Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.
Omu saie mola sapena nga iini e neꞌie oto ngaeta sasarai ola a Kraes. ?Oto e ue? ?Uri e malisine nga iini ke toolea mola sapena nge e neꞌie oto ngaeta sasarai ola a Kraes, na ke ladoa peꞌie nga repi? !Haꞌike! !E kaꞌa malisi ike!
Soihaadaꞌinge oto sapena Kraes, na ingeie oto ko esuie soihaadaꞌinge ke neꞌi iinoni haꞌileku, mala a Kraes e asuie taꞌena nga ola aana haꞌaholanga ke neꞌi ola haꞌileku.
Omu meni saie uri nga taꞌa-taꞌa iini e saꞌa sare waelie ike sapena mola maraana. !Haꞌike! Taꞌe nga iini e sai lio i suli diana aana mola sapena peꞌi ngeulaa na walu ola loꞌu e adona. A Kraes ko lio diana i sulie soihaadaꞌinge urine noꞌone,
Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.
