huru huni toolea waaite aana rorodara nge kei iiꞌo huu.

2 Timoti 2:15

O ke ariꞌapasie o ke neꞌi iinoni auꞌesu diana, hunie a God ke saemango haahie asunge iꞌoe. O ke haꞌa-uusuli toꞌohuu aana walana God, hunie o ke suꞌuri hii masanga i maana.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Hibru 10:32

Omu ke loꞌo-loꞌongaꞌinie mo ola e rau-reu eemiu i naꞌo aana maholo omu aehota hiiwalaimoli aana Tataroha Diana. Aana maholona, maꞌalana omu ke sapesalu hiitoꞌo aana nga mo ola hunge, taꞌe omu sai lae peꞌi uure maꞌutaꞌa mola.

Hibru 11:17

Aani hiiwalaimolinge mone, nge a Ebraham e mwaꞌe-mwaꞌe mola huni toliꞌaasie kalena, a Aesak, maholo a God e oohongie. E toꞌo aana mola taꞌa-taꞌa mwela madu, taꞌe e mwaꞌe-mwaꞌe mola huni niie mala nga uunu-olanga i saana God, maꞌalana uri a God e haiholotaꞌinie kaꞌu hunie uuri,

Hibru 12:5

E lio oto mala omu pulongosie mola mei wala ni haꞌa-aꞌailaꞌaꞌomu nge a God e unue. Aana e soiꞌomu mala mo kalena, na e unue uuri, Kaleku, maholo o ko deu aaela na ineu a Aalaha no ko haꞌaloiꞌo hunie o ke lae oodo, mwaanie o loꞌo-loꞌongaꞌinie uri nga mei ola mwaakule mola ni ngeena. Na maholo no ko ere aamu hunie uri o ke lio saie mo takalonga iꞌoe, mwaanie saemu e wawai wa o aakohetaꞌinie tala diana ngeena.

Hibru 6:15

A Ebraham e mwaꞌe-mwaꞌe huni maaꞌoohi susutoꞌo mola, na lae-lae e si leesie nga taa nge a God e haiholotaꞌinie hunie.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

Jemes 5:11

Kolu unue uri kire iiꞌo ni saediananga, sulie kire kaꞌa mamalo ike mwaanie asunge a God. Omu rongoa kaꞌu uri a Job e maaꞌoohi susutoꞌo, na omu saie taane uri a God e nii sapeie loꞌu hunie aana toꞌo-toꞌonga ingeie i puri. Oto omu meni saie oto uri a God e honu aana aamasinge na manata-diananga.

1 Pita 3:14

Taꞌe maꞌalana uri omu ko sapesalu i tehulaꞌana oodotaꞌinge, omu ke ile-ilenimwaꞌe mola aana a God kei haro haꞌadianaꞌaꞌomu taane. Oto omu ke suꞌuri tolahiꞌe i sulie mei sapesalunge, na omu ke suꞌuri meꞌuteꞌinie nga iini.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Pita 4:14

Oto mala uri mwala ko haꞌasapesaluꞌaꞌomu i tehulaꞌana omu ko lulu i sulie a Kraes, omu ke ile-ilenimwaꞌe mola haahie. Omu ke ilenimwaꞌe mola aena aana mei tolahai sapesalunge i tehulaꞌana a Kraes nge ko haataꞌinie uri Liꞌoa Maaꞌi a God e iiꞌo oto aamiu toꞌohuu na kei haro niie manikuluꞌanga huniꞌomu.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

1 Jon 4:19

Oto ikie, kie ko mana-manata diana aena aana a God oto e holaꞌi manata diana hunikie.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.

Haataꞌinge 3:21

“Hunie mo iini nge kire kei aꞌailaꞌa taraꞌasi honosie aaelanga, nge ne kei niie nada iiꞌo-iiꞌoha huni iiꞌo peꞌieu i lengine naunekume ineu, mala kaꞌu nou aꞌailaꞌa taraꞌasi na nou iiꞌo oto peꞌinie a Mamaꞌa i lengine naunekume ingeie.