Epesas 3:12 - Tataroha Diana

¹² Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.

Epesas 3:12 Iomraidhean Croise

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 5:2

aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.

2 Korinit 3:4

Melu hiiwalaimoli uri walu ola ienini e toꞌohuu oto, aena aana melu norutoꞌo mone aana God i tehulaꞌana a Kraes.

Epesas 2:18

Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Hibru 10:35

Oto mwaanie omu toliꞌaasie loꞌu mei hiiwalaimolinge maꞌutaꞌa iꞌomu ngeena, aana a God e sai waaie mwala nge kire hele maꞌutaꞌa aana hiiwalaimolinge ikire.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

1 Jon 3:21

Oto maeni malahuku, mala uri kie saie uri manataka e taha mola mwaanie roroꞌanga, nge kie saꞌa maꞌuteꞌinie ike laenga mai peꞌie nga mei neꞌisaenga huni sukaa aana a God.