Jemes 1:10 - Tataroha Diana

¹⁰ Taꞌe mala uri nga iini loꞌu e toꞌo-toꞌo, nge ke ilenimwaꞌe mola aana e tohungei meitale hule aana e saetoꞌo aana oto a God ke niie oodotaꞌinge hunie. Sulie mwane nge e toꞌo-toꞌo, mei ola kei mae mola mala tatakana hahalisi.

Jemes 1:10 Iomraidhean Croise

Matiu 5:3

“Deidehie mo iini nge kire saie uri kire saetoꞌo aana a God, aena aana Aalahanga a God oto toꞌolada.

Matiu 6:30

Mo ei tataka ngeena, mo ola kaꞌa oꞌoꞌo tewa ike noꞌone. Kire ko eehurara mola i matana hoꞌowa, na i seulehi kire ko nunulu oto loꞌu, na mwala ko aasiꞌi mola i laona dunge. ?Oto mala a God ko haꞌatoꞌonie mo takai ei ngeena, ohe omu unue uri a God e saꞌa nii toꞌoni ike haahiꞌomu? !Hiiwalaimolinge iꞌomu e lae otoi mwei-mwei hiitoꞌo!

1 Korinit 7:31

Na mo iini nge kire toꞌo ola i laona walumalau ie, kire ke suꞌuri neꞌisae paine haahie toꞌo-olanga ikire. Taꞌe kire ke mani neꞌisae paine mola aana God, aena aana nga taa nge kolu ko leesie i laona walumalau ie, karaꞌinie oto kire kei eiꞌaa.

Pilipae 3:8

Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu,

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

Jemes 4:14

Taꞌe omu kaꞌa saie ike uri nga taa nge kei reu i hoꞌowa, wa mauringe iꞌomu kei ue. Sulie mauringe iinoni e urihana mola mei waha-waha nge mwala ko leesie mola aana kele maholo oto mola oꞌoruꞌe, na kaꞌa tewa loꞌu na e aahutata oto.

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.