Epesas 5:5 - Tataroha Diana

⁵ Iꞌomu, omu saie oto maraamiu uri mwala nge kire ko talei deu taꞌewau mola peꞌie taꞌena nga iinoni, na kire ko lae peꞌi esuie mola taꞌena nga ola aaela urine, kire kaꞌa toꞌo aana ike nga leu talada i laona mauringe nge a Kraes na a God kirerue ko aalaha haahie. Na e urine noꞌone hunie mo iini nge kire ko talei sae-saehanalie mola toꞌo-toꞌolana ngaeta mwala, aana mo iini urine kire ko paloa mola mo god eero-eero ni ngeena.

Epesas 5:5 Iomraidhean Croise

Palonga 20:32

Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.

Palonga 8:21

Iꞌoe o kaꞌa toꞌo aana ike nga kele mei ola aana asunge a God ienini, aana loꞌongaꞌinge iꞌoe e kaꞌa oodo ike i maana a God.

Kalesia 5:19

Na nga taa nge tolaha ni iinoni ko esuie, e matapwa taane mola, aana mwala nge ko lae mola i sulie saeda, kire ko mesi, na kire ko aeni ola, na kire ko deu mola i sulie taꞌena nga hari-huninge aana sape.

Kalesia 5:21

Kire ko saehanalie mola toꞌolana ngaeta iinoni, na kire ko mehiri mola aana inu wei ni pweunge, na kire ko deu mola taꞌewau aana mo houlaa ni inunge ikire. Na walu ola urine noꞌone nge kire ko euꞌesuiꞌi. No ko unue oto loꞌu huniꞌomu mala nou unue kaꞌu oto holaꞌinaꞌo uri mwala nge kire ko deu i sulie mo tolahai ola mala ngeena, kire saꞌa helesie ike mo haꞌadianaꞌanga aana Aalahanga a God.

Epesas 5:3

Oto aeni-olanga peꞌie nga iinoni, wa taꞌena nga masinge loꞌu urine, wa saehanalilana toꞌo-toꞌolana ngaeta mwala, e kaꞌa tohungei adongamiu ike. Omu ke iiꞌo haꞌataulie mola taꞌena nga ola urine, hule aana nga iini kaꞌa sai kele siho aamiu aana nga mei ola urine, aana iꞌomu mo iinoni a God.

Kolosi 1:13

Aana e haꞌa-uurikie mwaanie nanamanga aana rodohono, na e toolekie i laona Aalahanga a Kalena, iini e tohungei manata diana hunie.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.

1 Timoti 6:10

Na saehanalilana toꞌoha oto aahuꞌine taꞌena nga aaelanga. Na ngaeta mo iinoni kire toliꞌaasie oto hiiwalaimolinge ikire aena aana kire ko saehanalie mola uri toꞌo-toꞌolada ke paine loꞌu liutaa. Taꞌe aana kire ko teꞌurine, nge kire ko si esuie mola mo saehuunge ikire ko peine loꞌu liutaa.

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

Hibru 13:4

Haꞌarurunge mei ola huni haꞌamaꞌu aana, na mwaanie nga iini e maꞌahu loꞌu peꞌie iini e kaꞌa haꞌaruru ike peꞌie, aana a God kei leie mo iini kire ko aeni ola na kire ko mesi.

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.