Haataꞌinge 3:1 - Tataroha Diana

¹ Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Sadis uuri. “Ineu nge nou hele aana e hiu Liꞌoa a God na e hiu ho heeꞌu, no ko unue huniꞌomu uuri. “Nou saie taane uri mwala ko unue soihaadaꞌinge iꞌomu e mauri diana. Taꞌe ineu, nou saie mola tolahamiu, uri omu mae oto ni ngeena.

Haataꞌinge 3:1 Iomraidhean Croise

Tataroha Diana I Sulie A Jisas Kraes Nge A Luk E Uusue 15:24

Aana a kaleku e mae oto kaꞌu, taꞌe ie e mauri oto loꞌu. E aiꞌaa kaꞌu, taꞌe kolu lio oodoie oto loꞌu.’ Oto kire ko si ngeu ni ilenimwaꞌenga peꞌie a mwaꞌune.

Tataroha Diana I Sulie A Jisas Kraes Nge A Luk E Uusue 15:32

Taꞌe ie, e malisine oto kolu ke ngau ni ilenimwaꞌenga peꞌie aasimu. Aana e mae oto kaꞌu, taꞌe ie e mauri oto loꞌu. E aiꞌaa kaꞌu, na lio oodoilana e lae loꞌu.’ ”

Tataroha Diana I Sulie A Jisas Kraes Nge A Jon E Uusue 1:16

Oto aena aana e tohungei honu aana manata-diananga na walaimolinge, nge ko nii-niie mai ngaeta mo niinge diana loꞌu hunie ke oolisie niinge diana wau i naꞌo ngeena.

Tataroha Diana I Sulie A Jisas Kraes Nge A Jon E Uusue 20:22

Maholo e ere urine, e si mango haahire na ko unue uuri, “Omu ke helesie a Liꞌoa Maaꞌi namiu,

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

Palonga 2:33

A God e tola aalihoꞌi aana hunie ke iiꞌo aana naꞌohai iiꞌo-iiꞌoha, i pwalo-pwalona, na a God Aamana e niie Liꞌoa Maaꞌi hunie oto mala e haiholotaꞌinie. Oto nga taa nge omu ko leesie na omu ko rongoa ngeena, mei ola a God e lingisie mai haahiꞌemeelu oto ni ngeena.

Epesas 2:1

Oto wau i naꞌo, omu iiꞌo mola mala uri omu mae oto, aena aana omu lae peꞌi heitohea God na omu talei deu taꞌewau oto mola.

Epesas 2:5

Na aena mei olana maholo kie mae kaꞌu i tehulaꞌana mo heitohenga ikie, ingeie e si da kie ke mauri tararuru peꞌie a Kraes. Oto niinge a God mone e haꞌa-uuriꞌomu,

Kolosi 2:13

Holaꞌinaꞌo e urihana uri omu mae oto mola i tehulaꞌana mo takalonga iꞌomu, na aena aana mo loꞌongaꞌinge aaela mo puꞌo ko oꞌoꞌo aamiu. Taꞌe a God e da omu ke mauri eelihoꞌi loꞌu peꞌie a Kraes, na e saeꞌaasie oto mo oorahaꞌaa ikie mwaanikie.

1 Timoti 5:6

Taꞌe nao keni nge ko loꞌo-loꞌongaꞌinie mola mo heri-huninge ingeie maraana, nge iini urine e mae oto maꞌalana ko meu-meuri ue.

Jemes 2:26

Oto e urine noꞌone mala sapei iinoni mwaakule na nga mangoi ola haꞌike aana, sapei ola ngeena e mae oto. E urine noꞌone loꞌu aana hiiwalaimolinge na asunge haꞌike aana. Ko urine na hiiwalaimolinge ngeena, ola e mae noꞌone mola.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

Jiud 1:12

Maholo omu ko esuie mo ngeuhe iꞌomu huni haataꞌinie manata-diananga iꞌomu huniꞌomu heiliu, nge mwala ngeena kire ko ngeu-ngeu taane peꞌiꞌomu aana ngau-maaꞌinge iꞌomu ngeena. Taꞌe kire urihana mola mo usu ko hiolo. Kire saꞌa maꞌuteꞌinie ike nga iini, aana kire ko rarara oto mola hunire maraada. Kire ko heiholotaꞌinie mo ola diana, taꞌe mo wala mwaakule mola ni ngeena, aana kire urihana mola mei rorodo e aꞌate nge e kaꞌa sai niie nemo hunie hohola ke aahu. Kire urihana noꞌone mo ei nge kaꞌa sai hungu ike maꞌalana maholo huni hungunge aana halisi. Oto waꞌi-mousilana imi-imini e lae mwaanie mwakano na kire tohungei mae oto taꞌingelu.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 1:16

Na e hele aana e hiu ho heeꞌu aana ninime i pwalo-pwalona, na naihi e ala rue-rue e maau mei mwaanie ngidune. Na maana e urihana oto sato ko raa i upui aatowaa.

Haataꞌinge 1:20

Mei loꞌongaꞌinge e iiꞌo mumuni aana e hiu ho heeꞌu nge o leesiꞌi i laona nime i pwalo-pwaloku na e hiu ola talai laite oto ienini. Ere luhesilana e hiu ola talai laite ngeena uri e hiu soihaadaꞌinge ni ngeena. Na e hiu ho heeꞌu ngeena, nge mo naꞌohai mwane aana e hiu soihaadaꞌinge ni otona.”

Haataꞌinge 1:4

Saediananga mwaanieu a Jon huniꞌomu e hiu soihaadaꞌinge aana poꞌo ni henue i Esia. No ko eitanaie a God iini e mauri oto uure mai naꞌo na ko meuri oto siꞌiri ie na kei meuri oto huu. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu. Na e ro haꞌadianaꞌanga ngeena kire uure noꞌone mwaanie e hiu liꞌoa nge kire uure i naꞌona naunekume a God,

Haataꞌinge 2:13

“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.

Haataꞌinge 2:19

“Nou saie taane manata-diananga iꞌomu, na hiiwalaimolinge iꞌomu, na asunge diana iꞌomu aani peꞌilemiu heiliu, na hele-susuleꞌinge iꞌomu eeku maꞌalana ke aasa loꞌu uri taa. Iau, nou saie taane mo ola diana omu ko esuiꞌi ngeena, na uri omu ko esuiꞌi loꞌu liutaa aana mo iini nge omu esuiꞌi keꞌu holaꞌinaꞌo.

Haataꞌinge 2:2

“Nou saie taane nga taa omu esuie, na uri omu esu hiitoꞌo nakue, na uri omu hele susuleꞌi aani hiiwalaimolinge aaku. Nou saie noꞌone uri omu leledie mo iini nge ko lae i sulie mo tolahai ola aaela, na uri omu oohongie oto mo iini nge kire ko unue uri ikire mo hurulaꞌaa ineu taꞌe haꞌike mola, na uri omu deu oodoie uri kire ko eero mola.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 3:15

“Nou saiꞌomu taane na nga taa omu esuie, na nou saie taane uri saemiu e kaꞌa madoro ike aana manata-diananga hunieu, na e kaꞌa wawai ike aana ngiduupunge hunieu. Mala uri saemiu ke madoro hiitoꞌo wa omu ke wawai hiitoꞌo, na e kohi mola aaku.

Haataꞌinge 3:2

!Omu ke taꞌelaꞌi! Na omu ke haꞌa-aꞌailaꞌaa nga taa nge ko karaꞌi mae oto ngeena. Omu ke haꞌa-aꞌailaꞌaa oto lau-leu aena aana nou deu oodoie uri asunge iꞌomu e kaꞌa tohungei mango diana ike i maana a God.

Haataꞌinge 3:8

“Nou saie taane nga taa omu esuie na nou saie taane mola uri maꞌalana iꞌomu nga mo mwane paine haꞌike, taꞌe omu hele i sulie mo haꞌa-uusulinge ineu, na omu kaꞌa taateingeꞌinieu. Aena urine nou tahanie oto maa talamiu nge nga iini e saꞌa honoa ike loꞌu.

Haataꞌinge 4:5

Na uure mwaanie naunekume paine ngeena, waꞌariri ko eeso na lou-lou ko kakahite. Na i naꞌona naunekume, e hiu maai dunge ko eeso-eeso, na ikire e hiu liꞌoa a God otona.

Haataꞌinge 5:6

Oto i matolana mo rato ni mwane na e hai ola mauri ngeena, nou leesie loꞌu Kalei Sipu e uure i naꞌona naunekume ni aalaha ngeena. Na Kalei Sipu ngeena, e lio mala horoꞌilana e lae oto. E toꞌo aana e hiu rarangoi ola, na mo rarangoi ola ngeena mo tolimaa aana hahuꞌana nanamanga ingeie. E toꞌo aana loꞌu e hiu uꞌumaai ola, na ikire nge e hiu liꞌoa a God, nge e haꞌatolara aana taꞌena nga leu i laona walumalau.