Haataꞌinge 3:3 - Tataroha Diana

³ Omu ke loꞌongaꞌi diana mola i sulie mo wala diana kire unuꞌi keꞌu huniꞌomu na omu rongoꞌi oto, hunie omu ke hele i suliꞌi, na omu ke aaliꞌu mwaanie mo tolahai ola aaela iꞌomu. Taꞌe mala omu kaꞌa taꞌelaꞌi oto na omu ke aaliꞌu mwaanie tolahai ola aaela ngeena, ne kei lae mai mala iinoni peli-peli hule aana omu kei aparaꞌi eeku mola aana kele maholoi sato ne kei hule huni haꞌaloilemiu.

Haataꞌinge 3:3 Iomraidhean Croise

Matiu 25:13

Oto a Jisas ko si haꞌamangoa aalahuunge ngeena uuri, “Omu ke dau aakau taraureꞌi suli maholo, aana omu kaꞌa saie ike hai dinge wa maholoi sato ineu a Kale Ni Iinoni ne kei ooli loꞌu mei.”

Tataroha Diana I Sulie A Jisas Kraes Nge A Mak E Uusue 13:33

Aena urine, omu ke lio talamiu na omu ke dau aakau taraureꞌi suli maholo, aena aana omu kaꞌa saie ike maholo ne kei ooli loꞌu mei.

Tataroha Diana I Sulie A Jisas Kraes Nge A Mak E Uusue 13:36

Mwaanie da na e tolana hule mola lau-leu, na e lae mola mai leesie omu ko maꞌahu liu.

1 Tesalonaeka 5:2

Aena aana iꞌomu maraamiu omu sai diana aana oto uri a Aalaha ikie kei ooli loꞌu mola mai aana taꞌena nga dinge nge mwala kaꞌa loꞌo-loꞌongaꞌinie ike, mala iinoni peli-peli e sai lae mola mai aana taꞌena nga maholo i rodo.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

2 Timoti 1:13

Oto o ke lae i sulie mo haꞌa-uusulinge toꞌohuu nge o rongoꞌi mwaanieu, na o ke haꞌa-aꞌailaꞌaa hiiwalaimolinge iꞌoe aana a Jisas Kraes, na o ke haimaanie manata-diananga ingeie hunie mwala.

Hibru 2:1

Aena urinena, kie ke tohungei hele maꞌutaꞌa oto aana nga taa nge haꞌananaulaka e lae kaꞌu oto aana, mwaanie kie lae aaopa mola mwaanie walaimolinge ngeena.

2 Pita 1:13

Aana no ko loꞌongaꞌi uri e lae oto i diana hunie ne ke haꞌa-haꞌa-aamasitoꞌoꞌomu aana walu ola ngeena maholo no ko meu-meuri ue, mwaanie omu pulongosiꞌi mola.

2 Pita 3:1

Maeni eesiku maaꞌi, ruana nga uusu-uusu ineu huniꞌomu oto ie. Nou saie uri saemiu e manola mola, oto aana e ro uusu-uusu ineu ienini, no ko haꞌa-aamasitoꞌoꞌomu mola uri hunie omu ke tohungei loꞌo-loꞌongaꞌi diana.

2 Pita 3:10

Taꞌe hai dinge Aalaha ikie kei ooli loꞌu mei, hai dinge ngeena kei lae mai mola mala iinoni peli-peli aana kie saꞌa manataꞌinie ike maholo kei lae mai wa kie ke loꞌongaꞌinie. Na aana hai dingena, painehaꞌana kou-kouhaꞌa oto paine kei reu uure mai taꞌau i Lengi na salo kei eiꞌaa oto. Na dunge oto paine kei ngaa oto ahutana walu ola taꞌau i salo hule aana kire kei meni aaela mango oto. Na walumalau ngeena oto peꞌie walu ola aana, kire kei meni eiꞌaa oto.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”

Haataꞌinge 2:25

Taꞌe omu ke hele maꞌutaꞌa mola aana nga taa nge omu toꞌo aana oto, lai hule aana ne kei ooli loꞌu mei.

Haataꞌinge 2:5

Omu ke loꞌongaꞌi eelihoꞌi loꞌu aana tolahai iinoni diana iꞌomu holaꞌinaꞌo, hunie omu ke aaliꞌu mwaanie mo oorahaꞌaa iꞌomu, na hunie omu ke asu peꞌie manata-diananga hunieu loꞌu mala omu euꞌesuie kaꞌu holaꞌinaꞌo. Mala uri omu kaꞌa aaliꞌu oto mwaanie mo oorahaꞌaa iꞌomu, nge ne kei lae mai seemiu na ne kei taꞌaasie oto ola talai laite iꞌomu ngeena mwaanie leu nge e iiꞌo aana.

Haataꞌinge 22:7

Oto nou heꞌi rongoa loꞌu walana a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Mo iini nge kire ko tola i sulie walana God e unu lalai eeni i laona uusu-uusu ie, kire ke ilenimwaꞌe mola.”

Haataꞌinge 3:11

E saꞌa tewa na ne kei ooli loꞌu mei. Omu ke hele maꞌutaꞌa aana hiiwalaimolinge omu toꞌo aana oto, mwaanie nga iini e haꞌamweꞌu-mweꞌuꞌomu mwaanie waaitemiu.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.

Haataꞌinge 3:2

!Omu ke taꞌelaꞌi! Na omu ke haꞌa-aꞌailaꞌaa nga taa nge ko karaꞌi mae oto ngeena. Omu ke haꞌa-aꞌailaꞌaa oto lau-leu aena aana nou deu oodoie uri asunge iꞌomu e kaꞌa tohungei mango diana ike i maana a God.