1 Korinit 3:8 - Tataroha Diana

⁸ Oto mwane ko hesi lite na mwane ko dengu wei, kire ko meni esu tararuru mola hunie taꞌa-taꞌa mei neꞌisaenga, na a God ke si waairerue i sulie asunge ikirerue.

1 Korinit 3:8 Iomraidhean Croise

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Tataroha Diana I Sulie A Jisas Kraes Nge A Luk E Uusue 19:19

Oto aalaha ingeie ko teꞌuri hunie, ‘Urine, iꞌoe o kei aalaha haahie e lime huilume ineu.’

Uusu-uusu A Pol Hurula'aa Hunie Mo Rom 2:6

Aana a God kei waaie taꞌena nga iinoni oto i sulie helelana aana nga moi taa e asuiꞌi. Sam 62:12

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

1 Korinit 3:14

Mala uri dunge e kaꞌa waruhie mo ola nge iinoni e asuie nume ngeena aani, nge a God kei waaie iinoni ngeena haahie asunge diana ingeie.

1 Korinit 3:7

Oto iini ko hesie mo lite na iini ko denguhiꞌi ikire mo mwane mwaakule mola, taꞌe a God ni e paine liutaa, aana ko esuie mo lite ngeena hunie kire ke mwaꞌora.

1 Korinit 3:9

Aana iꞌemereꞌi e ro mwane nge mere ko esu tararuru nana a God, na iꞌomu oto domana hohola ingeie. Na iꞌomu domana oto noꞌone nume a God.

1 Korinit 4:15

Maꞌalana uri omu ke toꞌo aana loꞌu nga mo iini hunge huni haꞌa-uusuliꞌomu aana tolahana a Kraes, taꞌe omu ke suꞌuri pulongosie uri ineu oto taꞌa-taꞌa aamamiu. Aana ineu oto nou tooleꞌomu mei i saana a Kraes maholo nou laeliwala aana tataroha diana namiu.

1 Korinit 9:7

?Uri mo ramo kire sai lae mola hunie oohotaa maholo nga taꞌa-taꞌa iini huni waaire haꞌike? ?Uri nga iinoni e sai haꞌaweoa mola aana hasilana mo ola e saꞌa ngauꞌi? ?Na loꞌu uri nga iinoni e sai talei haꞌa-haꞌaweoa mola aani lio i sulilana mo sipu na e kaꞌa sai losi susu ana mwaaniꞌi? !Haꞌike oto ooꞌoo!

Kalesia 6:4

Taꞌe nga iini ke lei-leie mola tolahana maraana. Mala uri tolahana ko diana aana asunge na iiꞌonga ingeie, nge ke sae-saemango mola haahie maraana, na e saꞌa loꞌongaꞌi oto hiitoꞌo ike aana haꞌasadangaꞌinilana tolahana ngaeta iinoni.

Kalesia 6:5

Aana nga iini ni e lio-lio i sulie oto maurihaꞌana maraana hunie a God.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

2 Jon 1:8

Oto omu ke lio talamiu mwaanie omu deu tekelaꞌinie tolahai iinoni diana iꞌomu nge melu esu oto hiitoꞌo hunie omu ke toꞌo aana. Taꞌe omu ke lae taraꞌasi peꞌie hunie omu ke hele haꞌamangoa oto waaitemiu.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Haataꞌinge 22:12

Oto a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Na ne kei toolea noꞌone mai waaitana mwala huni waaire oto i sulie nga taa iinoni e asuie.