Epesas 5:14 - Tataroha Diana

¹⁴ Oto omu ke haꞌa-haꞌasinelie mwala aana tolahai ola diana hunie kire ke haimaaniꞌomu na kire ke aaliꞌu loꞌu mwaanie rodohono hunie kire ke neꞌie raa-raa oto noꞌone mala iꞌomu. Aena urine kaꞌu nga iini e ere uuri, “Omu ke lio oto, mo iini omu sai maꞌahu. Omu ke lio oto mwaanie maenga, hunie a Kraes ke si raangiꞌomu.”

Epesas 5:14 Iomraidhean Croise

Tataroha Diana I Sulie A Jisas Kraes Nge A Luk E Uusue 1:78

Aena aana aamasinge a God ikie mone, ingeie kei siho mai uure taꞌau i Lengi mala sato ko pwaa,

Tataroha Diana I Sulie A Jisas Kraes Nge A Luk E Uusue 15:24

Aana a kaleku e mae oto kaꞌu, taꞌe ie e mauri oto loꞌu. E aiꞌaa kaꞌu, taꞌe kolu lio oodoie oto loꞌu.’ Oto kire ko si ngeu ni ilenimwaꞌenga peꞌie a mwaꞌune.

Tataroha Diana I Sulie A Jisas Kraes Nge A Jon E Uusue 8:12

Oto a Jisas ko heꞌi ere uuri loꞌu hunie mo Parise, “Ineu oto raa-raa hunie mo iinoni aana walumalau. Iini ko lulu i sulieu, e saꞌa heꞌi lae loꞌu i laona rodohono, taꞌe kei toꞌo aana raa-raa nge e sai niie maurihe.”

Tataroha Diana I Sulie A Jisas Kraes Nge A Jon E Uusue 9:5

Maholo nou iiꞌo ue mai laona walumalau, ineu oto raa-raa hunie walumalau.”

Palonga 13:47

Aena aana Aalaha e tohungei ere hiitoꞌo huniꞌemeelu uuri, Nou haꞌa-uuresiꞌo mala nga raa-raa huni raangie mo Aapoloa Aaopa, na hunie o ke haataꞌinie tala ni meurihe hunie mwala aana e hai suꞌu-suꞌue aana walumalau.” Aesaea 49:6

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

1 Korinit 15:34

Oto omu ke loꞌo-loꞌongaꞌi diana loꞌu, na mwaanie omu heꞌi oora-oorahaꞌaala loꞌu. No ko tola tahangaꞌinie leune huni haꞌamasaꞌomu uri nga mo iini eemiu kire kaꞌa saie ike ue a God.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Epesas 2:1

Oto wau i naꞌo, omu iiꞌo mola mala uri omu mae oto, aena aana omu lae peꞌi heitohea God na omu talei deu taꞌewau oto mola.

Epesas 2:5

Na aena mei olana maholo kie mae kaꞌu i tehulaꞌana mo heitohenga ikie, ingeie e si da kie ke mauri tararuru peꞌie a Kraes. Oto niinge a God mone e haꞌa-uuriꞌomu,

Kolosi 3:1

Maholo a Kraes e mauri eelihoꞌi mwaanie maenga, a God e haꞌa-uuriꞌomu noꞌone mwaanie maenga i tehulaꞌana oorahaꞌaa, hunie iꞌomu noꞌone omu ke toꞌo aana maurihe. Oto aena urinena, omu ke neꞌi-neꞌisae paine aana mauringe taꞌau i Lengi, leu nge a Kraes e iiꞌo i lengine naunekume ingeie aana taꞌau i pwalo-pwalona God.

1 Tesalonaeka 5:6

Oto kie ke suꞌuri urihana mwala aana rodohono ni welumalau nge kire ko talei maꞌa-maꞌahu mola, taꞌe kie ke iiꞌo aakau mola tarau loosie a Aalaha mala mo iini kire ko lio-lio diana taraureꞌi na kire kaꞌa inu wei ni pweu ike.

2 Timoti 1:10

Oto maholo ie, a Jisas Kraes e hule oto huni haataꞌinie aamasinge a God hunikie. A Haꞌa-uuritaka, a Jisas Kraes e haꞌamangoa oto maenga, na e haataꞌinie oto Tataroha Diana hunikie, nge ko haꞌasinelie saeka, na ko haataꞌinie tala huni toꞌo aana maurihe nge e saꞌa heꞌi mango loꞌu.

2 Timoti 2:26

A Pwelu Eero-eero ni mola e tapolie mwala ngeena aana lolosilana hune ingeie hunire, na ingeie ni mola ko si deu rarahire uri hunie kire ke dau aaela i sulie nga taa e saetoꞌo aana. Taꞌe mala uri kire kei aehota lio saie mo haꞌa-uusulinge toꞌohuu, nge luhesilada e sai lae taane mola, na kire sai tehisie mola a Pwelu Eero-eero.