1 Korinit 1:12 - Tataroha Diana

¹² Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 1:12 Iomraidhean Croise

Matiu 23:8

“Taꞌe iꞌomu, omu ke suꞌuri toliꞌaasie mwala ke haaraꞌiniꞌomu aana, ‘Haꞌa-uusuli,’ aena aana omu toꞌo aana mola e taꞌa-taꞌa haꞌa-uusuli, na iꞌomu mo mwaasine haliꞌite.

Tataroha Diana I Sulie A Jisas Kraes Nge A Jon E Uusue 1:42

Oto a Andru e toolea Saemon i saana Jisas. A Jisas e toꞌomaaie a Saemon, e si teꞌuri, “Iꞌoe oto a Saemon kalena Jon, taꞌe haaraꞌinilemu kei lae oto aana a Sipas.” (Satai ola aana erenga mo Jiu ngeena e sada mola peꞌie satai Pita aana erenga ni Krik, na loꞌongaꞌinge aana uri “a Hau” aana a Jisas e saie uri a Pita kei neꞌie mwane kei uure maꞌutaꞌa diana mala hau e susu.)

Palonga 18:24

Aana maholona noꞌone ngaeta mwane ni Jiu nge e hute aana huilume i Aleksandria ko lae mai hunie i Epesas, na satana a Apolos. E tohungei saenanau aana ere-luhesilana mo neꞌisaenga na e tohungei saenanau noꞌone aana mo Uusu-uusu Maaꞌi.

Palonga 19:1

Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

1 Korinit 1:11

No ko ere urine, maeni eesiku, i sulie ngaeta mwala aana uluhe kira Kloui ni kire haꞌarongoau uri omu ko talei haꞌa-ere oto mola tarau.

1 Korinit 15:5

Na e haataꞌi aana a Pita na loꞌu hunie ahutana aawalai hurulaꞌaa mwana rue.

1 Korinit 15:50

Iau, maeni eesiku maaꞌi, no ko sare haataꞌinie mola aamiu uri mei sape ni hesiꞌo na apu, kirerue saꞌa roroꞌa ni hele aana ike Aalahanga a God. Taungei sape urine nge e sai kesu mola, na e saꞌa tohungei hele aana ike maurihe huu.

1 Korinit 16:12

Aasikaelu maaꞌi, a Apolos, no ko unu-unue taane hunie uri ke lae kaꞌu peꞌie ngaeta mo iini hiiwalaimoli huni keliꞌomu, taꞌe e kaꞌa neꞌisae ike ue ni lae wau aana kele maholo ienini. Mala ko toto diana hunie aana nga maholo, nge ke si lae taane wau.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

1 Korinit 7:29

No ko ere urine, maeni eesiku maaꞌi, aana kele maholo oꞌoruꞌe oto mola e si oore. Oto aehota siꞌiri, omu ke neꞌisae paine mola aana God. Oto mo iini omu tola huꞌe, omu ke suꞌuri loꞌongaꞌinie iiꞌo-rurunge mala mei naꞌohai ola iꞌomu.

1 Korinit 9:5

Ngaeta mo hurulaꞌaa loꞌu, na mo eesine a Aalaha, na a Pita, hule aana kire mani toolea mo huꞌe ikire peꞌire. ?Oto e ue aana iꞌemereꞌi a Banabas?

2 Korinit 10:7

Ngaeta mei ola omu ko deu aaelasie nge omu ko lio mola hunie mo ola e lio kohi poꞌoi sinaha. Taꞌe mala uri nga mo iini eemiu ko loꞌongaꞌinie uri ikire oto mo hurulaꞌaa a Kraes, nge e diana uri hunie kire ke lio saie uri iꞌemeelu noꞌone mo hurulaꞌaa a Kraes, na taꞌe ikire mola haꞌike.

2 Korinit 9:6

Omu ke sai diana aana uri nga iini nge ko hesie mola tootaꞌi kele litei ola, kei soꞌokonie noꞌone mola tootaꞌi kele hue-huei ola mwaaniꞌi. Na nga iini ko hesie mo litei ola hunge nge kei soꞌokonie mo hue-huei ola hunge noꞌone mwaaniꞌi.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Kalesia 3:17

Oto nga taa nou sasare unue uri holaꞌinaꞌo a God e asuie nga haiholotaꞌinge maꞌutaꞌa peꞌie a Ebraham, na e hai tangalau peꞌie e oolu aawalai helisi loꞌu mola mai puri, na mo Haꞌatolanga a Mosis ko taꞌelaꞌi oto. Oto mo Haꞌatolanga nge kire si lae mola mai puri urine, kire saꞌa roroꞌa oolisie ike haiholotaꞌinge a God peꞌie a Ebraham, wa ke waelie nga mei ola aana.