Epesas 4:2 - Tataroha Diana

² Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 4:2 Iomraidhean Croise

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Tataroha Diana I Sulie A Jisas Kraes Nge A Mak E Uusue 9:19

Oto a Jisas ko teꞌuri hunire, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”

Palonga 20:19

No ko esuie asunge Aalaha aani haꞌamwai-mweiꞌalaku na peꞌie ngaranga. Na nou sapesalu hiitoꞌo aana maholo mo Jiu kire ko deu ni horoꞌieu.

Uusu-uusu A Pol Hurula'aa Hunie Mo Rom 15:1

Oto ikie, mo iini kie saie taane uri a God e saꞌa leikie ike haahie mo ola urine, nge kie ke suꞌuri deu mola i sulie walu ola mala saeka maraaka. !Haꞌike! Taꞌe leu i sapeka oto hunie kie ke toli rako peꞌie mwala nge hiiwalaimolinge ikire e mamaelaꞌa na kire ko meꞌu mwaanie ohe mo ola urine kire aapu hunire.

1 Korinit 13:7

Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.

Kalesia 6:2

Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Epesas 1:4

I naꞌo aana maholo a God e kaꞌa haꞌaholaa ue walumalau, e lio hilisikie oto huni neꞌi iinoni ingeie na huni iiꞌo ruru peꞌie a Kraes uri hunie kie ke iiꞌo maaꞌi na kie ke suꞌuri toꞌo aana nga mei ola aaela i maana.

Kolosi 1:11

Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

1 Timoti 6:11

Taꞌe iꞌoe, Timoti, o ke lio talamu oto mwaanie ahutana mo ola mala ngeena, aena aana iꞌoe oto mwane a God. Na o ke huru oto mola i sulie tolaha diana. O ke iiꞌo oodotaꞌi, na o ke iiꞌo maaꞌi, na o ke hiiwalaimoli, na o ke manata diana hunie mwala, na o ke asu taraꞌasi, na o ke maneko.

2 Timoti 2:25

Na iinoni euꞌesu a God ke haro kele lae rako mola maholo ko haꞌa-oodohie mwala nge kire ko leledie haꞌa-uusulinge ingeie. Aana ko urine, ohe a God kei peꞌie mwalana hunie kire ke oolisie loꞌongaꞌinge ikire, na hunie kire ke sai diana aana mo haꞌa-uusulinge toꞌohuu.

Jemes 1:21

Oto omu ke neꞌi aasie mwaaniꞌomu ahutana mo ola tataꞌala na taꞌena nga ola aaela nge ko peine hailiu. Na omu ke haꞌamwai-mweiꞌaꞌomu hunie omu ke tola i sulie mo haꞌananaunge maaꞌi a God nge hasileni e lae oto i manatamiu, aana kire sai haꞌa-uuriꞌomu.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.