Hibru 4:3 - Tataroha Diana

³ Aana ikie mo iini kie hiiwalaimoli haꞌalaa kie sai sili aana leu ni mamalo nge a God e haiholotaꞌinie ngeena. Taꞌe mo iini kire kaꞌa hiiwalaimoli ngeena, a God e ere i sulire uuri, “Nou tohungei saewasulire oto hule aana nou tohe uuri, ‘Kire saꞌa roroꞌa hule ike aana leu ni mamalo nge nou deu aakau aana loosire.’ ” A God e unue leune maꞌalana uri e haꞌamangoa taane oto leu ni mamalo ngeena uure oto i naꞌo aana maholo e haꞌaholaa walumalau.

Hibru 4:3 Iomraidhean Croise

Matiu 13:35

E ere-ere urine huni haꞌa-oaie nga taa a propet e unue uuri, Ne kei ere aani aalahuunge maholo ne kei ere-ere peꞌire. Ne kei haꞌarongora aana mo ola nga iini kaꞌa saiꞌi, uure oto aana haꞌaholalana walumalau. Sam 78:2

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Epesas 1:4

I naꞌo aana maholo a God e kaꞌa haꞌaholaa ue walumalau, e lio hilisikie oto huni neꞌi iinoni ingeie na huni iiꞌo ruru peꞌie a Kraes uri hunie kie ke iiꞌo maaꞌi na kie ke suꞌuri toꞌo aana nga mei ola aaela i maana.

Hibru 3:11

Nou tohungei saewasulire oto hule aana nou tohe oto uuri, “Kire saꞌa roroꞌa hule ike aana leu ni mamalo nge nou deu aakau aana loosire.” Sam 95:7-11

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 9:26

Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.