Hibru 11:3 - Tataroha Diana

³ Aani hiiwalaimolinge mone, kie saie uri a God e haꞌaholaa walumalau ienini aana walana mola maraana, aana e asuie mo ola kie ko lee-leesiꞌi mwaanie nga taa kie kaꞌa sai leesie ike.

Hibru 11:3 Iomraidhean Croise

Tataroha Diana I Sulie A Jisas Kraes Nge A Jon E Uusue 1:3

Haꞌaholalana taꞌena nga ola e si lae noꞌone mola aana. Nga taꞌa-taꞌa mei ola nge haꞌaholalana e lae, e kaꞌa lae ike aahoꞌa aana.

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 17:24

Liꞌoa ngeena ingeie oto God nge e haꞌaholaa walumalau na ahutana mo ola i lalo aana, na ingeie nge e aalaha haahie i Lengi na mai aano. Oto e kaꞌa oꞌoꞌo ike i laona mo nume maaꞌi ikie mo iinoni nge kie ko euꞌesuiꞌi.

Uusu-uusu A Pol Hurula'aa Hunie Mo Rom 4:17

mala a God e unue i sulie a Ebraham i laona mo Uusu-uusu Maaꞌi uuri, Nou lio hilisiꞌo oto hunie o ke neꞌi aamana mo komu ni iinoni oto hunge. Jenesis 17:5 Oto i sulie haiholotaꞌinge ingeie mone, a God e lio saie oto a Ebraham mala weuwaka. Na a Ebraham e hiiwalaimoli aana haiholotaꞌinge a God, aena aana ingeie oto God nge e sai niie maurihe hunie mo iini e mae oto, na e sai haꞌaholaa loꞌu taꞌena nga ola haalu nge kire kaꞌa iiꞌo ue mai laona walumalau.

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

1 Timoti 4:5

aana kie saie oto uri walana God na aarengaꞌinge ko haꞌamaaꞌie adona ngaulana.

Hibru 1:2

Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

2 Pita 3:5

Taꞌe mwala nge kire ko ere urine ngeena, nga taꞌa-taꞌa mei ola kire kaꞌa sare aamasitoꞌo aana. Kire sare pulongosie mola uri wau i naꞌo, a God e unue mola mei wala, na salo na aano huu e maau oto. A God e haꞌaholaa aano huu hunie ke maau i matolana mo wei, na mo wei kire ke iiꞌo mola ahuie aano huu.

Haataꞌinge 4:11

“Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”