Epesas 4:4 - Tataroha Diana

⁴ Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Epesas 4:4 Iomraidhean Croise

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Palonga 15:11

!Haꞌike! Ikie, kie hiiwalaimoli uri a God ko haꞌa-uurikie mo Jiu mola aena aana manata-diananga nge Aalaha ikie a Jisas e niie naka. Na haꞌa-uurilana mo Aapoloa Aaopa ko lae urine noꞌone.”

Uusu-uusu A Pol Hurula'aa Hunie Mo Rom 11:29

Aana maholo a God ko lio hilisie oto nga iini na ko niie haꞌadianaꞌanga oto hunie, e saꞌa heꞌi oolisie ike loꞌu saena.

1 Korinit 10:17

Aena aana e taꞌa-taꞌa ho ngeulaa mola, nge maꞌalana kie ke hunge loꞌu uri taa, taꞌe kie neꞌie e taꞌa-taꞌa mei sape mola ni ngeena, aena aana kie ko meni ngeue mola e taꞌa-taꞌa mei ngeulaa ngeena.

1 Korinit 12:20

Taꞌe e kaꞌa urine ike, aana maꞌalana mo sasarai ola e lai hunge urine, taꞌe e taꞌa-taꞌa mei sape mola ni ngeena.

2 Korinit 11:4

No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 2:16

Maholo a Jisas e mae i lengine poꞌu-poꞌu, e taꞌaasie oto maelonganga i matolana e ro pulitaa ngeena, na e ladoa e ro taungei iinoni ngeena aana e taꞌa-taꞌa mei sape na e toolera mai eelihoꞌi takoie a God.

Epesas 2:18

Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Epesas 2:22

Aena aana omu iiꞌo ruru oto peꞌie a Kraes, a God e asuie oto hunie omu ke iiꞌo ruru peꞌie ahutana mo iinoni kire hiiwalaimoli aana a Kraes, na omu meni neꞌie ngaeta nume maaꞌi nge Liꞌoa Maaꞌi a God e iiꞌo aana.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Epesas 5:30

na ikie oto mo sasarai ola aana sapena Kraes.

Kolosi 1:5

Omu ko deu diana oto urine, aana omu ko maaꞌoohi susutoꞌo mola hunie ilenimwaꞌenga nge a God e neꞌi diana aana oto loosiꞌomu taꞌau i Lengi ngeena. Haiholotaꞌinge a God huniꞌomu ngeena, omu holaꞌi rongoa oto mo wala toꞌohuu i sulie maholo omu aehota ni rongo i sulie Tataroha Diana a Jisas.

Kolosi 3:15

A God e soiꞌomu tararuru hunie omu ke iiꞌo aana hanuelamanga i lalo aana taꞌa-taꞌa mei sape, na mwaanie omu kele waelie hanuelamanga nge a Kraes e niie huniꞌomu ngeena, taꞌe hanuelamanga ngeena ke aalaha haahie neꞌisaenga iꞌomu. Na omu ke paa-paalahea God tarau.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

Taetas 1:2

Aena leune kire ko maa-maaꞌoohie peꞌi norutoꞌonga toꞌohuu hunie maurihe huu nge a God e haiholotaꞌinie hunikie oto waite. Na haiholotaꞌinge ngeena e toꞌohuu oto, aana a God e kaꞌa sai eero ike.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Taetas 3:7

Na aena aana a Jisas e aamasikie, nge e haꞌarereꞌakie hunie kie ke iiꞌo rereꞌa i naꞌona, na e haiholotaꞌi hunikie uri kie kei haro toꞌo aana maurihe huu.

1 Pita 1:21

I tehulaꞌana Kraes mone omu hiiwalaimoli aana a God. Na aena aana a God e taꞌe aalihoꞌi aana a Kraes mwaanie maenga na e niie manikuluꞌanga nana, nge omu sai diana aana uri omu sai hiiwalaimoli oto toꞌohuu aana a God na norutoꞌonga iꞌomu aana haiholotaꞌinge ingeie kei oa toꞌohuu taane.

1 Jon 3:3

Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.