Epesas 4:12 - Tataroha Diana

¹² E asuie urine hunie ahutana mwala maaꞌi ingeie ke mani iiꞌo aakau huni peꞌi-peꞌire hailiu, na hunie sapena Kraes ke aꞌailaꞌa.

Epesas 4:12 Iomraidhean Croise

Tataroha Diana I Sulie A Jisas Kraes Nge A Luk E Uusue 22:32

Taꞌe ineu, no ko aarengaꞌi taane talamu Saemon hunie uri hiiwalaimolinge iꞌoe ke susu. Oto maholo o ko eeliꞌu mei takoieu, o ke si haꞌasusue mo eesimu hunie kire ke aꞌailaꞌa noꞌone.”

Palonga 1:17

maꞌalana uri ingeie ngaeta iini taane noꞌone aana pulitaa ikolu holaꞌinaꞌo na e auꞌesu taane peꞌikolu.”

Palonga 1:25

hunie ke neꞌi hurulaꞌaa oolisie a Jiudas, iini e toliꞌaasie oto mei iiꞌo-iiꞌoha paine ie, na e lae oto hunie leu aaela nge e malisine ke lae aana.”

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Uusu-uusu A Pol Hurula'aa Hunie Mo Rom 12:5

Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.

Uusu-uusu A Pol Hurula'aa Hunie Mo Rom 12:7

Na mala uri niinge a God ko lae oto huniꞌo hunie o ke sasare peꞌie mwala, nge o ke asu diana oto urine. Na mala uri niinge a God ko lae oto huniꞌo huni haꞌa-uusuli diana aana mwala, nge o ke haꞌa-uusuli diana oto.

Uusu-uusu A Pol Hurula'aa Hunie Mo Rom 14:19

Oto kie ke ariꞌapasie mola asuilana walu ola huni peꞌilaka hailiu hunie iiꞌonga ni henuelamanga na huni haꞌa-aꞌailaꞌaa hiiwalaimolinge ikie.

Uusu-uusu A Pol Hurula'aa Hunie Mo Rom 15:14

Maeni eesiku maaꞌi, nou hiiwalaimoli uri omu honu makeato oto aana taꞌena nga tolahai ola diana, na uri omu tohungei saenanau oto aani, hule aana omu sai haꞌananauꞌomu heiliu oto aani.

Uusu-uusu A Pol Hurula'aa Hunie Mo Rom 15:2

Oto taꞌena nga iini aaka ke kinetaꞌinie tolahana mwaanie e waelie hiiwalaimolinge aasine, taꞌe kie ke asuie mola mo ola diana huni haꞌasusue hiiwalaimolinge ikire ke susu.

Uusu-uusu A Pol Hurula'aa Hunie Mo Rom 15:29

Na nou saie uri maholo ne kei lae wau i seemiu, nge kolu kei honu makeato aana mo haꞌadianaꞌanga a Kraes.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

1 Korinit 12:7

Liꞌoa Maaꞌi a God ko haꞌa-adoa ahutaka aana nanamanga ingeie hunie kie ke mani peꞌi-peꞌie ahutana mo iinoni.

1 Korinit 14:12

Iꞌomu na e urine noꞌone mola. Mala omu ko heri hunie mo niinge ni Liꞌoa Maaꞌi oto toꞌohuu, nge omu ke loꞌohie nga taa kei peꞌie oto ahutana soihaadaꞌinge hunie ke aꞌailaꞌa.

1 Korinit 14:14

Ineu noꞌone, maholo no ko aarengaꞌi aana mo erenga hai aaopaꞌi urine, manataku ko aarengaꞌi taane i sulie hari-huninge a Liꞌoa Maaꞌi, taꞌe nou kaꞌa loꞌongaꞌi ike i sulie aarengaꞌinge ngeena.

1 Korinit 14:26

Maeni eesiku maaꞌi, nga taa nou loꞌongaꞌinie mola uuri. Maholo omu ko ruru mei hunie aarengaꞌinge omu ke mani peꞌi. Nga iini e sai kana, na ngaeta iini e sai haꞌa-uusuli aana nga mo ola, na ngaeta iini e sai ladoa nga taa a God e haataꞌinie aana, na ngaeta iini e sai ere aana mo taungei erenga hai aaopaꞌi, na ngaeta iini e sai ere luhesie loꞌongaꞌinge aana mo erenga ngeena. Ahutana walu ola ngeena ke rau oto urine huni haꞌasusue hiiwalaimolinge ikie.

2 Korinit 12:19

Saꞌa mola omu ko loꞌongaꞌinie uri melu uusue walu ola ienini mola huni ere talihe aana nga moi taa kire ere aaelasiꞌemeelu eeni. !Haꞌike oto ooꞌoo! Taꞌe melu ere-ere oto mola mala a Kraes e saetoꞌo aana, na walu ola melu unu-unuꞌi, melu unuꞌi i maana God ni ngeena. Na ahutana walu ola melu uusuꞌi ienini, maeni iinoni maaꞌi, mo ola oto huni haꞌa-aꞌailaꞌaa hiiwalaimolinge iꞌomu ni ngeena.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

2 Korinit 13:9

Melu ko ilenimwaꞌe mola huni iiꞌo mamaelaꞌa mala uri leune ke da uri iꞌomu, omu ke uure aꞌailaꞌa. Na melu ko aarengaꞌi oto tarau hunie uri hiiwalaimolinge iꞌomu ke ahu toꞌohuu hunie nga mei tolahai iinoni diana ke suꞌuri eiꞌaa mwaaniꞌomu.

2 Korinit 3:8

Taꞌe nou saie uri asunge aana Liꞌoa Maaꞌi e manikuluꞌe oto loꞌu liutaa.

2 Korinit 4:1

A God e tohungei aamasiꞌemeelu maholo e niie mei esunge ienini hunie melu ke tarohaꞌinie Tataroha Diana a Kraes, na aena urinena nge melu kaꞌa aakohe ike mwaanie.

2 Korinit 5:18

Ahutana walu ola ngeena a God ni ko esuiꞌi hunikie aana a Kraes. A God e uusungeꞌinie mone a Kraes hunie kie ke aaliꞌu loꞌu mei takoie hunie kie ke uure ruru peꞌie. Na e niie mei esunge ngeena nameelu huni toolea mai mo iinoni takoie hunie ikire noꞌone kire ke uure ruru peꞌie.

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

Epesas 1:23

Soihaadaꞌinge oto sapena Kraes, na ingeie oto ko esuie soihaadaꞌinge ke neꞌi iinoni haꞌileku, mala a Kraes e asuie taꞌena nga ola aana haꞌaholanga ke neꞌi ola haꞌileku.

Epesas 4:16

na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.

Epesas 4:29

Omu ke suꞌuri unu-unue mo wala aaela, taꞌe omu ke unu-unue mo wala nge kire malisine maholo ngeena huni peꞌie mwala. Aana taungei erenga urine, e sai haꞌadianaꞌaa mo iini nge kire ko rongoa.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Kolosi 1:28

Aena urine, melu ko tarohaꞌinie Tataroha Diana ienini i sulie a Jisas Kraes hunie taꞌena nga iinoni. Oto aana saenanaunge diana a God, melu ko lae peꞌi haꞌapasulire na peꞌi haꞌananaure uri hunie kire ke lae mai saana God, na hunie kire ke mani neꞌi rato i sulie tolahana a Kraes.

Kolosi 4:17

Na omu ke haꞌarongoa a Akipas uuri, “O ke haꞌamangoa oto mei asunge nge a Aalaha e niie hunie o ke asuie.”

1 Timoti 1:12

No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

2 Timoti 4:11

A Luk mola e si oore mai peꞌieu ie, aana a Tikikas nou uusungeꞌinie oto wau i seemiu aana huilume i Epesas. Maholo o ko lae mai, o ke toolea oto mai a Mak, aena aana ingeie e sai peꞌi diana aana asunge ineu.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Hibru 6:1

Aena urinena, kie ke lae taraꞌasi keꞌu i sulie mo saenanaunge ni rato. Mwaanie kie ere-ere tarau mola aana mo haꞌa-uusulinge kie holaꞌi rongoꞌi i sulie a Kraes taꞌe kie ke haitalea loꞌu mo saenanaunge kokoro i sulie. Kie ke suꞌuri ere-ere tarau mola aana mo naꞌohai haꞌa-uusulinge kie aehota aani oto i naꞌo mala oonisaenga mwaanie tala takoie maenga, na haꞌa-uusulinge i sulie hiiwalaimolinge aana a God.