1 Korinit 8:4 - Tataroha Diana

⁴ Oto aapa aana ngaulana mo ngeulaa uunuleni e lae i saana mo nunui ola, kie saie oto uri nunui ola nga ola toꞌohuu haꞌike, aana kie mani saie oto uri e taꞌa-taꞌa God mola.

1 Korinit 8:4 Iomraidhean Croise

Tataroha Diana I Sulie A Jisas Kraes Nge A Mak E Uusue 12:29

Oto a Jisas ko aalamie uuri, “Naꞌohai haꞌatolanga oto ienini, !Rongo diana aana, iꞌomu mo Israel! A God, aalaha ikie, ingeie oto taꞌa-taꞌa God.

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

1 Korinit 8:1

Hoe, no ko sare heꞌi ere loꞌu i sulie mo ngeulaa nge kire uunuꞌi oto i saana mo nunui ola. E toꞌohuu taane mala ngaeta mwala ko unu-unue uuri, “Ahutaka kie mani sai ola mola.” !Taꞌe omu ke lio talamiu! Sai olanga e sai da mola iinoni ke toohaꞌinie maraana, taꞌe manata-diananga nge ko peꞌikie suli maholo.

1 Korinit 8:10

Omu saie taane mola uri ngaulaa e kaꞌa tohungei roroꞌa ike. ?Taꞌe nga taa kei reu mala uri o ko ngeu-ngeu mola aana nume ni uunu-uunu ola i saana mo god eero-eero? ?Na nga taa kei reu mala uri nga iini nge hiiwalaimolinge ingeie e kaꞌa susu ike aana leune ko leesiꞌo mola wau? Ingeie ko unu-unue uri iꞌoe, o saenanau diana, oto ingeie noꞌone kei heimaaniꞌo aana mei ola nge manatana e unue e aaela.

1 Korinit 8:11

Oto urine o kei deu aaelasie mola aasimu. !Iini nge a Kraes e mae honotana kei maesie saenanaunge iꞌoe ni ngeena!

Kalesia 4:8

I naꞌo maholo omu kaꞌa sai diana aana ue a God, omu neꞌi koni-konihe mola na omu talei euꞌesu mola nana mo god eero-eero.

Epesas 4:6

Kie ko meni paalahea mola e taꞌa-taꞌa God, aana ingeie oto Aamana ahutaka. Ingeie e paine haahie ahutaka, na ko meu-meuri i lalo aaka huni esuie nga taa ko sare asuie mai i laona walumalau.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

1 Timoti 2:5

E taꞌa-taꞌa God mola, na e taꞌa-taꞌa iinoni mola huni haꞌa-uureruru i matolana mo iinoni na a God, na a Haꞌa-uureruru ngeena oto mola a Kraes Jisas. Ingeie oto maraana e neꞌi iinoni,

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.