Haataꞌinge 4:1 - Tataroha Diana

¹ Oto loꞌu i purine leune, nou lio na no ko leesie ngaeta maa e taha taꞌau i Lengi. Na mei wala e rongo mala aawa-aawatai eehuri nge nou rongoa kaꞌu holaꞌi naꞌo, ko heꞌi unue loꞌu hunieu uuri, “O ke lae poi i leu, na ne kei haataꞌinie aamu nga moi taa nge e saꞌa tewa na kire kei reu loꞌu.”

Haataꞌinge 4:1 Iomraidhean Croise

Matiu 3:16

Maholo a Jon e loto maaꞌi mango aana a Jisas, a Jisas e si lae poi uure i reune wai, na i Lengi ko taha oto, na ko leesie oto Liꞌoa a God ko siho mai mala hiroikuu, na ko lae mai ooꞌa oto i lengine a Jisas.

Tataroha Diana I Sulie A Jisas Kraes Nge A Mak E Uusue 1:10

Aana maholo a Jisas e taꞌelaꞌi poi mwaanie wai, e lio na ko leesie taꞌau i Lengi e taha, na Liꞌoa Maaꞌi ko siho oto i lengine mala hiroikuu.

Tataroha Diana I Sulie A Jisas Kraes Nge A Luk E Uusue 3:21

Maholo kire kaꞌa neꞌie ue a Jon i laona nume ni hoꞌo, ngaeta hai dinge e loto maaꞌi aana mwala, na e loto maaꞌi loꞌu aana a Jisas. Na aana maholo a Jisas ko aarea a God, nge i Lengi e si taha,

Tataroha Diana I Sulie A Jisas Kraes Nge A Jon E Uusue 16:13

Taꞌe a Liꞌoa kei haataꞌinie walaimolinge a God huniꞌomu. Maholo kei lae mai ngeena, nge ke si naꞌomiu oto i lalo aana ahutana walaimolinge uure mwaanie a God. E saꞌa ere ike mola tohune, taꞌe kei ere i sulie nga taa e rongoa, na kei unue huniꞌomu mo ola kei haro oa taane ue aana nga maholo.

Palonga 10:11

Na ko leesie oto ola mala mei sala paine nge kire ko haꞌasihoa aana e hai suꞌu-suꞌue ko siho mai aano uure mwaanie leu a God e iiꞌo aana.

Palonga 7:56

Oto a Stivin ko teꞌuri, “!Lio kaꞌu! Nou leesie i Lengi e taha, na a Kale Ni Iinoni e uure aana leu ni nanamanga i pwalo-pwalona God.”

Haataꞌinge 1:10

Oto aana ngaeta hai dinge maaꞌi a Aalaha, Liꞌoa Maaꞌi a God e siho i lengiku, na nou rongoa mei wala paine hai puriku mala aawa-aawatana aahuri,

Haataꞌinge 1:12

Oto nou eelihuꞌiteꞌi huni leesie uri a tei ko ere takoieu, na no ko leesie mola e hiu ola kire asuiꞌi aani kol talai laite, mo ola huni neꞌi-neꞌie mo laite ko eeso-eeso i lengini.

Haataꞌinge 1:19

Oto o ke uusue mo ola nge o ko leesiꞌi ngeena na mo iini o kei heꞌi leesiꞌi loꞌu mei puri.

Haataꞌinge 11:12

Oto e ro mwane maaꞌi ngeena kirerue ko rongoa mei wala paine uure taꞌau i Lengi ko unue hunirerue uuri, “More ke lae poi leu.” Oto kirerue ko lae oto taꞌau i Lengi i laona mei uuru, na mo maelonga ikirerue kire ko toꞌo-toꞌomaairerue mola.

Haataꞌinge 11:19

Oto nume maaꞌi a God taꞌau i Lengi e taha, na nou leesie oto taꞌau kesi maaꞌi a God nge haiholotaꞌinge ingeie i laona. Oto waꞌariri ko eeso hailiu, na lou-lou ko hoka, na nunu oto paine peꞌie mawasidengi oto paine ko hite, na mo uudu-uuduhe aani nemo e pou mala hau taꞌi salo ko teke oto mai aano mala nemo.

Haataꞌinge 16:17

Na hiune nga ensel e lai lingisie loꞌu kao-kao ingeie mai laona aahowaa. Oto mei wala paine e iisitaa mai mwaanie naunekume i laona nume maaꞌi, na ko teꞌuri, “E mango oto.”

Haataꞌinge 19:11

Oto nou heꞌi leesie loꞌu taꞌau i Lengi e taha, na nou leesie nga hoos rereꞌa. Na iini nge e taꞌe i lengine hoos ngeena sailana uuri, “Hahuꞌei iini toꞌohuu huni norutoꞌo aana.” Na aena aana tolahana e tohungei oodotaꞌi, nge ko leie mwala na ko ooho honosie mo maelonga ingeie huni taꞌaasie aaelanga mwaanie walumalau.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”