Epesas 2:3 - Tataroha Diana

³ Oto wau i naꞌo, ahutaka kie mani oꞌoꞌo taane noꞌone mala mwala ngeena. Kie talei lae-lae oto mola i sulie saeka aani deu i sulilana nga taa sapeka na loꞌongaꞌinge ikie e saetoꞌo aana. Oto e malisine mola uri a God ke haꞌaloikie mala e sai esuie aana taꞌena nga iinoni.

Epesas 2:3 Iomraidhean Croise

Tataroha Diana I Sulie A Jisas Kraes Nge A Mak E Uusue 4:19

taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Jon E Uusue 1:13

Kire kaꞌa neꞌi kalena God ike aana hutanga nge e uure mwaanie hari-huninge ni sape i sulie tolaha ni iinoni, taꞌe kire hute haalu oto aana God maraana.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Palonga 14:16

Aana i naꞌo a God e toliꞌaasie mwala ke dau mola i sulie saeda.

Uusu-uusu A Pol Hurula'aa Hunie Mo Rom 1:24

Aena urinena nge a God e toliꞌaasie mola mwala ngeena hunie kire ke dau mola mala saeda aani esuilana mo loꞌongaꞌinge madaꞌa i saeda, oto kire ko da mola walu ola ni masanga aani aeni-olanga i matolada hailiu.

Uusu-uusu A Pol Hurula'aa Hunie Mo Rom 11:30

Oto wau i naꞌo, iꞌomu mwala nge nga mo Jiu haꞌike, omu kaꞌa sare lulu i sulie ike a God, taꞌe maholo ienini omu helesie oto aamasinge ingeie aena aana omu hiiwalaimoli aana Tataroha Diana. Na tarohaꞌinilana a Kraes e lae mola huniꞌomu aena aana mo Jiu kire sereꞌi rongoa oto.

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Uusu-uusu A Pol Hurula'aa Hunie Mo Rom 2:14

Mwala nge ikire nga mo Jiu haꞌike, niilana mo Haꞌatolanga a Mosis e kaꞌa lae ike hunire hunie kire ke saiꞌi. Taꞌe maholo kire ko haꞌa-uuresie mo haꞌatolanga ikire maraada, na mo haꞌatolanga ikire ngeena kire sada mola peꞌie mo Haꞌatolanga a God, nge e haataꞌinie oto uri kire saie taane nga taa e oodo na nga taa e aaela.

Uusu-uusu A Pol Hurula'aa Hunie Mo Rom 5:10

Holaꞌinaꞌo kie oꞌoꞌo mola mala mo maelonga a God. Taꞌe i tehulaꞌana maelana a Kalena, nge e si da kie lae mai neꞌi malahune. Aena leune e toꞌohuu, na aana maholo ie kie haꞌimalahune oto peꞌie a God, na a Kalena ko meuri i lalo aaka, nge kie sai diana aana oto uri a God kei haꞌa-uurikie toꞌohuu.

Uusu-uusu A Pol Hurula'aa Hunie Mo Rom 5:9

Oto aena aana apune a Kraes e haꞌa-oodohikie oto i maana God, nge kie sai diana aana oto liutaa uri maholo a God kei haataꞌinie saewasunge ingeie hunie kira oorahaꞌaala aana dinge ni leinge, taꞌe aana maholona a Kraes kei tohungei leuhikie ni otona.

Uusu-uusu A Pol Hurula'aa Hunie Mo Rom 6:12

Mwaanie omu toitoliꞌaasie oorahaꞌaa e aalaha loꞌu haahiꞌomu, uri hunie omu ke lae loꞌu mola i sulie mo loꞌongaꞌinge aaela ni sape, aana sape mei ola nge e sai mae mola.

Uusu-uusu A Pol Hurula'aa Hunie Mo Rom 7:18

Nou saie taane uri aana aapa ineu mala iinoni ni welumalau mola, nga mei ola diana haꞌike i lalo aaku. Aena aana maꞌalana nou toꞌo aana taane nga mo loꞌongaꞌinge huni esuie nga mo ola diana, taꞌe nou kaꞌa sai esuiꞌi ike tohuku.

Uusu-uusu A Pol Hurula'aa Hunie Mo Rom 9:22

Oto e sada noꞌone mola mala nga taa a God e asuie, aana ikie mo iinoni kie urihana mola mo nime a God e aadumiꞌi. Mala uri a God ko sare haataꞌinie saewasunge ingeie na uri hunie mwala ke leesie sakanga aana haꞌaloinge e asuie, nge leu i sapena a God ni ngeena. Taꞌe mala uri a God ko haro lae rako mola peꞌie saewasunge ingeie, maꞌalana uri e malisine oto ke saewasulie mwala ngeena na ke horo suuheꞌinire, nge leu i sapena loꞌu ni ngeena.

1 Korinit 4:7

!Sei! ?Iꞌoe o aaopa kaꞌu uri taa? ?A tei kaꞌu e haꞌaholaꞌo? ?Na nga mei taa kaꞌu ni o toꞌo aana nge a God e kaꞌa haꞌa-aakaurisiꞌo aana? ?Taꞌe aana uri ko haꞌa-aakaurisiꞌo aana, na e ue ni o ko toohaꞌiniꞌo haahie mala uri o esuie mola tohumu?

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Kolosi 1:21

Iꞌomu, holaꞌinaꞌo omu haꞌataulie a God oto hiitoꞌo na omu neꞌi maelonga mola hunie, aana mo loꞌongaꞌinge tataꞌala iꞌomu na mo ola aaela omu euꞌesuiꞌi.

1 Tesalonaeka 4:13

Maeni eesiku maaꞌi, saemeelu uri omu ke sai diana aana nga taa kei reu aana mo iini nge kire mae oto. Mwaanie omu sae-saehuu mala mo iini e puꞌo nge kire kaꞌa norutoꞌo ike aana a God.

1 Tesalonaeka 5:6

Oto kie ke suꞌuri urihana mwala aana rodohono ni welumalau nge kire ko talei maꞌa-maꞌahu mola, taꞌe kie ke iiꞌo aakau mola tarau loosie a Aalaha mala mo iini kire ko lio-lio diana taraureꞌi na kire kaꞌa inu wei ni pweu ike.

1 Timoti 6:9

Mo iini nge kire ko heri hunie kire ke toꞌo-toꞌo, kire ko da mola malaahonga hunire maraada ni ngeena. Kire kei pola oto peꞌie pwanu, aani loꞌongaꞌinge mweꞌu-mweꞌule mola nge kire sai waelire mola maraada.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

2 Pita 2:14

Saeda e painesie mola uri kire ke hele roroꞌanga mola peꞌie mo huꞌe tarau. Kire saꞌa tohungei mamalo ike mwaanie tolahai ola aaela ikire ngeena, na kire sai haꞌa-olaa noꞌone mwala nge hiiwalaimolinge ikire e kaꞌa susu hunie kire ke lae takalo noꞌone. Kire tohungei sai saehanalie noꞌone mo ola ngaeta mwala. Oto aena urine kaꞌu a God e unue oto uri ke haꞌaloire.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

1 Jon 2:16

Aana mo tolahai ola aana walumalau ie mala saehanalilana mo ola sape ko heri huniꞌi, na saehanalinge aani leesilana mo ola, na toohaꞌinilaka haahie mo ola kie asuiꞌi wa kie toꞌo aani, nga taꞌa-taꞌa mei ola aana walu ola ienini e kaꞌa uure ike mai mwaanie a Mamaꞌa, taꞌe kire mani uure mola mai mwaanie walumalau.

1 Jon 2:8

Taꞌe nga taa no ko uusue huniꞌomu ienini mei haꞌatolanga haalu, maꞌalana omu rongoa taane oto i naꞌo, aana kie si leesie tohungei neꞌisaenga aana manata-diananga maholo kie leesie tolahana a Jisas. Na mwala kire sai leesie tohungei neꞌisaenga aana noꞌone aamiu, aana rodohono ko suu oto, na tohungei raa-raa aana haꞌa-uusulinge ingeie ko raa tahairaa oto ie i manatamiu.