1 Timoti 1:5 - Tataroha Diana5 Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu. Faic an caibideil |
1 Timoti 1:5
43 Iomraidhean Croise
Mala uri nga iini hikana mo eesimiu ko hii aaela i sulie mo ngeulaa omu ko ngeuꞌi, nge omu kaꞌa lae oto i sulie tolaha ni manata-diananga huniꞌomu heiliu eena. A Kraes e mae noꞌone honotana iinoni ngeena. Oto omu ke suꞌuri waelie hiiwalaimolinge aasimiu aana Kraes haahie nga moi taa omu ko ngeu-ngeuꞌi.
Taꞌe ngaeta mei ola ko da uri no ko tohungei saehuu loꞌu liutaa, aana mwala ineu mo Jiu kire iiꞌo oto loosie maenga huu. Ineu iinoni a Kraes na a Liꞌoa Maaꞌi ko ere haꞌa-oaie uri manataku e taha mola. Oto no ko ere toꞌohuu ni ie, na nou kaꞌa eero ike aana no ko unue uri salunge ineu ngeena kaꞌa mou-mou ike mwaanieu. Na hule aana saeku uri haꞌaloileku ke lae oolisire hunie kire ke lae mai meuri huu oolisieu, haꞌalaa ke diana. Maꞌalana ne ke oopa mwaanie a Kraes oolisire, nge e diana mola aaku aana no ko tohungei aamasire, aana ikire oto mo tohungei iinoni ineu, na mwala oto aana uluhe ineu.
Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.
O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.
Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.
Kire unue uri kie ke haꞌahili-hili mwaanie mo ola oto hunge, taꞌe eeronga mola ni ngeena, aana walu ola kire mani diana mola hunie mo iini kire iiꞌo oodotaꞌi. Taꞌe iini nge ko loꞌo-loꞌongaꞌinie mola aaelanga haliꞌite, ahutana ola kire mani madaꞌa hunie, aena aana e kaꞌa hiiwalaimoli ike aana God. Oto iini urine manatana na loꞌongaꞌinge ingeie kire mani aaela mango mola.
!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.
Taꞌe omu ke aalamire aani sae maneko peꞌi haꞌamaꞌunge aada. Omu ke iiꞌo oodotaꞌi taraureꞌi hunie manatamiu ke taha mola. Urine mo iinoni nge kire ko ere-ere aaelasiꞌomu kire kei masa i sulie nga taa kire ko unu-unue ngeena, aena aana ahutana mwala kei leesie mo ola diana omu ko esuiꞌi aana omu ko lulu i sulie a Kraes.
Na haꞌa-uurilada ngeena, nga tolimaa aana haꞌa-uurilaka nge ko lae mai hunikie aana loto-maaꞌinge. Loto-maaꞌinge nge ko haꞌa-uurikie ngeena e kaꞌa neꞌie ike mei ola mola aana wai ko hoda aasie mo mada mwaanie sapeka, taꞌe kie ko loto maaꞌi oto toꞌohuu maholo kie haiholotaꞌinie hunie a God aani sae manola uri kie kei lulu i sulie oto aani norutoꞌonga aana. Na loto-maaꞌinge urine e toꞌo aana nanamanga huni haꞌa-uurikie aena aana a Jisas Kraes e taꞌelaꞌi eelihoꞌi mwaanie maenga.
Sanasan