Epesas 2:10 - Tataroha Diana

¹⁰ Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Epesas 2:10 Iomraidhean Croise

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Tataroha Diana I Sulie A Jisas Kraes Nge A Jon E Uusue 3:21

Taꞌe iini nge helelana e diana aana ko euꞌesuie mo ola aana walaimolinge haliꞌite, nge ingeie e saetoꞌo aana raa-raa, aena aana raa-raa ko haataꞌinie uri a God ni ko peꞌie huni esuie ahutana mo esunge ingeie.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Palonga 9:36

Na ngaeta pwaarongoisuli e iiꞌo aana huilume i Jopa satana a Tabita na aana erenga ni Krik satana a Dokas. Helelana a huꞌe ngeena e tohungei diana suli maholo, na e iiꞌo mola huni peꞌie mo iini ko siꞌohaꞌa.

Uusu-uusu A Pol Hurula'aa Hunie Mo Rom 8:1

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

1 Korinit 3:9

Aana iꞌemereꞌi e ro mwane nge mere ko esu tararuru nana a God, na iꞌomu oto domana hohola ingeie. Na iꞌomu domana oto noꞌone nume a God.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

2 Korinit 5:5

Na a God e pwaokie oto hunie ke urine, na e niie oto Liꞌoa Maaꞌi hunikie huni haataꞌinie uri leune kei reu oto toꞌohuu taane aana maholo hunie.

2 Korinit 9:8

Na a God e sai haꞌadianaꞌaꞌomu oto liutaa, hunie uri omu ke toꞌo aana ahutana walu ola e malisine omu ke toꞌo aani, hunie ke mwadaꞌusie taꞌena nga asunge diana suli maholo.

Kalesia 6:15

Oto e kaꞌa tohungei roroꞌa ike uri aana iinoni e torihesiꞌo wa e kaꞌa torihesiꞌo. Taꞌa-taꞌa leu e roroꞌa oto uri a God ke haꞌahaalukie hunie kie ke neꞌi iinoni haalu.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.

Epesas 1:4

I naꞌo aana maholo a God e kaꞌa haꞌaholaa ue walumalau, e lio hilisikie oto huni neꞌi iinoni ingeie na huni iiꞌo ruru peꞌie a Kraes uri hunie kie ke iiꞌo maaꞌi na kie ke suꞌuri toꞌo aana nga mei ola aaela i maana.

Epesas 2:13

Holaꞌinaꞌo, omu iiꞌo haꞌataulie a God, taꞌe a Kraes e mae honotamiu mala nga uuraaꞌinge, na urine e tooleꞌomu oto mai i saana a God.

Epesas 2:15

Maenga ingeie e haꞌamangoa oto tolaha ni lulu i sulilana ahutana mo Haꞌatolanga mo Jiu. Na urine nge e si da hunie e ro taungei iinoni ngeena ke neꞌie taꞌa-taꞌa taungei iinoni haalu aani iiꞌo-rurunge ni henuelama peꞌie.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Epesas 2:6

na aena aana kie lado peꞌie a Jisas Kraes, a God e taꞌekie noꞌone peꞌie a Kraes hunie kie ke aalaha tararuru noꞌone peꞌie taꞌau i Lengi.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Epesas 4:24

Na omu ke iiꞌo oto aana tolaha haalu nge a God e asuie huni lae i sulie tolahana maraana. Omu kei iiꞌo urine, nge omu ke si haataꞌinie mau-meuringe toꞌohuu nge e oodotaꞌi na e maaꞌi.

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kolosi 1:10

Melu ko eiꞌeitanai urine hunie omu ke iiꞌo oto aana tolahai ola e malisine mo iinoni maaꞌi a Aalaha, na hunie asunge iꞌomu ke toꞌohie saena a God. Urine nge omu ke si haꞌahungeꞌaa loꞌu taꞌena nga asunge diana, na omu ke sai diana aana a God.

Kolosi 3:10

na omu toolea oto loꞌu maurihe haalu. Na a Haꞌahola ko haꞌa-haꞌa-haaluꞌomu aani saenanaunge i sulie maraana, hunie nunune ke pai-peine i laona manatamiu.

1 Timoti 2:10

Taꞌe kire ke haꞌalaunire aana mo esunge diana kire ko esuiꞌi, aana leune e adona mo huꞌe nge kire ko unue uri kire manata diana hunie a God.

1 Timoti 5:10

Mo nao keni urine kire ke neꞌie oto mo iini nge ahutana mwala kire lio saie uri kire ko esuie mo ola diana tarau. ?Uri e haꞌasai diana taane aana mo mwela ingeie? ?Uri e totola konie taane mo awataa? ?Uri e rararetaꞌinie taane kira hiiwalaimoli peꞌi haꞌamwai-mweiꞌanga? ?Uri e peꞌi-peꞌie taane kira siꞌohaꞌa? ?Uri e oꞌoꞌo aakau taane huni peꞌie taꞌena nga iinoni? Mo nao keni repo nge tolahada e diana urine o ke si uusue satada hunie soihaadaꞌinge ke lio i sulire.

1 Timoti 5:25

Oto e urine loꞌu aana ngaeta mo esunge diana kire mwadaꞌu noꞌone huni leesiꞌi, taꞌe maꞌalana nga mo iini kire iiꞌo mumuni keꞌu, kire saꞌa roroꞌa ni iiꞌo mumuni ike taraꞌasi.

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

2 Timoti 2:21

E urine noꞌone mola aana mo iinoni. Mo iini nge kire ko toliꞌaasie mo tolahai ola aaela ngeena oto taꞌingelu mwaanire, nge kire kei iiꞌo maaꞌi oto i maana Aalaha ikire. Mauringe ikire kei toꞌohie saena a Aalaha, na kire sai esuie taꞌena nga mei esunge diana oto mola nana.

2 Timoti 3:17

Aana ko urine haꞌalaa ikie mo iinoni a God kie sai deu diana aani lulu i sulilana mo tolahai ola diana na kei tohungei melisine oto uri kie ke asuie mo tohungei esunge diana.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Taetas 2:7

Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

Taetas 3:1

O ke haꞌa-aamasitoꞌora hunie kire ke haꞌamaꞌu aana mo aalaha na mo rato ni mwane aana kahamani. Kire ke tola i sulire, na kire ke iiꞌo aakau mola huni esuie mo ola diana.

Taetas 3:14

O ke haꞌaninaa mwala aana soihaadaꞌinge hunie kire ke mwaꞌe-mwaꞌe ni esuie mo ola diana huni peꞌi-peꞌie ngaeta mwala, na mwaanie kire lalawa huni esuie mo ola diana.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Hibru 10:24

Kie ke lae peꞌi loꞌo-loꞌongaꞌi i sulie nga mo tala uri taa kie sai haꞌa-aꞌailaꞌaa neꞌisaenga ikie hailiu eeni hunie kie ke mani haataꞌinie oto manata-diananga aani esunge diana.

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

1 Jon 2:6

Aana nga iini ko unue uri ingeie oto iinoni a God, nge ke iiꞌo oodotaꞌi oto mala a Jisas Kraes e oꞌoꞌo kaꞌu.