1 Korinit 1:2 - Tataroha Diana

² Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

1 Korinit 1:2 Iomraidhean Croise

Palonga 10:36

Omu saie taane oto Tataroha Diana a God e uusungeꞌinie hunie mwala ni Israel uri ikie mo iinoni kie sai toꞌo aana hanuelamanga mola aena aana a Jisas Kraes, iini ko aalaha haahie walu ola.

Palonga 15:9

E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

Palonga 18:1

Oto purihaꞌana a Pol e uure mwaanie i Atens, e si lae loꞌu hunie huilume i Korinit.

Palonga 22:16

?Oto nga taa ue o ko maaꞌoohie? Taꞌelaꞌi na o ke aarengaꞌi aana satana Aalaha hunie a God ke saeꞌaasie mo oorahaꞌaanga iꞌoe, na o ke loto maaꞌi.’

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 9:13

Oto a Ananaeas ko aalamie uuri, “Aalaha, nou rongoa mo laladonga hunge i sulie mo ola aaela a mwane ngeena ko esuiꞌi aana mwala iꞌoe taꞌau i Jerusalem.

Palonga 9:14

Na maholo ienini e toolea nanamanga mo naꞌohai pris huni tapolie taꞌena nga iini ko haꞌapainaꞌaꞌo.”

Palonga 9:21

Ahutana mwala kire rongoa walana kire ko tohungei pangataꞌi, na kire ko teꞌuri, “Mwane nge e lae peꞌi horo suuheꞌinie mwala nge kire ko aarengaꞌi hunie a Jisas ni ngeena. E teꞌurine kaꞌu aana mwala oto taꞌau i Jerusalem, na e lae loꞌu mei leu huni tapolie mwala huni toolera hunie mo naꞌohai pris kei leire. ?Oto e ue ni ko si ere aaopa loꞌu urine?”

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 10:12

Leune e toꞌohuu hunie taꞌena nga iinoni, maꞌalana ikire mo Jiu wa ikire nga mo Jiu haꞌike. A Kraes ingeie oto taꞌa-taꞌa Aalaha haahie ahutana mo iinoni, na ko niie mo haꞌadianaꞌanga hunge hunie ahutana mo iini kire norutoꞌo aana.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

1 Korinit 10:32

Na omu ke suꞌuri haꞌatataroa ngaeta mo iini, maꞌalana mo Jiu, wa mo iini nge ikire mo Jiu haꞌike, wa mo iini aana soihaadaꞌinge a God.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

1 Korinit 8:6

Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

1 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes, na melu ko eitanai uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Tesalonaeka 4:7

Aana a God e kaꞌa haaraikie ike hunie iiꞌonga madaꞌa urine, taꞌe e saetoꞌo aana uri iiꞌolaka ke maaꞌi oto taꞌingelu.

2 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes,

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 13:12

Na a Jisas e urine noꞌone, aana e mae poꞌoi sinaha aana huilume uri huni haꞌarereꞌaa mwala ingeie mwaanie oorahaꞌaa oto aana apune maraana.

Hibru 2:11

Ingeie oto ko da hunie mwala ke neꞌi iinoni maaꞌi, na ahutana mo iini e haꞌamaaꞌire ngeena, ikire taꞌa-taꞌa uluhe ni iinoni oto peꞌie. Oto aena urinena nge a Jisas e kaꞌa masa ike huni haaraꞌinire uri maeni eesine,

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

Haataꞌinge 19:16

Na uusulana nga satai ola e lae aana toꞌoni ingeie na sasahana uuri, inemauri haahie mo inemauri, na aalaha haahie mo aalaha.