Epesas 5:23 - Tataroha Diana

²³ Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Epesas 5:23 Iomraidhean Croise

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

1 Korinit 6:13

Na nga mo iini loꞌu kire unue uuri, “Ngaulaa ola mola hunie iiaka ni ngeena, na iiaka ola mola huni hele aana ngaulaa.” E toꞌohuu taane, taꞌe a God kei haꞌamangoa mola e ro mei ola ngeena. Oto aana omu ko loꞌongaꞌinie uri mo hiolonga ni sape kire mani sada mola i maana God, nge omu unue uri masinge noꞌone e kaꞌa neꞌie ike nga mei ola. !Taꞌe haꞌike mwae! Sape mei ola huni esu nana Aalaha ni ngeena, na a Aalaha ko lio i sulie sapeka,

Epesas 4:15

Taꞌe ikie, aana kie manata diana hunie mwala, kie ke ere mola aana walaimolinge. Urine kie ke paine mola peꞌie taꞌe-taꞌena nga tolaha diana, na kie ke lado toꞌohuu peꞌie a Kraes. Ingeie oto pwauke nge kie mani lado aana,

Epesas 5:24

Na oto mala soihaadaꞌinge ko lae i sulie a Kraes, oto iꞌomu mo huꞌe, omu ke mwaꞌe-mwaꞌe ni lae i sulie mo poro iꞌomu noꞌone urine.

Kolosi 1:18

Mo iinoni aana soihaadaꞌinge, kire urihana sapena Kraes, na ingeie oto pwaune soihaadaꞌinge, aena aana ingeie oto aahuꞌine maurihe. Ingeie oto eetana nga iinoni huni taꞌelaꞌi mwaanie maenga peꞌie maurihe nge ko iiꞌo oto huu, hunie uri taꞌe ingeie haliꞌite ke neꞌie naꞌohai iini haahie ahutana walu ola.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

Haataꞌinge 19:7

Kie ke sae-sae diana peꞌi ilenimwaꞌenga na kie ke soi haꞌamanikuluꞌaa God, aena aana haꞌarurunge a Kalei Sipu e toꞌo mone oto, na huꞌe haalu ingeie e iiꞌo aakau oto.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.