1 Korinit 3:4 - Tataroha Diana

⁴ Ngaeta mo iini eemiu ko unue uuri, “Ineu aana aapa a Pol,” na ngaeta mo iini uuri, “Ineu aana aapa a Apolos.” !Haꞌike eena! ?Uri omu kaꞌa loꞌongaꞌi ike mala mo iinoni ni welumalau ni ngeena?

1 Korinit 3:4 Iomraidhean Croise

1 Korinit 1:12

Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

Kalesia 1:11

Maeni eesiku maaꞌi, nou saetoꞌo aana omu ke sai diana aana uri Tataroha Diana nge no ko taro-tarohaꞌinie ienini e kaꞌa uure ike mola mwaanie mo iinoni.