Epesas 5:4 - Tataroha Diana

⁴ Na e kaꞌa adona ike noꞌone uri omu ke talei unu-unue mo wala aaela, wa mo erenga ni pweu, wa mo haꞌa-eeronga aaela. Taꞌe nga taa e malisine uri omu ke ere i sulie oto, huni paalahea mola a God.

Epesas 5:4 Iomraidhean Croise

Tataroha Diana I Sulie A Jisas Kraes Nge A Mak E Uusue 7:22

saehanalinge, tataꞌalanga, eeronga, dau-olanga taꞌewau, heotaꞌinge, ere-aaelasilana ngaeta iinoni, toohaꞌinge, na puꞌonga.

Tataroha Diana I Sulie A Jisas Kraes Nge A Jon E Uusue 6:23

Kire ko lio-lio ue hunie, na mo iiola uure aana huilume i Taebirias kire ko lae mai i oone karaꞌinie leu nge mwala e ngau bred aana i purine a Jisas e ere ni paalahenga.

Uusu-uusu A Pol Hurula'aa Hunie Mo Rom 1:28

Oto aena aana mwala ngeena kaꞌa sare loꞌongaꞌinie ike loꞌu saenanaunge toꞌohuu aana God, a God e toliꞌaasire mola hunie kire ke dau mola mala saeda, maꞌalana kire ko da mola walu ola e kaꞌa malisine ike uri kire ke dauꞌi.

2 Korinit 1:11

Na omu sai peꞌiꞌemeelu noꞌone aani aarengaꞌinge talameelu. Urine mwala oto hunge ke si paalahea a God, aena aana kire kei meni leesie uri a God e sai rongo hunie aarengaꞌinge mo iini hunge na e sai haꞌadianaꞌaꞌemeelu i tehulaꞌana mo aarengaꞌinge ikire ngeena.

2 Korinit 9:15

Na ahutaka kie ke paalahea God haahie hahuꞌana niinge oto paine e niie hunikie, nge hule aana nga mo wala e kaꞌa malisine ike ere-luhesilana.

Epesas 1:16

nou kaꞌa pupulongo ike huni paalahea God haahiꞌomu. Nou sai loꞌongaꞌiniꞌomu mola tarau i laona mo aarengaꞌinge ineu.

Epesas 4:29

Omu ke suꞌuri unu-unue mo wala aaela, taꞌe omu ke unu-unue mo wala nge kire malisine maholo ngeena huni peꞌie mwala. Aana taungei erenga urine, e sai haꞌadianaꞌaa mo iini nge kire ko rongoa.

Pilipae 4:6

Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.

Kolosi 3:8

Taꞌe haꞌike loꞌu, na maholo ienini omu ke toliꞌaasie oto noꞌone mwaanie maurihaꞌamiu mo ola mala saewasunge, na ngiduupunge, na neꞌisaenga huni waelie ngaeta iinoni, na eeronga huni waelie nga iini, na taꞌena nga erenga madaꞌa.

1 Tesalonaeka 3:9

Melu ko tohungei ilenimwaꞌe na melu ko paalahea God oto liutaa haahiꞌomu. Na paalahenga iꞌemeelu ngeena hule aana e kaꞌa malisine ike noꞌone ahutana ilenimwaꞌenga nge melu toꞌo aana i tehulaꞌamiu.

1 Tesalonaeka 5:18

Na maꞌalana nga taa ke rau-reu loꞌu, taꞌe omu ke paalahea God mola tarau suli maholo. Aana a God e saetoꞌo aana omu ke asu urine aena aana omu lado oto peꞌie a Jisas Kraes.

Pilimon 1:8

Oto aena urinena, no ko eitanaiꞌo hunie o ke asuie nga mei ola hunieu. Mala uri saeku hunie, nou sai unue mola huniꞌo aana nanamanga ineu mala nga hurulaꞌaa a Kraes hunie o ke asuie mola hunieu, taꞌe nou kaꞌa sare asuie ike urine. !Haꞌike! Nou saꞌa dau rarahiꞌo ike, taꞌe aena aana kure ko manata diana hunikure hailiu, nge no ko sare kele ai-eitanaiꞌo mola hunie o ke peꞌieu. Oto no ko ere huniꞌo ie mala ineu ngaeta repo, nge nou iiꞌo oto i laona nume ni hoꞌo siꞌiri aena aana no ko tarohaꞌinie walana a Jisas Kraes.

Hibru 13:15

Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

2 Pita 2:7

Taꞌe a God e haꞌa-uurie mola a Lot mwaanie huilume i Sodom, aana ingeie e iiꞌo oodotaꞌi na e hii aaela i sulie mo tolahai ola tataꞌala ikire mwala oorahaꞌaala aana e ro huilume ngeena.

Jiud 1:10

Taꞌe mwala ienini kire ko ere aaelasie oto mo ola hule aana kire kaꞌa sai diana aani. Saemangonga ikire e urihana mola mo poo wa mo usu nge kire kaꞌa sai loꞌongaꞌi ike. Kire ko lae-lae oto mola i sulie pwalusude aani nonowasunge hunie taꞌena nga ola, na mo ola urine nge ko waelire oto hiitoꞌo.

Jiud 1:13

Mwala urine kire kaꞌa sai masa ike haahie mo tataꞌalanga ikire, na kie sai leesiꞌi mola mala rama-rama nge aahe ko aasiꞌi i oone. Kire urihana mola mo tatahorade, aana haꞌamangolani oto i laona rodohono pupulu, na e urine noꞌone hunie mwala ngeena aana a God e koni aakau oto aana nga leu loosire i laona rodohono pupulu oto di.