Epesas 2:20 - Tataroha Diana

²⁰ Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Epesas 2:20 Iomraidhean Croise

Matiu 16:18

Oto no ko unue huniꞌo Pita, iꞌoe oto hau, na i lengine poo-poota aani heu ie ne kei tohue soihaadaꞌinge ineu, na maꞌalana maenga na e saꞌa tari mwadaꞌu ike aana huni ohoie.

Matiu 21:42

Oto a Jisas ko unue loꞌu hunire uuri, “Omu saaie kaꞌu oto mo Uusu-uusu Maaꞌi e unue uuri, Hau mwala tou-tohu nume kire leledie kaꞌu, e si neꞌie tohungei heu susu aana nume. A God ni e asuie urine, na e lai lio manikuluꞌe i maaka mo iinoni. Sam 118:22-23 ?Taꞌe e ue omu kaꞌa rongo saie?

1 Korinit 12:28

Na i laona soihaadaꞌinge, a God e haꞌa-uuresie mwala huni peꞌi-peꞌire hailiu—eetana mo hurulaꞌaa, ruana mo iini ko tarohaꞌinie walana God, na oolune mo haꞌa-uusuli, na ngaeta mo iini nge a God e niie nanamanga hunire huni esuie mo huꞌi-huꞌite, na loꞌu nga mo iini kire sai haꞌa-uurie taꞌena nga iinoni mwaanie mo maelaa ikire, na ngaeta mo iini kire sai peꞌie kira siꞌohaꞌa, na nga mo iini kire saenanau ni lio i sulie taꞌena nga ola, na nga mo iini kire sai ere aana taꞌena nga erenga hai aaopaꞌi.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

1 Pita 2:6

Ahutana walu ola ngeena kire mani toꞌohuu oto, aena aana i laona mo Uusu-uusu Maaꞌi, a God e unue uuri, !Lio kaꞌu! Nou lio hilisie oto tohungana ho heu, na no ko haꞌa-uuresie oto i Jerusalem mala poo-pootana nume. Na taꞌena nga iini ko hiiwalaimoli aana, e saꞌa noru dile ike aana. Aesaea 28:16

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.