Epesas 3:15 - Tataroha Diana

¹⁵ nge e niie mauringe hunie taꞌena nga ola taꞌau i Lengi na mai aano i leu.

Epesas 3:15 Iomraidhean Croise

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

Epesas 1:21

A Kraes e iiꞌo oto taꞌau i Lengi na e nanama oto liutaa aana taꞌe-taꞌena nga aalaha, na mo aakalo, na mo inemauri, na mo liꞌoa aaela, na taꞌena nga iini nanama urine. A Kraes e nanama oto haahire mango-mango, mo iini aana walumalau ie na noꞌone aana walumalau kei lae ue mai.

Epesas 3:14

Maholo no ko aamasitoꞌo aana saenanaunge a God e paine oto urine, no ko pouruuru i naꞌona aani haꞌamaꞌunge na no ko eitanaie a God Aamaka,

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Kolosi 1:20

Na a God e neꞌisae hunie Kalena ke asuie uure-rurunge hunie ahutana walu ola aana haꞌaholanga e sai lae loꞌu mei i saana. Oto maelana a Kraes i lengine poꞌu-poꞌu e si tola aalihoꞌi mei aana ahutana oto walu ola takoie a God maraana, walu ola mai aano na walu ola taꞌau i Lengi.

Haataꞌinge 2:17

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire kei aꞌailaꞌa taraꞌasi honosie aaelanga, nge ne kei niie ngaulaa uure i Lengi ada, ola nge mwala aana pongine a Mosis kire kaꞌa lio saie neꞌisaenga aana. Na ne kei haꞌa-adora aani heu rereꞌa nge uusulana satai ola haalu e lae aana. Satai ola haalu ngeena nga taꞌa-taꞌa iini aaopa e kaꞌa saie loꞌu, taꞌe iini nge niilana ho heu ngeena e lae hunie.”

Haataꞌinge 3:12

“Na hunie mo iini nge kire kei aꞌailaꞌa taraꞌasi honosie aaelanga, ne kei da kire ke neꞌi hunu oodo aana nume maaꞌi a God ineu, na kire saꞌa lae ike loꞌu mwaanie leune. Na ne kei uusue oolu satai ola aana iini urine—satana a God ineu, na satana Jerusalem haalu a God nge kei siho mai uure taꞌau i Lengi mwaanie a God ineu, na satai ola haalu ineu.