Epesas 5:16 - Tataroha Diana

¹⁶ Omu ke asu diana aana ahutana mo kele maholoi sato omu toꞌo aani ngeena, aena aana maholo ienini, maholo oto aana aaelanga ni ngeena.

Epesas 5:16 Iomraidhean Croise

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Tataroha Diana I Sulie A Jisas Kraes Nge A Jon E Uusue 12:35

Oto a Jisas ko si teꞌuri hunire, “Raa-raa kei iiꞌo haꞌawali mola ue peꞌiꞌomu huni haꞌasinelie saemiu. Oto omu ke norutoꞌo mola aana, na omu ke lae-lae maholo raa-raa e iiꞌo ue i matolamiu, mwaanie e rodo honosiꞌomu i sulie tala. Aana iini ko lae-lae i laona rodohono, e kaꞌa saie ike uri ko lae i tei.

Uusu-uusu A Pol Hurula'aa Hunie Mo Rom 13:11

Oto no ko unue huniꞌomu uri omu ke asuie walu ola ienini, aana omu saie oto mo maholo uri taa ni ie. Kie hiiwalaimoli aana a Jisas e tewa oto, na e karaꞌinie oto maholo nge a God kei lae mai huni haꞌa-uurikie. Oto omu ke dau aakau hunie laenga mai a Kraes, na mwaanie omu iiꞌo mola mala mo iini kire ko maꞌa-maꞌahu ue.

1 Korinit 7:26

Oto nou leesie walu ola ko aasa aana maholo ie, na aena urine, nge nou loꞌongaꞌinie uri e diana hunie omu ke iiꞌo mola mala omu ko iiꞌo siꞌiri.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Epesas 6:13

Oto omu ke hoꞌosie mo talo hai aaopaꞌi nge a God e sai niiꞌi ngeena. Aana urine nge omu sai uure honosie maelonga ngeena, maꞌalana nga taa loꞌu ke lae mai huni seuniꞌomu. Na omu sai heiseuni mola lai hule i haꞌamangolana, na omu sai uure aꞌailaꞌa mola tarau.

Epesas 6:15

Omu ke iiꞌo aakau huni tarohaꞌinie Tataroha Diana i sulie hanuelamanga peꞌie a God, aana urine domana uri omu hoꞌosie oto mo hoꞌohaahiꞌae iꞌomu.

Kolosi 4:5

Omu ke lio-lio kohi talamiu mala mo iini e saenanau maholo omu ko iiꞌo peꞌie mo iini nge kire kaꞌa hiiwalaimoli ike aana a Kraes. Omu ke suꞌuri toliꞌaasie nga kele maholo ke waetaꞌi, taꞌe omu ke asu diana aana ahutana maholo omu ko iiꞌo peꞌire, aena aana mo maholo diana huni haataꞌinie tolahana a Kraes hunire ni otona.