Epesas 1:4 - Tataroha Diana

⁴ I naꞌo aana maholo a God e kaꞌa haꞌaholaa ue walumalau, e lio hilisikie oto huni neꞌi iinoni ingeie na huni iiꞌo ruru peꞌie a Kraes uri hunie kie ke iiꞌo maaꞌi na kie ke suꞌuri toꞌo aana nga mei ola aaela i maana.

Epesas 1:4 Iomraidhean Croise

Matiu 24:22

Mala uri a God kaꞌa holo oꞌoruꞌe aana maholo ni siꞌohaꞌanga ngeena, nge nga iini saꞌa mauri ike loꞌu. Taꞌe i sulie a God e loꞌongaꞌinie mo iini nge e lio hilisire oto, nge mone kei holo oꞌoruꞌe aana maholona.”

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Tataroha Diana I Sulie A Jisas Kraes Nge A Jon E Uusue 10:16

Nou toꞌo aana taane ngaeta mo sipu na ikire haꞌike ue i laona para ni sipu ineu. Taꞌe ne kei haro tooleꞌi taane ue mai hunie kire ke iiꞌo peꞌie mo iini kire iiꞌo oto i laona para. Kire kei haro neꞌie taꞌa-taꞌa hakaa ni sipu mola, na ineu oto taꞌa-taꞌa kakalihe nge kire sai rongo hunie.

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Palonga 13:48

Oto maholo mo Aapoloa Aaopa kire rongoa mei wala ngeena, kire ko si tohungei ilenimwaꞌe na kire ko paalahea oto Aalaha haahie mei wala ingeie ngeena. Na mo iini nge a God e lio hilisire hunie kire ke toꞌo aana maurihe huu kire hiiwalaimoli oto aana.

Palonga 15:18

Na ingeie oto e asuie mwala ke saie walu olana oto wau i naꞌo.” Emos 9:11-12

Palonga 18:10

sulie ineu taane peꞌiꞌo. Nga iini aana mwala aana huilume ngeena e saꞌa waeliꞌo ike sulie mwala ineu kire hunge i leune.”

Uusu-uusu A Pol Hurula'aa Hunie Mo Rom 8:33

?A tei ni kei roroꞌa uusuikie haahie mei oorahaꞌaa? ?Uri a God? !Haꞌike oto ooꞌoo! Ikie mo iini nge a God e lio hilisikie oto, na a God maraana oto e unue uri kie oodotaꞌi mola.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Epesas 5:27

A Kraes e asuie walu ola urine hunie maholo kei toolea mai soihaadaꞌinge i sapena maraana, uri soihaadaꞌinge ke tohungei lio manikuluꞌe, na uri e kaꞌa toꞌo aana nga taꞌa-taꞌa kele mei ola ke aaela aana, taꞌe ke oodotaꞌi mola taꞌingelu.

Pilipae 2:15

Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire,

Kolosi 1:22

Taꞌe a Kalena e neꞌi iinoni na e mae honotamiu, na aena urinena a God e si da hunie omu ke uure ruru oto peꞌie. A God e asuie urine hunie uri ke tooleꞌomu mei saana mala mo iinoni e maaꞌi oto, nge nga mei ola e kaꞌa aaela ike loꞌu aada, na nga mei ola hunie a God ke leire haahie haꞌike loꞌu.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

1 Tesalonaeka 4:7

Aana a God e kaꞌa haaraikie ike hunie iiꞌonga madaꞌa urine, taꞌe e saetoꞌo aana uri iiꞌolaka ke maaꞌi oto taꞌingelu.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 1:2

A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.

Haataꞌinge 17:8

“Oto o ke saie uri ola loo-looꞌa ngeena, ingeie iini e mauri keꞌu waite, taꞌe ie e aiꞌaa oto. Kei maau taane poi mwaanie kalinge ni haꞌamotaahinge ngeena, taꞌe kei lae mola i sulie tala takoie haꞌamangolana. Mwala aana walumalau kei tohungei pangataꞌinie aana maholo kire kei leesie uri e mauri loꞌu, aena aana e mauri keꞌu waite, na e aiꞌaa oto ie, na kei heꞌi meuri loꞌu. Mwala nge kei pangataꞌinie mo iini mola nge uusulana satada e kaꞌa lae ike i laona uusu-uusu ni meurihe uure oto wau aana aehotalana walumalau.”