Biblia Todo Logo
Bìoball air-loidhne

- Sanasan -




Haataꞌinge 1:2 - Tataroha Diana

2 Na ineu a Jon oto, ngaeta koni-konihe mola ingeie, no ko unu tahangaꞌinie huniꞌomu ahutana mo ola nou leesiꞌi ngeena. Na mo wala uure mwaanie a God otona, aana a Jisas Kraes ni e unu haꞌa-oaie uri kire toꞌohuu.

Faic an caibideil Dèan lethbhreac




Haataꞌinge 1:2
22 Iomraidhean Croise  

Oto a Jon ko si unu tahangaꞌinie hunie mwala uuri, “A God e uusungeꞌinieu mei huni loto maaꞌi aana mwala aani wei loosie iini nge kei lae ue mai. Aana maholona, ineu nou kaꞌa sai diana aana ike ue uri ingeie a tei. Taꞌe a God e unue hunieu uuri, ‘Iini o ko leesie Liꞌoa Maaꞌi ko siho i lengine na ko iiꞌo oto i lengine, ingeie otona iini kei loto maaꞌi aana mwala aana Liꞌoa Maaꞌi.’ Oto no ko unu tahangaꞌinie uri ingeie oto mwane nou leesie Liꞌoa Maaꞌi e siho mai uure i Lengi oto mala hiroikuu na e iiꞌo oto i lengine.


Mwala oto hunge nge kire iiꞌo peꞌie a Jisas maholo e soie a Lasaros mwaanie kilipweꞌu na e taꞌea mwaanie maenga, kire ko lae peꞌi tarohaꞌinie nga taa a Jisas e asuie ngeena.


Na ineu nge no ko uusu-uusu ienini, ineu maraaku nou leesie leune e rau oto toꞌohuu, na no ko unu haꞌa-oaie uri e toꞌohuu oto. No ko ere aana walaimolinge hunie uri iꞌomu noꞌone omu ke hiiwalaimoli.


Ineu oto pwaarongoisuli ngeena, na nou unu haꞌa-oaie walu ola ienini na nou uusuꞌi oto ie. Na kie mani manataꞌinie uri nga taa nou unue e toꞌohuu oto.


No ko ere toꞌohuu oto huniꞌo uri melu ko ere oto i sulie nga taa melu manataꞌinie, na melu ko unu tahangaꞌinie oto oodoiꞌomu nga taa melu leesie. Taꞌe nga iini eemiu e kaꞌa sare hiiwalaimoli ike mola aana.


Na iꞌoe oto iini ingeie huni tarohaꞌinie hunie mwala aana walu ola nge o leesiꞌi na o rongoꞌi ngeena.


O ke taꞌelaꞌi, na o ke uure hala-hala. No ko haataꞌi huniꞌo siꞌiri hunie o ke neꞌie koni-konihe ineu. O ke laengaꞌinie nga taa o ko leesie aaku siꞌiri, na nga taa ne kei haataꞌinie loꞌu eemu mai puri.


Aana ienini mere saꞌa rohu ike aani erenga i sulie nga taa mere leesie na mere rongoa oto maraamereꞌi.”


Saemiu e susu oto toꞌohuu aana Tataroha Diana i sulie a Jisas Kraes,


Oto ineu, maeni eesiku maaꞌi, maholo nou lae kaꞌu weu i seemiu huni tarohaꞌinie saehaahinge a God, nou kaꞌa ere ike aana nga mo eehuꞌi wala wa nga mo saenanaunge ke lae oto loꞌu i peine liutaa.


Ie melu ko uusue uusu-uusu huniꞌomu i sulie tohungei iinoni e uure oto mai aehotalana, nge ingeie mei Wala ni Meurihe. Melu ko uusue oto mala melu rongoa aana aalingameelu, na melu leesie aana maameelu. Melu toꞌomaaie, na melu hele aana oto aana kiꞌimeelu.


Na melu leesie oto a Jisas aana maameelu, na melu ko haꞌarongoa oto walumalau uri a God e uusungeꞌinie mai a Kalena hunie ke neꞌie a Haꞌa-uuri hunie ahutana mwala aana walumalau.


Oto o ke peꞌie a Demitrias maholo kei hule wau i seemiu, aana ahutana mwala ko meni unue uri ingeie mwane diana, na walu ola ko esuiꞌi e oodotaꞌi na ko haataꞌinie uri e toꞌohuu oto. Ineu na nou unue noꞌone urine, na iꞌoe, o saie mola no ko ere toꞌohuu.


na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”


Oto o ke uusue mo ola nge o ko leesiꞌi ngeena na mo iini o kei heꞌi leesiꞌi loꞌu mei puri.


Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.


Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.


Oto painehaꞌana mwaa ala-ala ngeena e tohungei saewasulie a huꞌena, na e lae oto huni ooho peꞌie mo kalena. Ikire oto mo iini nge kire ko lulu i sulie mo haꞌatolanga a God, na kire ko haꞌahouleꞌinie walaimolinge i sulie a Jisas.


Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.


Ineu a Jon no ko aarea God uri hahuꞌana manata-diananga Aalaha ikie a Jisas ke iiꞌo peꞌiꞌomu. Ke urine oto.


Oto a Kalei Sipu ngeena e tahanie loꞌu limana nga hui edi, na nou leesie i hahana ora ni uunu-uunu, maurihaꞌana mo iini nge horoꞌilada e lae aana kire hiiwalaimoli na kire tarohaꞌinie walana God.


Lean sinn:

Sanasan


Sanasan