Epesas 1:20 - Tataroha Diana

²⁰ kaꞌu a God e asu aana maholo e taꞌea a Kraes hunie ke mauri eelihoꞌi loꞌu mwaanie maenga na hunie ke iiꞌo aana naꞌohai iiꞌo-iiꞌoha i pwalo-pwalona taꞌau i Lengi.

Epesas 1:20 Iomraidhean Croise

Matiu 26:64

Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Tataroha Diana I Sulie A Jisas Kraes Nge A Mak E Uusue 14:62

Oto a Jisas ko aalamie uuri, “Ineu kaꞌu otona. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Tataroha Diana I Sulie A Jisas Kraes Nge A Mak E Uusue 16:19

Oto i purine Aalaha ikie a Jisas e ere mango urine peꞌire, a God e tahelaꞌinie oto taꞌau i Lengi na e lai iiꞌo oto aana iiꞌo-iiꞌoha paine i pwalo-pwalona God.

Tataroha Diana I Sulie A Jisas Kraes Nge A Jon E Uusue 10:18

Nga iini kaꞌa taꞌaasie ike maurihaꞌaku mwaanieu. Ineu, nou toliꞌaasie mola maraaku. Nou toꞌo aana nanamanga huni toliꞌaasie mola maraaku, na nou toꞌo aana nanamanga noꞌone huni tola aalihoꞌi loꞌu aana. Na nga taa Aamaku e unue mei ola ne kei esuie ni otona.”

Tataroha Diana I Sulie A Jisas Kraes Nge A Jon E Uusue 10:30

Iꞌemereꞌi a Mamaꞌa taꞌa-taꞌa iinoni mola.”

Palonga 10:40

Taꞌe aana oolune nga hai dinge a God e taꞌea loꞌu a Jisas mwaanie maenga, oto purihaꞌana e haataꞌi maraana loꞌu aameelu.

Palonga 26:8

?Oto loꞌongaꞌinge iꞌomu e uri taa? ?Uri omu ko loꞌo-loꞌongaꞌi uri e aasa hunie a God kei taꞌea loꞌu mo iini e mae oto? ?Aana e ue kaꞌu omu ko loꞌongaꞌi takalo urine?

Palonga 4:10

Oto no ko sare haꞌarongoꞌomu na oto ahutana mwala ni Israel, uri mwane ienini nge e uure oto i naꞌomiu, haꞌa-uurilana e lae mola aana satana a Jisas ni Nasaret na aana nanamanga ingeie. Na ingeie oto omu horoꞌie i lengine poꞌu-poꞌu, taꞌe a God e taꞌea loꞌu hunie ke mauri eelihoꞌi.

Palonga 5:31

A God e taꞌea na e haꞌa-iiꞌosie aana naꞌohai iiꞌo-iiꞌoha i pwalo-pwalona hunie ke aalaha haahikie, na hunie ke haꞌa-uurikie, na hunie mwala ni Israel ke oonisae mwaanie mo oorahaꞌaanga ikire hunie a God ke saeꞌaasiꞌi mwaanire.

Uusu-uusu A Pol Hurula'aa Hunie Mo Rom 8:34

?Oto a tei loꞌu e toꞌo aana nanamanga hunie ke unue uri kie takalo na kei lei mae aaka? ?Uri a Kraes? !Haꞌike loꞌu! A Kraes haꞌalaa e nanama urine. Taꞌe a Kraes e mae kaꞌu honotaka, na e heꞌi meuri loꞌu hunikie, na ko iiꞌo aana iiꞌo-iiꞌoha paine i pwalo-pwalona God, na hule aana a Kraes ko eiꞌeitanai talaka.

Epesas 1:3

Kie ke paalahea Aamana a Jisas Kraes Aalaha ikie, aana a God e haꞌadianaꞌakie aana mo niinge ni Liꞌoa ingeie uure i Lengi i tehulaꞌana iiꞌo-rurunge ikie peꞌie a Jisas Kraes.

Pilipae 3:10

Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana.

Kolosi 1:16

Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.

Kolosi 3:1

Maholo a Kraes e mauri eelihoꞌi mwaanie maenga, a God e haꞌa-uuriꞌomu noꞌone mwaanie maenga i tehulaꞌana oorahaꞌaa, hunie iꞌomu noꞌone omu ke toꞌo aana maurihe. Oto aena urinena, omu ke neꞌi-neꞌisae paine aana mauringe taꞌau i Lengi, leu nge a Kraes e iiꞌo i lengine naunekume ingeie aana taꞌau i pwalo-pwalona God.

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 10:12

Taꞌe a Kraes e asuie mola taꞌa-taꞌa uunu-olanga, na uunu-olanga ingeie ngeena e toꞌo aana nanamanga huni taꞌaasie mo oorahaꞌaa oto taraꞌasi. Oto e asu mangoa uunu-olanga ngeena, e si lai iiꞌo aana naꞌohai iiꞌo-iiꞌoha i pwalo-pwalona God. Sam 110:1

Hibru 13:20

Oto no ko aarea God nge ingeie oto aahuꞌine hanuelamanga na e taꞌea loꞌu a Jisas aalihoꞌi mwaanie maenga, uri ke niie huniꞌomu taꞌena nga ola diana hunie omu ke si toꞌo aana nga taa kei peꞌiꞌomu huni esu i sulie saena. No ko eitanaie uri ke asu i lalo aamiu aana nanamanga a Jisas Kraes hunie omu ke haꞌasaedianaꞌaa saena. A Jisas oto Aalaha ikie, na ingeie oto naꞌohai Kakalihe honotana mo sipu. Aana maenga honotaka mala nga uunu-olanga, nge e si haꞌawalaimoliꞌaa mei heiholotaꞌinge nge e sai iiꞌo huu ngeena. Oto aena leune kie ke si soi haꞌamanikuluꞌaa a Kraes oto di. !Iau! !Ke urine oto!

Hibru 2:9

Taꞌe kie sai leesie taane uri haꞌa-oailana mei wala ngeena e aehota aana a Jisas. Aana a God e asuie a Jisas hunie ke mwai-mwei haꞌawali mwaanie mo ensel hunie uri ke haataꞌinie manata-diananga a God maholo e mae honotaka mo iinoni. Na aena aana e sapesalu hiitoꞌo na e mae urine, nge a God e haꞌa-aalahaa, na e haꞌamanikuluꞌaa na e haꞌapainaꞌaa.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

Haataꞌinge 1:17

Oto maholo nou leesie, nou reputeꞌi hai sulie aeꞌaena oto mala iinoni e mae. Taꞌe e hele aaku aana nime i pwalo-pwalona, na ko teꞌuri, “O ke suꞌuri meꞌu. Ineu oto aehotalana walu ola na haꞌamangolani.