Epesas 2:8 - Tataroha Diana

⁸ Aena aana maholo kie hiiwalaimoli aana a Jisas, a God mone e haꞌa-uurikie, na e asuie mola urine aena aana a God ko ilenimwaꞌe huni deu diana aaka maꞌalana kie kaꞌa malisine nga mei ola diana mwaanie.

Epesas 2:8 Iomraidhean Croise

Matiu 16:17

A Jisas ko aalamie a Saemon Pita uuri, “!Hahuꞌana oto, Saemon kalena Jon! Aana mei walaimolinge aaku ie nga iinoni e kaꞌa haataꞌinie ike aamu, taꞌe Aamaku i Lengi ni e haataꞌinie aamu.

Matiu 20:9

“Mo mwane e aehota asu aana limana nga maholoi sato i seulehi, kire lae mai, oto kire ko toolea taꞌa-taꞌa seleni ni Rom nga mwane.

Tataroha Diana I Sulie A Jisas Kraes Nge A Mak E Uusue 16:16

Taꞌena nga iini nge ko hiiwalaimoli eeku na loto-maaꞌilana e lae, nge a God kei haꞌa-uurie. Taꞌe a God kei lei mae aana iini nge e kaꞌa hiiwalaimoli ike aaku.

Tataroha Diana I Sulie A Jisas Kraes Nge A Luk E Uusue 7:50

Taꞌe a Jisas ko heꞌi unue loꞌu mola hunie a keine uuri, “Hiiwalaimolinge iꞌoe e haꞌa-uuriꞌo oto. O ke lae ni henuelama.”

Tataroha Diana I Sulie A Jisas Kraes Nge A Jon E Uusue 3:36

Oto iini ko hiiwalaimoli aana a Kale e hele aana oto maurihe huu eena. Taꞌe iini nge e kaꞌa hiiwalaimoli ike aana a Kale, e saꞌa roroꞌa ni hele aana oto maurihe ngeena, taꞌe kei iiꞌo huu oto i mamalutana saewasunge a God.

Tataroha Diana I Sulie A Jisas Kraes Nge A Jon E Uusue 4:10

A Jisas e aalamie ko si teꞌuri hunie, “Iꞌoe o kaꞌa saie ike mei niinge a God ko sare niie huniꞌo, na o kaꞌa saie noꞌone uri a tei nge ko suke wai eemu ienini. Haꞌalaa, o sukaa oto mei wei meuri emue mwaanieu, na nou niie oto huniꞌo.”

Tataroha Diana I Sulie A Jisas Kraes Nge A Jon E Uusue 5:24

“No ko unue oto toꞌohuu huniꞌomu uri iini ko rongoa walaku na ko hiiwalaimoli aana iini e uusungeꞌinieu mei, iinoni ngeena e hele aana oto maurihe huu eena, na leilana e saꞌa roroꞌa ni lae ike loꞌu. Iini urine e pwani liu oto mwaanie maenga na e sili oto i laona maurihe.

Tataroha Diana I Sulie A Jisas Kraes Nge A Jon E Uusue 6:35

A Jisas ko si unue hunire uuri, “Ineu oto ngaulaa ni meurihe. Iini ko lae mai neꞌi pwaarongoisuli ineu, e saꞌa heꞌi hiolo loꞌu, na iini ko hiiwalaimoli eeku, e saꞌa heꞌi maarou loꞌu.

Tataroha Diana I Sulie A Jisas Kraes Nge A Jon E Uusue 6:37

Taꞌena nga iini nge Aamaku e niie nakue kei lae oto mai seeku. Na taꞌena nga iini ko lae mai seeku, nou saꞌa roroꞌa toliꞌaasie ike loꞌu hunie ke lae mwaanieu.

Tataroha Diana I Sulie A Jisas Kraes Nge A Jon E Uusue 6:40

Aana nga taa Aamaku e saetoꞌo aana uri ahutana mo iini ko leesieu a Kale na kire ko hiiwalaimoli eeku, kire ke hele aana maurihe huu, aana ineu ne ke si taꞌe aalihoꞌi aada aana dinge ooreta.”

Tataroha Diana I Sulie A Jisas Kraes Nge A Jon E Uusue 6:44

Nga taꞌa-taꞌa iini e saꞌa roroꞌa ni lae ike mai seeku na oto a Mamaꞌa nge e uusungeꞌinieu mei e kaꞌa waꞌinie hunie ke lae mai seeku. Taꞌe mo iini kire lae oto mai seeku, ineu ne ke si taꞌera loꞌu hunie maurihe huu aana dinge ooreta.

Tataroha Diana I Sulie A Jisas Kraes Nge A Jon E Uusue 6:65

Na a Jisas ko heꞌi teꞌuri loꞌu, “Aena mei olana nge nou unue huniꞌomu uri nga iini saꞌa lae ike mai seeku na a Mamaꞌa e kaꞌa toolea mai seeku.”

Palonga 14:27

Oto maholo kirerue hule loꞌu i Antiok kire si lokoa ahutana mo iini aana soihaadaꞌinge. Na kire ladoa ahutana walu ola nge a God e asuiꞌi hunirerue, aana e tahanie ngaeta maa aana hiiwalaimolinge hunie mo Aapoloa Aaopa ke sili noꞌone mai i sulie.

Palonga 15:11

!Haꞌike! Ikie, kie hiiwalaimoli uri a God ko haꞌa-uurikie mo Jiu mola aena aana manata-diananga nge Aalaha ikie a Jisas e niie naka. Na haꞌa-uurilana mo Aapoloa Aaopa ko lae urine noꞌone.”

Palonga 16:14

Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

Palonga 16:31

Oto kire ko teꞌuri hunie “O ke hiiwalaimoli mola aana a Jisas aana ingeie oto Aalaha, na a God ke si haꞌa-uuriꞌo, na e urine noꞌone hunie uluhe iꞌoe.”

Uusu-uusu A Pol Hurula'aa Hunie Mo Rom 10:14

?Taꞌe mwala kei sukaa peꞌinge mwaanie a God uri taa, na kire kaꞌa manataꞌinie wa kire ke hiiwalaimoli aana? ?Na kire kei hiiwalaimoli aana loꞌu uri taa, na kire kaꞌa rongoa nga mei ola aana? ?Na kire kei rongoa uri taa, na tarohaꞌinilana mei wala ngeena e kaꞌa lae ike hunire?

Uusu-uusu A Pol Hurula'aa Hunie Mo Rom 10:17

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

Uusu-uusu A Pol Hurula'aa Hunie Mo Rom 4:16

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,

Uusu-uusu A Pol Hurula'aa Hunie Mo Rom 4:5

Nge e urine loꞌu aana iiꞌonga mala iinoni oodotaꞌi i maana God, aana mei olana e kaꞌa neꞌie ike mei ola nge mwala kire sai terie aana asunge diana ikire, taꞌe mei niinge a God mola hunie mo iini kire hiiwalaimoli aana. Na maꞌalana ikire nga mo iinoni aaela oto uri taa, taꞌe aana hiiwalaimolinge ikire mone, nge a God ko niie oodotaꞌinge ingeie hunire.

Uusu-uusu A Pol Hurula'aa Hunie Mo Rom 9:16

Oto maholo a God ko lio hilisie nga iini mala iinoni ingeie, nge lio-hilisinge ngeena e saꞌa lae ike i sulie nga taa iinoni ngeena e saetoꞌo aana wa mei esunge uri taa e asuie, taꞌe a God ko lae mola i sulie aamasinge ingeie maraana.

Kalesia 3:14

A Kraes e asuie leune urine, hunie uri mo Aapoloa Aaopa noꞌone ke hele aana nga taa nge a God e haiholotaꞌi huni niie nana a Ebraham. Na ko lae urine hunie mo iini kie hiiwalaimoli aana Jisas, uri kie ke hele aana Liꞌoa Maaꞌi nge a God e haiholotaꞌinie oto hunikie.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Epesas 1:19

Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Epesas 2:5

Na aena mei olana maholo kie mae kaꞌu i tehulaꞌana mo heitohenga ikie, ingeie e si da kie ke mauri tararuru peꞌie a Kraes. Oto niinge a God mone e haꞌa-uuriꞌomu,

Pilipae 1:29

Iꞌomu, omu ko ooho oto aana taꞌa-taꞌa taungei oohonga nge omu leesie nou ooho-ooho kaꞌu aana i naꞌo, na omu ko rongoa no ko ooho-ooho ue aana maholo ie. Omu ko ooho urine aana a God e haꞌamaꞌu eemiu, aani lio hilisilemiu huni hiiwalaimoli aana a Kraes, na oto liutaa huni sapesalu i tehulaꞌana.

Kolosi 2:12

Oto maholo loto maaꞌilemiu e lae, e urihana a God e haitolingeꞌiniꞌomu oto peꞌie a Kraes, na e taꞌelaꞌiniꞌomu oto loꞌu peꞌie noꞌone hunie mauringe haalu. A God e si esuie urine i tehulaꞌana hiiwalaimolinge iꞌomu aana nanamanga paine ingeie nge e taꞌea a Kraes mwaanie maenga.

2 Tesalonaeka 1:9

Na mei haꞌaloinge nge kei hite aada ngeena nge e tohungei aaela oto liutaa, na e saꞌa mango oto ooꞌoo. Na kire kei iiꞌo oto haꞌataulie a Aalaha na manikuluhaꞌana aana nanamanga ingeie taꞌau i Lengi.

Hibru 6:4

Iau, kie ke lae-lae peꞌie mo haꞌa-uusulinge diana, aena aana ko haꞌike, na kei aaela oto liutaa hunikie. Aana mo iini nge kire lio saie kaꞌu raa-raa a Kraes, taꞌe kire aatopuri mola aana, mo iini urine e tohungei aasa oto hiitoꞌo hunie uri kire kei eeliꞌu loꞌu mei takoie a God. Holaꞌinaꞌo kire manataꞌinie kaꞌu niinge a God i lalo aana maurihaꞌada, aana a Liꞌoa Maaꞌi e peꞌire kaꞌu. Na kire lio saie kaꞌu taane oto uri walana a God e diana oto liutaa, na kire mami aahongana noꞌone nanamanga nge e paine haahie walumalau haalu. Mo iini nge kire manataꞌinie walu ola diana ngeena, oto kire ko si duꞌe aalihoꞌi loꞌu mwaanie a Kraes, e saꞌa tohungei mwadaꞌusire ike oto ooꞌoo hunie kire ke aaliꞌu loꞌu takoie oonisaenga. Nga taa kire asuie ngeena e urihana mola uri kire ko heꞌi repu taalengasie loꞌu mola a Kraes i lengine poꞌu-poꞌu, na kire ko haꞌamasaa i maana mwala.

1 Pita 1:5

Omu hiiwalaimoli oto aana God, na ingeie ni ko lio i suli diana aamiu oto aana nanamanga ingeie. Ke lio i suliꞌomu lai hule aana dinge ooreta, maholo nge a God kei haataꞌinie hunie walumalau uri ingeie ni ko haꞌa-uuriꞌomu.