Epesas 1:7 - Tataroha Diana

⁷ Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Epesas 1:7 Iomraidhean Croise

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Matiu 26:28

aana apuku ni ienini nge ko haꞌa-oaie haiholotaꞌinge haalu a God ko esuie peꞌie mo iinoni ingeie. Apuku haꞌa-aahesilana ko lae i tehulaꞌana mo iini hunge huni saeꞌaasie mo oorahaꞌaa ikire.

Matiu 6:12

Na o ke saeꞌaasie huniꞌemi mo oorahaꞌaa iꞌemi, mala iꞌemi noꞌone emi ko saeꞌaasie mo roroꞌanga ikire mo iini ko deu huꞌisiꞌemi.

Tataroha Diana I Sulie A Jisas Kraes Nge A Mak E Uusue 14:24

Oto a Jisas ko teꞌuri, “Apuku oto ienini nge e aahe i tehulaꞌana mwala hunge, na mei epu nge ko haꞌa-oaie haiholotaꞌinge haalu a God ko esuie peꞌie mo iinoni ingeie.

Tataroha Diana I Sulie A Jisas Kraes Nge A Luk E Uusue 1:77

Na huni haꞌarongoa mwala ingeie uri ingeie kei haꞌa-uurire aani saeꞌaasilana mo roroꞌanga ikire.

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Tataroha Diana I Sulie A Jisas Kraes Nge A Jon E Uusue 20:23

na aana ingeie kei naꞌomiu, nge mala uri omu ko saeꞌaasi hunie mwala mo oorahaꞌaanga ikire, nge saeꞌaasileni ke si lae. Na mala uri omu kaꞌa saeꞌaasiꞌi hunire, nge saeꞌaasileni saꞌa lae ike.”

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Uusu-uusu A Pol Hurula'aa Hunie Mo Rom 2:4

A God e tohungei saediana huniꞌomu, na e kaꞌa sai saewasu lau-leu ike, taꞌe ko tohungei toli rako mola peꞌiꞌomu. !Taꞌe iꞌomu, omu ko neꞌi-neꞌisae mwakataꞌinie mola tolahana! ?Aana e ue? ?Uri omu kaꞌa lio-lio saie ike uri a God e tohungei diana huniꞌomu urine, aena aana ko niie nga kele maholo huniꞌomu hunie uri omu ke oonisae mwaanie mo tolahai ola aaela iꞌomu?

Uusu-uusu A Pol Hurula'aa Hunie Mo Rom 3:24

Taꞌe aana a God e aamasikie mone, nge e saeꞌaasie oorahaꞌaa mwaanikie na kie oodotaꞌi oto i maana. Ikie maraaka kie kaꞌa asuie ike nga mei ola hunie kie ke oodotaꞌi urine, taꞌe niinge a God ni ngeena aana e uusungeꞌinie mai a Jisas Kraes hunie ke luhesikie mwaanie oorahaꞌaa.

Uusu-uusu A Pol Hurula'aa Hunie Mo Rom 3:25

A God e toliꞌaasie a Jisas hunie ke mae mala nga uunu-olanga hunie ke toolea haꞌaloinge haahie mo oorahaꞌaanga ikie na hunie ke haꞌamangoa saewasunge ingeie aani. Oto ie kie iiꞌo oodotaꞌi oto i maana God aana kie hiiwalaimoli uri a Jisas e mae honotaka. A God e asuie leune urine huni haataꞌinie uri leinge ingeie e tohungei oodotaꞌi. Aana maꞌalana a God e kaꞌa sai haꞌaloie ike mwala lau-leu haahie mo oorahaꞌaanga ikire oto wau i naꞌo,

Uusu-uusu A Pol Hurula'aa Hunie Mo Rom 9:23

Na leu i sapena loꞌu, mala uri ko sare haataꞌinie oto manikuluhaꞌana aana mwala nge e aamasire. Mwala nge e aamasire ngeena, ikire oto e lio hilisire hunie kire ke iiꞌo peꞌie aana leu e manikuluꞌe taꞌau i Lengi.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Epesas 1:14

Aana kie toꞌo aana oto Liꞌoa Maaꞌi, kie sai diana aana uri kie kei toꞌo aana oto walu ola nge a God e haiholotaꞌiniꞌi oto mai naꞌo huni niiꞌi naka. Aana e urine kaꞌu a God kei da noꞌone hunie kie ke tohungei iiꞌo luhetaꞌi oto toꞌohuu peꞌie, na ahutana mwala ke lahea God, iini e hahuꞌei diana liutaa.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 1:6

Oto kie ke lahea God haahie niinge ingeie e manikuluꞌe nge e nii mwaakule aana hunikie i tehulaꞌana a Kalena, iini e tohungei manata diana hunie.

Epesas 1:8

nge e sai nii peine aani oto hunikie. Oto i sulie saenanaunge na lio sai-olanga a God,

Epesas 2:4

Taꞌe a God e aamasikie, na manata-diananga ingeie hunikie e tohungei peine liutaa.

Epesas 2:7

A God e asuie leune urine hunie uri mwala nge kire kei lae mai puri, kire ke lio saie uri manatana e tohungei diana oto liutaa, aana kire kei leesie manata-diananga ingeie hunikie aana a Jisas Kraes.

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Pilipae 4:19

Na i tehulaꞌana a Jisas Kraes, God ineu ke si niie walu ola omu saetoꞌo aani huniꞌomu mwaanie ahutana mo tohungei ola diana ingeie.

Kolosi 1:14

Na ingeie oto e holikie aana maelana, na i tehulaꞌana ingeie mone a God e si saeꞌaasie mo oorahaꞌaa ikie.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

Kolosi 2:13

Holaꞌinaꞌo e urihana uri omu mae oto mola i tehulaꞌana mo takalonga iꞌomu, na aena aana mo loꞌongaꞌinge aaela mo puꞌo ko oꞌoꞌo aamiu. Taꞌe a God e da omu ke mauri eelihoꞌi loꞌu peꞌie a Kraes, na e saeꞌaasie oto mo oorahaꞌaa ikie mwaanikie.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

1 Timoti 2:6

na e toliꞌaasie maraana hunie ke mae mala nga uuraaꞌinge honotana ahutana iinoni mwaanie kire iiꞌo loꞌu i memelutana oorahaꞌaa. Leune e rau aana tohungana maholo hunie, na ko haataꞌi diana aana uri a God ko sare haꞌa-uurie ahutana iinoni.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Taetas 3:6

Na aena aana a Jisas Kraes e haꞌa-uurikie, nge a God e tohungei haꞌadianaꞌakie na e niie oto Liꞌoa Maaꞌi ingeie hunikie.

Hibru 9:22

Na mo Haꞌatolanga e karaꞌi unue uri ahutana oto walu ola tataaꞌinilana mei epu ngeena ke mani lae oto haahiꞌi huni hoda rereꞌa aani i maana God. Aana mala uri nga mei epu e kaꞌa aahe oto, nge a God e saꞌa saeꞌaasie oto mo oorahaꞌaanga mwala eena.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Jon 2:12

No ko uusu-uusu huniꞌomu, maeni mwela ineu, i sulie a Mamaꞌa e saeꞌaasie oto mo oorahaꞌaanga iꞌomu i tehulaꞌana a Jisas Kraes.

1 Jon 2:2

Aana ingeie oto e neꞌi uunu-olanga i saana Mamaꞌa, nge e sai haꞌa-oodohie mo oorahaꞌaa ikie. Na e kaꞌa ike taꞌe mo oorahaꞌaa ikie hahaiteli, taꞌe ahutana mo oorahaꞌaa mo iinoni aana walumalau oto noꞌone.

1 Jon 4:10

Tohungana manata-diananga ni otona. Manata-diananga ikie hunie a God e kaꞌa tohungei diana ike urine, taꞌe ingeie ni e tohungei manata diana hunikie toꞌohuu aana e uusungeꞌinie mai a Kalena uri hunie ke neꞌi uunu-olanga huni tapa oolisie mo oorahaꞌaanga ikie.

Haataꞌinge 14:4

Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.