Epesas 5:11 - Tataroha Diana

¹¹ Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.

Epesas 5:11 Iomraidhean Croise

Matiu 18:15

Oto a Jisas ko heꞌi teꞌuri loꞌu, “Mala nga aasimu i laona Kraes ko deu aaelasie nga mei ola aamu, o ke lae mola i saana maraamu hunie more ke haꞌa-oodohie i matolamoreꞌi mola maraamoreꞌi. Mala uri aasimu ko rongo hunie nga taa o kei unue, e urihana o tola aalihoꞌi loꞌu aana aasimu eena hunie more ke iiꞌo diana loꞌu.

Tataroha Diana I Sulie A Jisas Kraes Nge A Luk E Uusue 3:19

Na e tohungei ere aana a Herod Antipas hiitoꞌo haahie e toꞌo aana loꞌu mola a Herodias, huꞌe a mwane aasine. Na e ere aana noꞌone a Herod haahie ahutana mo ola aaela e dau huꞌisiꞌi.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Uusu-uusu A Pol Hurula'aa Hunie Mo Rom 13:12

!Ko dengi oto! Oto kie ke toliꞌaasie oto mo tolahai ola aaela aana rodohono, na aana ikie oto mo iinoni aana matapwanga, nge kie ke hele aana loꞌu mo tolahai ola diana mala ikire oto mo reisinge ikie honosie rodohono.

Uusu-uusu A Pol Hurula'aa Hunie Mo Rom 16:17

Oto no ko eitanaiꞌomu, maeni eesiku maaꞌi, uri omu ke lio talamiu mwaanie mwala nge kire ko sare oopaa soihaadaꞌinge, na kire ko waelie hiiwalaimolinge iꞌomu peꞌie haꞌa-uusulinge nge ko lae aaopa mwaanie nga taa haꞌa-uusulilemiu e lae oto aana. Oto omu ke suꞌuri rorongo hunire.

Uusu-uusu A Pol Hurula'aa Hunie Mo Rom 6:21

?Taꞌe nga mei diananga uri taa omu hele aana i tehulaꞌana mo oorahaꞌaa nge omu deu-deuꞌi ngeena? !Nga mei ola haꞌike! Na hule aana siꞌiri omu ko si masa mola haahiꞌi. Tolahai ola urine, tolahai ola mola hunie maenga ni ngeena.

Kalesia 6:8

Mala uri iinoni ko hesie mola mo loꞌongaꞌinge aaela ingeie, nge kei soꞌokonie oto tolaha ni maenga. Taꞌe mala uri ko hesie tolaha ni Liꞌoa, nge kei soꞌokonie oto maurihe huu.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Epesas 5:12

Walu ola nge kira haitohe kire ko esu mumuni eeni, maꞌalana uri kie ke ere loꞌu i sulie, taꞌe e neꞌi ola ni masanga oto ni ngeena.

Epesas 5:7

Oto omu ke suꞌuri tekuhie mwala urine.

Kolosi 1:12

Na maꞌalana omu ke siꞌohaꞌa loꞌu uri taa, taꞌe omu ke paa-paalahea mola a Mamaꞌa aana e da kie ke malisine nga aapa aana nga taa a God e loohaꞌinie hunie mwala ingeie taꞌau i laona Aalahanga ni Matapwanga.

1 Tesalonaeka 5:7

Maholo e rodo, mwala kire sai maꞌahu na nga mo iini ko inu wei ni pweunge hule aana kire ko mehiri oto.

2 Tesalonaeka 3:14

Mala uri nga mo iini eemiu kire kaꞌa tola i sulie ike mo wala melu ko uusuꞌi weu huniꞌomu ngeena, nge e lae oto i diana hunie omu ke lee-leesie uri kira tei, na omu ke oopa mwaanire hunie kire ke masa mola i sulie tolahada maraada.

2 Tesalonaeka 3:6

Maeni eesiku maaꞌi, melu ko eitanaiꞌomu aana satana a Jisas Kraes Aalaha ikie, uri omu ke suꞌuri hikusie mo eesike nge kire ko lalawa huni esu, na kire kaꞌa tola i sulie ike mo ola melu ko unu-unuꞌi huniꞌomu.

1 Timoti 5:20

Taꞌe mala uri nga naꞌohai mwane ko lae peꞌi oorahaꞌaala, nge o ke ere aana huni haꞌa-oodohie, na o ke asuie oto urine i naꞌona pulitaa aana soihaadaꞌinge hunie ke neꞌi haꞌapasunge hunie ahutana mo iinoni loꞌu aana ruruhaa.

1 Timoti 5:22

Mwaanie o haꞌamaaꞌie kaꞌu nga mwane e kaꞌa malisine ke neꞌi naꞌohai mwane aana soihaadaꞌinge, taꞌe o ke holaꞌi toꞌomaaie kaꞌu tolahana. E kaꞌa diana ike uri hunie o ke haꞌamaaꞌie iini oorahaꞌaala, aana ko urine, o kei roroꞌa aana mo oorahaꞌaanga ingeie peꞌie. Na o ke kinetaꞌiniꞌo maraamu hunie o ke iiꞌo rereꞌa.

1 Timoti 6:5

Haꞌa-erenga ko lae mola tarau i matolana mwala nge saeda e aaela urine, na kire haꞌatekehie oto walaimolinge. Kire ko loꞌongaꞌi takalo uri asunge nana soihaadaꞌinge nga ola mola hunie kire ke toꞌo-toꞌo.

2 Timoti 3:5

Kire kei lupweꞌi esu taane huni haataꞌinie uri ikire mo iinoni maaꞌi, taꞌe e kaꞌa toꞌohuu ike, na hule aana kire kaꞌa kele saetoꞌo aana ike nanamanga a God ke lio i sulie maurihaꞌada. Mwala urine, o ke suꞌuri lae i sulire, taꞌe o ke iiꞌo haꞌataulire mola.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Taetas 2:15

O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.

Haataꞌinge 18:4

Oto nou heꞌi rongoa loꞌu ngaeta mei wala e uure mai taꞌau i Lengi uuri, “Iꞌomu mo iini ineu, omu ke lae mai mwaanie hanue mei repi keni ngeena. Omu ke suꞌuri hata peꞌie mo oorahaꞌaa ingeie mwaanie leilemiu e lae noꞌone peꞌie.