Haataꞌinge 8:3 - Tataroha Diana

³ Oto ngaeta ensel e lae loꞌu mei, e lae mai uure i saana ora ni uunu-uunu ola nge e iiꞌo i naꞌona naunekume. Na e hele aana kao-kao kol aani dango wau-wesu, na kire niie loꞌu hunie nga mo dango wau-wesu huni uunuꞌi peꞌie mo aarengaꞌinge mwala maaꞌi a God. Oto ensel ngeena e uunuꞌi oto i lengine ora aani kol ngeena,

Haataꞌinge 8:3 Iomraidhean Croise

Tataroha Diana I Sulie A Jisas Kraes Nge A Luk E Uusue 1:10

Na aana maholo a Sekaraea ko uunue dango wau-wesu, ahutana mwala mola poꞌoi sinaha peꞌi aarengaꞌinge.

Uusu-uusu A Pol Hurula'aa Hunie Mo Rom 8:34

?Oto a tei loꞌu e toꞌo aana nanamanga hunie ke unue uri kie takalo na kei lei mae aaka? ?Uri a Kraes? !Haꞌike loꞌu! A Kraes haꞌalaa e nanama urine. Taꞌe a Kraes e mae kaꞌu honotaka, na e heꞌi meuri loꞌu hunikie, na ko iiꞌo aana iiꞌo-iiꞌoha paine i pwalo-pwalona God, na hule aana a Kraes ko eiꞌeitanai talaka.

Hibru 7:25

Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

Hibru 9:4

Na i laona duru ngeena kire neꞌie nga ora ni uunu-uunu dango wau-wesu i leune peꞌie kesi nge mo haꞌa-ara aana haiholotaꞌinge a God nge aana. Ora na kesi ngeena kire mani pulu kali-kelie sapeni aani kol. Na i laona kesi ngeena kire neꞌie e oolu mei ola. Eetana oto ateꞌa aani kol nge kele mei ngeulaa kire haaraꞌinie aana mana ko oꞌoꞌo i laona. Na i laona kesi ngeena noꞌone apaꞌa a Eron ingeie i leune, ola nge e pasu keꞌu aani apai ei. Oto loꞌu e ro repatai heu nge a God e uusue mo Haꞌatolanga i lengini, ikire i laona kesi ngeena noꞌone.

Haataꞌinge 10:1

Oto nou heꞌi leesie loꞌu ngaeta ensel e tohungei nanama liutaa ko siho mai uure i Lengi. Na e aaluhi aana mei uuru oto mala nga toꞌoni ingeie, na hureꞌaro e lolo ahuie pwaune. Maana e raa oto mala sato, na e ro aeꞌaena domana oto e ro mela-melahai dunge oto paine.

Haataꞌinge 14:18

Oto ensel nge ko lio-lio i sulie dunge aana ora ni uunu ola, e lae mai mwaanie ora ni uunu-uunu na ko soi weu hunie ensel nge e hele aana naihi uuri, “O ke toolea naihi iꞌoe na o ke lae oto i soꞌo niu, aena aana mo niu i laona pariki aana walumalau kire ulu-ulu oto.”

Haataꞌinge 5:8

Aana maholo e toolea uusu-uusu hio-hio ngeena, nge e hai ola mauri na e ro aawalai rato mwana hai kire ko pouruuru oto i naꞌona Kalei Sipu ngeena. Kire mani hele aana mo kao-kao aani kol nge kire honu eeni dango wau-wesu. Na mo dango wau-wesu ngeena oto mo palonga mwala maaꞌi a God. Oto kire mani da mo pesi aawa,

Haataꞌinge 6:9

Oto a Kalei Sipu ngeena e tahanie loꞌu limana nga hui edi, na nou leesie i hahana ora ni uunu-uunu, maurihaꞌana mo iini nge horoꞌilada e lae aana kire hiiwalaimoli na kire tarohaꞌinie walana God.

Haataꞌinge 7:2

E hai ensel ngeena a God e niie nanamanga hunire huni waelie aano huu na aasi. Oto nou leesie ngaeta ensel e lae mai uure mwaanie pwaalana sato peꞌie nga ola huni neꞌi haꞌa-ara aana mwala huni haataꞌinie uri ikire oto toꞌo-toꞌolana a God Mau-meuriꞌe. Na ensel ngeena e soi aana mei wala paine wau hunie e hai ensel uuri,

Haataꞌinge 8:4

na pwaꞌulana dango wau-wesu na mo aarengaꞌinge mwala a God, e uure mwaanie nimana ensel na ko loho oto taꞌau i saana a God.

Haataꞌinge 8:5

Oto ensel ngeena e toolea dunge mwaanie ora ni uunu-uunu ola, na e neꞌie i laona kao-kao ngeena, na e uuꞌileꞌinie i lalona walumalau. Oto waꞌariri ko eeso, na lou-lou ko kakahite, na nunu ko esu oolo-oolo oto.

Haataꞌinge 9:13

Oto oonona nga ensel e uuhie loꞌu aahuri ingeie. Na nou rongoa mei wala e uure mai mwaanie mo rarangoi ola i lengine ora aani kol nge e iiꞌo i naꞌona God.