METHU 3:2 - NITI GONTU N.T. (BSI)

² “Henkur nyato, niimpalukoda dariiganda ka raddeganda hii alahho dokuke.”

METHU 3:2 Iomraidhean Croise

METHU 10:7

Ho nunu ilyila tonsḛrkhenyo tolya, lubiidola, Dariiganda ka raddeganda hii alah ho dokuke.

METHU 11:20

Ho mo hadii biidola lukoritii citi atañ ho nohna mohka abuya kaye miigo atañmi miitiinii, niimpalukoda mohlu henkur nyamatii.

METHU 12:41

Nineve daka miyuatañ turku rikiñdo ayakacho kalyi kuho siika santuñ atañ agiñho ho siimi khiilii tiiku; niimpalukoda mohlu henkurtii Jona ka tonsḛrkhenyo niimi talala, ho kato, Jona mika kahe lyanii kone si da.

METHU 13:11

Ho mo mohlumi lusitii, Nunumi Pinii ka raddeganda ka khiibe chimma niimi chindopa bitola do, hojalo mohlumi siimi bima.

METHU 13:24

Koneya lutiñnaniiñ mohlumi lukotii, lubiidola, “Pinii ka raddeganda mi khiitiñ nantii miyu ka aya kormo, mo aji hoka lilo niimi

METHU 13:31

Koneya lutiñnaniiñ mo mohlumi lukotii, lubiidola, “dariiganda ka raddeganda hii gihañ kormo chulido hiimi miyu labiila mohka baluho lilotii;

METHU 13:33

Mo koneya lutiñnaniiñ mohlumi lukotii. “dariiganda ka raddeganda hii ipo chulido nii mina annii akha labiila ho hiimi hiira yatañ piiro rohiñ hemi kepu tola atiitii, hikha ipo lyimi menda hemi.”

METHU 13:47

“Hiira, dariiganda ka raddeganda hii pakhe chulido hiimi yasie siimie ho kulo lala kapane ngiiyyi kubii donii chuli;

METHU 13:52

Ho mo mohlumi lutii, “Hopa pagenii kone abi humina miikiñ tiinii dariiganda ka raddeganda pa hii si chulido ude atoh ka mohka alḛrdrih hokii niihna niti ho khu mika laliñnii chuli.

METHU 18:23

Hopa dariiganda ka raddeganda mi hiila tiirḛ khiitiñ nala kendo radde mohka miihonii atañ agiñ hoka tiicko khiika siiniiñmi.

METHU 20:1

Niimpalukoda dariiganda ka raddeganda hii ude atoh chulike huna arokonchiho ila mohka robalu hopa miyu ajho tala intiinii.

METHU 22:2

Dariiganda ka raddeganda mi khiitiñ nando koda radde ka mohka wiinga paka mihie lahbi lyiho hoka diigo honiiñ chitañdo,

METHU 23:13

Hojalo aiya la ludu nunumi, pagenii atañ la Parisi atañ, apukahi! Niimpalukoda nunu dariiganda ka raddeganda mi miyu atañmi miipiñ bibiido; niimpalukoda nunu tiirḛ ahma, malo huna ahpa miidonii hiimi tiirḛ ahke nema.

METHU 25:1

Ho dariiganda ka raddeganda mi nyimuñ alyañ hemi khiitiñ nantii hutiina mohluka muru mi biitola ho mihielasa bomi kappa dupa intiinii.

METHU 25:14

Niimpalukoda si hiila lyinii chitañdo, miyu kone myodi indupa mohka miira atañmi gyola la ho mohka doniidanii mi mohlumi kabii tolya lutii;

METHU 4:17

Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

METHU 4:23

Ho mo hikha Galili ho intii patii, mohluka sinagog ho tonsḛrla ho miyu atañmi Pinii raddeganda ka ayapuyu mi tonsḛrkhenyo la ho kapane achih ho une mi miipya bitii.

METHU 5:10

Lyanko kendo hiika atañ humina miihimiire biidonii Pinii henko dadula hiila, niimpalukoda mohluko dariiganda ka raddeganda hii do.

METHU 5:3

Lyanko kendo Yajiyallo arro atañ, niimpalukoda dariiganda ka raddeganda hii mohlukii.

METHU 6:10

Niika raddeganda mi ahke nento. Niika henko doke nento, kiiddiapiñ so niihtañpa dariiganda ho do.

METHU 6:33

Hojalopa kapyopa Pinii ka raddeganda la mohka denki miya mepyoto, ho hikha siika drih atañ mitrḛ niimi bikiñ doke.

MAK KA AYAPUYU 1:15

ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”

MAK KA AYAPUYU 1:4

Jon baptisma biniibo zabyo ho lintii, tonsḛrkhenyo tii henkur niika baptisma lanii mi ingyamiigya atañ hokii hello koku saniiñmi.

MAK KA AYAPUYU 6:12

Hopa mohlu ila ho tonsḛrkhenyo tii miyu atañmi henkur dopa.

LUK KA AYAPUYU 1:16

Ho mo abuje Isrel ka oho atañmi Attoh mohluka Pinii ko ahkudopa miikiñdo,

LUK KA AYAPUYU 11:20

Hojalo siikasi matiirḛ Pinii ka lahchi lo igii atañmi Ngo mompa dokoda, ho Pinii ka raddeganda hii nunuko ahdo kuke.

LUK KA AYAPUYU 13:3

Ngo nunumi lukoso, Ma; hojalo nii dahepa nunu henkur tama nunu miilañru lyusanii adiñ.

LUK KA AYAPUYU 13:5

Ngo nunumi lukoso, ma; hojalo nii dahepa nunu henkur tama nunu miilañru sichuli lyukiñ doke.”

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

LUK KA AYAPUYU 15:7

Hiichuli pa, ngo lukosa nunumi, dariiganda ho siimitiirḛ uro yapa hempyo kendo ingyamiigyanii koneka henkur lyiho hikha denki kowakhange la midiñkowa hemi apayatiila hutiina henkur dupa lyimanii.

LUK KA AYAPUYU 16:30

Ho mo lutii, ‘Ma, aba Abraham; hojalo shiitii hela matiirḛ kone mohluko ahdo koda; mohlu henkur kendoke.’

LUK KA AYAPUYU 21:31

Hii chulipa, niida nunu siika drih atañmi lyido pa kappa talyi, nunu chintolya Pinii ka Raddeganda hii aruñ doku hiila.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

LUK KA AYAPUYU 6:20

Ho mo mohka amee mi mohka henjeajiñ atañmi kacha lala, ho lutii: “Lyanko kendo nunu arro miyuhii, niimpalukoda Pinii ka raddeganda hii nunukii.

LUK KA AYAPUYU 9:2

ho mo kiiniñ biido Pinii ka raddeganda mi tonsḛr khenyo niipa ho miipya niipa.

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

2 KORINTIA 7:10

Niimpalukoda piniihenju ka heru hii henkur mi lingiido hiika hii sangopyakoho ingiidu ho hengahenkha mi ahgiima, hojalo dohadolo ka heru hii shiigo mi ahgiidu.

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

2 TIMOTI 2:25

mohmika cheriibomi ahhakeyiñ lo lulyañ biidola. Rongkoda Pinii mohlumi henkur dopa ho jije mi chindopa binedo,

HIBRU 6:1

Hopa kiije ngunu chimpyo paka Kristo ka tonsḛrniimi atii lyartii kula ho hengḛr dalyi ya hata chasa, hiira miisamanii miigo hokii henkur niika liidi mi rammapa ho Pinii kii dalyi ka henje miya rasa,

2 PITAR 3:9

Attoh mohka hemme nii piigo ho haso make tonge hasodo hiila lusu dono, hojalo nunupa mo kalya lake dunii, kone mitrḛ lyuke nena mapa, hojalo miilañrumi henkur kiine nala.

MIHUKAKIÑNIIÑ 2:21

Ngo mohmi myodu bitii henkur dopa, hojalo mo henkur tama ludo mohka helyihembyo miiniiñ hokii.

MIHUKAKIÑNIIÑ 2:5

Henka nyatoku nohkiina nunu huhi nyado kunii, henkur toku ho miito nunuka kapyo hoka miigo miiniiñmi. Hiila matiirḛ miima koda, ngo nunuko ahchi ho nunuka muru mi lara biichi ku hiika ahii ko hokii, nii dahepa nunu henkur tama.