Epesas 6:18 - Tataroha Diana

¹⁸ Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Epesas 6:18 Iomraidhean Croise

Matiu 17:21

Matiu 26:41

Omu ke lio na omu ke aarengaꞌi, mwaanie malaahonga e hane haahiꞌomu. Nou saie uri manatamiu e aꞌailaꞌa taane huni esuie mo ola diana, taꞌe sapemiu ni mola ko tataku.”

Tataroha Diana I Sulie A Jisas Kraes Nge A Mak E Uusue 13:33

Aena urine, omu ke lio talamiu na omu ke dau aakau taraureꞌi suli maholo, aena aana omu kaꞌa saie ike maholo ne kei ooli loꞌu mei.

Tataroha Diana I Sulie A Jisas Kraes Nge A Mak E Uusue 14:38

Oto a Jisas ko heꞌi teꞌuri loꞌu hunire, “Omu ke lio-lio peꞌi aarengaꞌinge, mwaanie malaahonga e hane haahiꞌomu. Nou saie uri manatamiu e aꞌailaꞌa taane huni esuie mo ola diana, taꞌe sapemiu ni mola ko tataku.”

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

Tataroha Diana I Sulie A Jisas Kraes Nge A Luk E Uusue 22:46

Oto ko teꞌuri hunire, “?Uri omu ko maꞌahu mola? Omu ke taꞌelaꞌi na omu ke aarengaꞌi mwaanie malaahonga e hane haahiꞌomu.”

Tataroha Diana I Sulie A Jisas Kraes Nge A Luk E Uusue 3:26

A Nagae e uure mwaanie a Meata. A Meata e uure mwaanie a Matataeas. A Matataeas e uure mwaanie a Semein. A Semein e uure mwaanie a Josek. A Josek e uure mwaanie a Joda.

Tataroha Diana I Sulie A Jisas Kraes Nge A Luk E Uusue 3:37

A Lamek e uure mwaanie a Metusala. A Metusala e uure mwaanie a Inok. A Inok e uure mwaanie a Jered. A Jered e uure mwaanie a Mahelalel. A Mahelalel e uure mwaanie a Kenan.

Palonga 1:14

Ahutadaelu kire sai loko oto tarau peꞌie a Meri nikana a Jisas, na ngaeta mo huꞌe loꞌu, na mo mwane aasine a Jisas kire mani hute, hunie ahutada kire ke mani aarea God.

Palonga 10:2

Maꞌalana ingeie ngaeta mwane aana mo Aapoloa Aaopa, taꞌe e neꞌisae paine aana God na ahutana mwala aana uluhe ni iinoni ingeie kire ko lulu i sulie a God noꞌone. A mwaena ko nii-nii tarau hunie kira maitale, na ko aare-aarea God suli maholo.

Palonga 12:5

Oto kire ko si tohungei kakali diana aana a Pita i laona nume ni hoꞌo, taꞌe mo iini aana soihaadaꞌinge kire ko aarea mola a God hunie ke peꞌie a Pita.

Palonga 6:4

Taꞌe iꞌemeelu, melu kei iiꞌo mola peꞌie aarengaꞌinge na peꞌi houleꞌinilana walana God.”

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Epesas 1:16

nou kaꞌa pupulongo ike huni paalahea God haahiꞌomu. Nou sai loꞌongaꞌiniꞌomu mola tarau i laona mo aarengaꞌinge ineu.

Epesas 2:22

Aena aana omu iiꞌo ruru oto peꞌie a Kraes, a God e asuie oto hunie omu ke iiꞌo ruru peꞌie ahutana mo iinoni kire hiiwalaimoli aana a Kraes, na omu meni neꞌie ngaeta nume maaꞌi nge Liꞌoa Maaꞌi a God e iiꞌo aana.

Epesas 3:18

Na no ko eitanaie a God hunie uri ahutemiu loko-loko peꞌie ahutana mo iinoni a God, omu ke mani toꞌo aana nanamanga huni sai diana aana manata-diananga a Kraes, uri e tohungei peine, na e tohungei tewa, na e lae i lengi oto hiitoꞌo, na e tohungei kokoro.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Epesas 6:19

Na omu ke aarengaꞌi noꞌone talaku, hunie a God ke niie mo wala huni tarohaꞌiniꞌi hunieu. Mala uri kei lae urine, nge nou saꞌa maꞌu ike maholo ne kei tarohaꞌinie Tataroha Diana nge e iiꞌo mumuni kaꞌu mwaanie mo iinoni ni welumalau.

Pilipae 1:4

Na aarengaꞌinge ineu talamiu no ko aarengaꞌi taraureꞌi peꞌi ilenimwaꞌenga.

Pilipae 4:6

Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.

Kolosi 1:3

Oto tarau maholo melu ko aarengaꞌi talamiu, melu ko paalahea a God, Aamana Aalaha ikie a Jisas Kraes,

Kolosi 1:4

aana melu rongoa uri omu ko hiiwalaimoli aana a Jisas Kraes, na omu ko manata diana hunie ahutana mo iinoni maaꞌi a God.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

1 Tesalonaeka 5:17

na omu ke aarea God mola tarau.

1 Timoti 2:1

No ko holaꞌi unue kaꞌu huniꞌo uri o ke aarengaꞌi talana ahutana mwala. O ke paalahea God haahire, na o ke aitanaie a God hunie ke peꞌire na ke haꞌadianaꞌara.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

Pilimon 1:5

No ko aama-aamasitoꞌo aamu sulie no ko rorongoa uri o ko tohungei manata diana liutaa hunie ahutana mwala a God, na hiiwalaimolinge iꞌoe e susu i lalo aana Jisas Aalaha ikie.

Hibru 5:7

A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

Jiud 1:20

Taꞌe iꞌomu, maeni malahuku, hiiwalaimolinge iꞌomu e tohungei maaꞌi. Na omu ke uure maꞌutaꞌa i lengine tohungana hiiwalaimolinge iꞌomu ngeena, na omu ke aarengaꞌi i sulie neꞌisaenga a Liꞌoa Maaꞌi peꞌie nanamanga ingeie.