Epesas 3:3 - Tataroha Diana

³ Iau, omu saie oto, aana nou kele uusu-uusu kaꞌu oto i sulie i laona uusu-uusu ienini. Oto waite mei oalaꞌinge a God e oꞌoꞌo mumuni, taꞌe e haataꞌinie oto aaku uri hunie ne ke saie.

Epesas 3:3 Iomraidhean Croise

Palonga 22:17

“Oto maholo nou eelihoꞌi loꞌu taꞌau i Jerusalem na no ko aarengaꞌi i laona Nume Maaꞌi Peine, no ko leesie loꞌu mei haataꞌinge.

Palonga 22:21

“Oto a Aalaha ko teꞌuri loꞌu hunieu, ‘O ke lae oto, sulie no ko uusungeꞌiniꞌo oto haꞌatau huni laeliwala hunie mo Aapoloa Aaopa.’ ”

Palonga 23:9

Maholo erenga paine ko lae hailiu i matolana e ro pulitaa ngeena, oto ngaeta mo haꞌa-uusuli aana mo Haꞌatolanga a Mosis nge ikire peꞌie mo Parise kire uure i lengi, kire ko ere paine kire ko teꞌuri, “!Melu kaꞌa dau oodoie ike nga mei ola aana a mwane ie ke dau huꞌisie! !Nga liꞌoa wa nga ensel ohe nge ko ere-ere hunie ngeena!”

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Uusu-uusu A Pol Hurula'aa Hunie Mo Rom 16:25

!Kie ke soi haꞌamanikuluꞌaa God! Ingeie ni e si da hunie omu ke uure maꞌutaꞌa mala mo kalena, aena aana omu hiiwalaimoli aana Tataroha Diana nge nou tarohaꞌinie i sulie a Jisas Kraes. Uure oto wau i naꞌo, mei wala ienini i sulie a Kraes na oalaꞌinge a God huni haꞌa-uurie noꞌone mo Aapoloa Aaopa, e iiꞌo mumuni mola.

2 Korinit 12:1

Nou saie mola uri e kaꞌa diana ike huni ere toohaꞌinieu, aana mei ola mwaakule mola ni ngeena, taꞌe aana omu ko deu rarahieu, nge ne ke ere toohaꞌinieu loꞌu haahie mo ola e waꞌaraa hunieu aana a Aalaha e haataꞌiniꞌi oto aaku.

Kalesia 1:12

Nou kaꞌa rongoa ike mwaanie nga iinoni wa uri nga iinoni ke haꞌa-uusulieu aana. A Jisas Kraes oto maraana ni e haataꞌinie aaku.

Epesas 1:17

Na no ko eitanaie a God nge ingeie hahuꞌana Aamana Aalaha ikie a Jisas Kraes, uri a Liꞌoa Maaꞌi ke haataꞌinie mo ola i sulie a God huniꞌomu, na omu ke saenanau diana aani.

Epesas 3:4

Na mala uri omu kei saai kohie loꞌu uusu-uusu ienini, nge omu kei lio saie mola uri nou sai diana aana mei oalaꞌinge a Kraes nge e oꞌoꞌo mumuni kaꞌu waite.

Epesas 3:6

Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.

Epesas 3:9

Na iini nge e haꞌaholaa walu ola, e asuie uri hunie ne ke peꞌie ahutana mwala hunie kire ke lio saie loꞌongaꞌinge a God i sulie mei oalaꞌinge ingeie ngeena nge e iiꞌo mumuni.

Epesas 6:19

Na omu ke aarengaꞌi noꞌone talaku, hunie a God ke niie mo wala huni tarohaꞌiniꞌi hunieu. Mala uri kei lae urine, nge nou saꞌa maꞌu ike maholo ne kei tarohaꞌinie Tataroha Diana nge e iiꞌo mumuni kaꞌu mwaanie mo iinoni ni welumalau.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

Hibru 13:22

No ko eitanaiꞌomu, maeni eesiku maaꞌi, uri omu ke rongo diana aana mei wala ni haꞌasusulemiu ienini, aana nou kaꞌa uusu-uusu tewa ike.

1 Pita 5:12

Ngaeta aasikaelu aana hiiwalaimolinge nge nou sai norutoꞌo aana liutaa, nge a Saelas, na ingeie ni oto e peꞌieu huni uusue kele uusu-uusu oꞌoruꞌe ie huniꞌomu. Uusu-uusu ie nou uusue mola huni haꞌananauꞌomu na huni ere haꞌasusuꞌomu uri hahuꞌana manata-diananga a God huniꞌomu ke iiꞌo oto tarau peꞌiꞌomu maꞌalana nga taa ke rau-reu loꞌu eemiu. Oto omu ke iiꞌo susu oto aana.

2 Pita 3:15

Aalaha ikie ko niie maholo huniꞌomu ni ngeena, kaꞌu e kaꞌa lae-lae ue mai lau-leu. Oto omu ke toꞌo maaie mala uri nga maholo oto hunie haꞌa-uurilemiu kei lae ni ngeena. Taꞌa-taꞌa mei neꞌisaenga urine a God e niie noꞌone hunie aasikaelu maaꞌi a Pol, mala e uusue kaꞌu taꞌa-taꞌa taungei erenga ngeena noꞌone huniꞌomu.