1 Korinit 7:2 - Tataroha Diana

² Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

1 Korinit 7:2 Iomraidhean Croise

Matiu 5:32

Taꞌe ineu, no ko unue huniꞌomu uri nga iini ko sikaa huꞌe ingeie na a huꞌena e kaꞌa masi peꞌie nga iini, ingeie ngeena ko si da oto hunie a huꞌena ke masi eena, aana kei toꞌo aana loꞌu nga mwane aaopa. Na mwane nge kei toꞌo aana loꞌu a huꞌena, ingeie noꞌone ko mesi.”

1 Korinit 6:18

!Oto omu ke tahi oto haꞌataulie masinge! Mo iini nge kire ko esuie mo taungei oorahaꞌaa aaopa mwaanie aeni-olanga, kire kaꞌa waelie ike sapeda. Taꞌe mo iini nge kire ko esuie aeni-olanga, kire ko tohungei waelie oto sapeda maraada ni ngeena.

1 Korinit 7:1

Iau, nou sare lado luhesie mo dolosinge omu unuꞌi i laona uusu-uusu omu uusue mai hunieu. Omu dolosi i sulie iiꞌo-rurunge, na omu unue ohe e diana mola hunie mwane ke suꞌuri iiꞌo ruru peꞌie nga keni.

1 Korinit 7:3

Na poro ke maꞌa-maꞌahu oto peꞌie huꞌe ingeie na huꞌe ke maꞌa-maꞌahu oto noꞌone peꞌie poro ingeie.

1 Korinit 7:9

Taꞌe mala uri ko aasaiꞌomu hunie omu ke iiꞌo mola mwaakule, e diana hunie omu ke tola huꞌe na omu ke toꞌo poro. Aana e diana liutaa hunie omu ke haꞌaruru mwaanie omu iiꞌo mwaakule peꞌi saehanalilana mola iiꞌo-rurunge.

Epesas 5:28

Oto iꞌomu mo mwane, e urine noꞌone, omu ke manata diana hunie mo huꞌe iꞌomu oto mala omu manata diana hunie sapemiu maraamiu. Maholo nga mwane ko manata diana hunie huꞌe ingeie, ko manata diana oto noꞌone hunie maraana.

Epesas 5:33

Taꞌe mo wala ngeena e uure noꞌone huniꞌomu. Oto taꞌe-taꞌena nga poro ke manata diana hunie huꞌe ingeie mala ko manata diana hunie sapena maraana, na taꞌe-taꞌena nga huꞌe ke haꞌamaꞌu aana poro ingeie.

1 Tesalonaeka 4:4

na uri hunie taꞌena nga iini eemiu ke kinetaꞌinie oto sapena maraana aani iiꞌonga maaꞌi na peꞌi haꞌamaꞌunge hunie ngaeta mwala.

1 Timoti 4:3

Mwala urine kire ko haꞌa-uuresie ngaeta mo haꞌatolanga ikire maraada mala mo haꞌatolanga nge ko uure honosie mola mo iinoni mwaanie tola-keninge na toꞌo-poronga, na mwaanie ngaulana ngaeta mo taungei ngeulaa. Taꞌe aana haꞌaholanga, a God e haꞌa-uuresie iiꞌo-rurunge, na e haꞌaholaa noꞌone mo ngeulaa hunie mwala ke ngau-ngeuꞌi mola. Na ikie mo iini kie hiiwalaimoli aana God na kie saie walaimolinge, kie sai paalahea mola a God haahie mo ngeulaa ngeena, na kie sai ngeuꞌi mola.