METHU 3:6 - NITI GONTU N.T. (BSI)

⁶ ho mohlu mohlo baptisma bikotii Jordan kiiley ho, mohluka ingyamiigya mi khako siibii dola.

METHU 3:6 Iomraidhean Croise

METHU 3:11

“Ngo nunumi yasie lo baptisma bidu henkur kiine dupa, hojalo ngiika kiiliñ hoka ahnii bo ngiimi tamo-chikho yanii; ngo mohka nyotananii mika biilya binii patḛr lyima. Mo nunumi Darii Yajiyallo la yamu lo baptisma bikiñ doke.

MAK KA AYAPUYU 1:5

Ho hiikoho mo agiñho hikha Judia ganda dalyi hokii, ho hikha Jerusalem daka miyuatañ; mohlo baptisma bikotii Jordan kiiley ho, mohluka ingyamiigya niimi khako siibii dokula.

LUK KA AYAPUYU 1:16

Ho mo abuje Isrel ka oho atañmi Attoh mohluka Pinii ko ahkudopa miikiñdo,

LUK KA AYAPUYU 3:16

Jon mohlumi lusitii, “Ngo nunumi yasie lo baptisma bidu; hojalo ngiimi tamo-chikho yanii kone ahkiñdo, Ngo mo agiñho mohka luku rappo nanii mitrḛ tapya binii patḛr lyimake; mo nunumi Darii Yajiyallo la yamulo baptisma bikiñ doke.

MIINIIÑ 1:5

Jon yasie lo baptisma bitii, hojalo allo abu loma rampa nunu Darii Yajiyallo lo baptisma biko kendoke.”

MIINIIÑ 11:16

Ho ngo Attoh ka aguñmi hempa rito, niihtañpa mo lune, ‘Jon yasie la baptisma bido, hojalo nunu Darii Yajiyallo lo baptisma biko kendoke.’

MIINIIÑ 19:18

Abuje hutiina henje nyatiinii siisi ahnyatii, pyakosiibii dokula ho mohluka muju mi apa biido kula.

MIINIIÑ 22:16

Ho siisi niimpa no kalyala da? Gurito ho baptisma lato, ho niika ingyamiigya atañmi ase siito, mohka armyañ mi gyobii dola.’

1 KORINTIA 10:2

ho hikha miilañru baptisma labiine Mose ko jomii la yasie siimie nyiho,

KOLOSIA 2:12

ho nunu mohka agiñho alie kotiiku baptisma lakoho, hukohona nunu turiturku tiikunii Pinii ka miigo miiniiñ mika henje agiñho, humina mo shiinii hokii turdo miitiinii.

HIBRU 6:2

luko biidola baptisma piigomi, alah tencha niimi, shiinii ka turiturku kuniiñmi, lyulamanii ka ayakacho kaniiñmi.

HIBRU 9:10

hojalo diigo la tango nyilo miita nando ho ponsa ponsa dariiasenii miiniiñlo, apopaka miijulujulo nii dahepa hikha niti dopa miita nantema.

JEMS 5:16

Hopa nunuka ingyamiigya niimi kone anyañ khako siitoku, ho kone anyañpa kuto, niimpalukoda nunu miipya kodupa. Denki miyu ka kuniiñ ho anouro harchichike giidoke hiimi miipya naniipa.

1 PITAR 3:21

Baptisma laniiñ hii, siika siimi lutiñ nando, siisi nunumi lyangur do, nunuka kacho mi apo hokii lapa do hiilama hojalo Pinii mi yarla didḛr henjupa, Jisu Kristo ka turiturku kuniiñlo

1 JON 1:9

Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.