Epesas 1:8 - Tataroha Diana

⁸ nge e sai nii peine aani oto hunikie. Oto i sulie saenanaunge na lio sai-olanga a God,

Epesas 1:8 Iomraidhean Croise

Matiu 11:19

Oto ineu a Kale Ni Iinoni, nou lae mai na no ko ngeu na no ko inu waen mola, oto mwala ko unue loꞌu mola uuri, ‘A mwane ngeena ngauhana e paine na e tohungei sai inu hiitoꞌo. Na mo malahune oto mola mwala susulu toꞌoha na mo iinoni oorahaꞌaa.’ ” Oto a Jisas e haꞌamangoa erenga ingeie uuri, “Taꞌe tolahana mo iini kire toꞌo aana saenanaunge a God kei haataꞌinie uri ikire oto mo iinoni toꞌohuu.”

Uusu-uusu A Pol Hurula'aa Hunie Mo Rom 11:33

No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.

Uusu-uusu A Pol Hurula'aa Hunie Mo Rom 5:15

Taꞌe kirerue kaꞌa mani sada ike, aana oorahaꞌaanga a Adam e kaꞌa urihana ike niinge a God e nii mwaakule aana mai hunikie i tehulaꞌana a Kraes. E toꞌohuu aana mo iini hunge kire mae i tehulaꞌana oorahaꞌaanga taꞌa-taꞌa iinoni ngeena. Taꞌe niinge a God e paine loꞌu liutaa. Aena aana manata-diananga taꞌa-taꞌa iinoni ngeena a Jisas Kraes mone, nge a God e niie mai niinge paine hunie mo iini oto hunge.

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Epesas 1:9

nge e haataꞌinie oalaꞌinge ingeie oto hunikie. Wau i naꞌo, oalaꞌinge ngeena e oꞌoꞌo mumuni mola, aana a God e loꞌongaꞌi aakau oto aana mai naꞌo hunie uri a Kraes ke si haꞌa-oaie.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Kolosi 2:3

Na taꞌe a Kraes mola ni e sai tahanie saeka hunie kie ke lio saie ahutana mo saenanaunge a God nge kire oꞌoꞌo mumuni keꞌu ngeena.

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Haataꞌinge 5:12

Mo ensel ngeena kire ko kana paine uuri, “A Kalei Sipu nge horoꞌilana e lae, e adona kie ke haꞌapainaꞌaa haahie nanamanga paine ingeie, na haahie toꞌo-toꞌonga ingeie, na haahie saenanaunge ingeie, na haahie aꞌailaꞌanga ingeie. Na e adona oto kie ke haꞌamaꞌu aana, na kie ke haꞌamanikuluꞌaa, na kie ke haꞌapainaꞌaa.”