1 Korinit 1:11 - Tataroha Diana

¹¹ No ko ere urine, maeni eesiku, i sulie ngaeta mwala aana uluhe kira Kloui ni kire haꞌarongoau uri omu ko talei haꞌa-ere oto mola tarau.

1 Korinit 1:11 Iomraidhean Croise

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

1 Korinit 1:12

Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 11:18

Eetana nga mei ola, nou rongoa uri maholo omu ko loko mala nga soihaadaꞌinge, omu ko oopa-oopa mola, na leune nou hiiwalaimoli uri e kele toꞌohuu kaꞌune.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

Kalesia 5:15

Taꞌe mala uri omu ko heꞌi polahiꞌomu loꞌu mola hailiu mala mo usu ni meꞌesu, nge omu ke lio talamiu, mwaanie omu horo suuheꞌiniꞌomu mola taꞌingelu.

Kalesia 5:20

Kire ko paloa mola mo god eero-eero, na kire ko deu i sulie mola mo liꞌoa aaela. Kire ko esuie mola maelonganga hunire hailiu, na haiseuninge, na heotaꞌinge. Kire ko maaola-ola aani saewasunge, na kire ko loꞌongaꞌinire mola maraada, na kire ko esuie mola oopanga, na kire neꞌie oto ngaeta pulitaa haꞌa-haꞌa-ere.

Kalesia 5:26

Mala uri kei toꞌohuu hunikie urine, nge nga iini aaka e saꞌa toohaꞌinie ike maraana, wa ke haꞌasaewasuliꞌaa nga iini, wa ke saehanalie toꞌolana nga iini.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

1 Timoti 6:4

Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

Taetas 3:9

Taꞌe o ke aaliꞌu mwaanie mo haꞌa-erenga mweꞌu-mweꞌule i sulie mo hute-hutanga. Na o ke suꞌuri haꞌa-ere wa o ke ere haitapali i sulie mo Haꞌatolanga a Mosis. Mo tolahai iinoni urine, mo ola kire saꞌa peꞌie ike nga iini ni ngeena.