JEMS 5:7 - NITI GONTU N.T. (BSI)

⁷ Ahhakeyiñ nyato, hopa, anubarmii atañ, Attoh ka amiñ dayemi. Kato, aji miinii atañ kalya nyadu khiiniiñ ahee kiiddiapiñ hoka hiliñ niimi, ahhakeyiñ la kalya biilyadu nii dahepa nyibya ho kami paka miido huniiñ hii hutema.

JEMS 5:7 Iomraidhean Croise

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

METHU 16:28

Jijeloda, Ngo nunumi lukoso, so tange danyada mohlu miyu ka Oho mi mohka raddeganda ho ahma rampa mohlu shiinii mi hempa kempa ke.

METHU 24:27

Niimpalukoda dolya danyichaggo dalyiho byodo koda danyiaggo dalyi lohepa hutoh byodu, hiichuli kendo miyu ka Oho ka ahniiñ.

METHU 24:44

Hopa nunu tiirḛ hendila duto; niimpalukoda miyu ka Oho nunuka ahlyido hiila hemado arta ho ahkiñdo.

LUK KA AYAPUYU 18:8

Ngo nunumi lukoso, mo nyibya loda mohlumi lupya bikiñdo. Hiilamakoda, niida miyu ka Oho ahchi ku, mo kiiddiapiñ so henje kappa kendo ha?”

LUK KA AYAPUYU 21:27

Ho mohlu miyu ka Oho mi harchichike ho tatu katu ka agiñho jomii ho ahla dopa kappa kendo.

LUK KA AYAPUYU 8:15

Ho hiika aya kiiddi hoka chohinii atañ pakoda, hiika atañke, aguñmi tala lala, hiimi aya lodapa ho ahha aya ho tage giidu, ho pigii biidola ahee hiliñ giidu.

JON KA AYAPUYU 21:22

Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!”

JON KA AYAPUYU 21:23

Luniiñsi hikha adhoganda anubarmii miilañ tapa tii siika henjeajiñ shiikiñma hiila; hojalo Jisu mohmi no shiikiñma hiila lumatii, hojalo, “Ngiika henko matiirḛ lyido koda mo ngiika ahlyi ko lohepa dalya dokoda, hiimi no niihpa?”

ROM MIKA POL KA SIITI KENIIÑ 15:4

Niimpalukoda bilo allo hoka keniiñ hii ngunu mika tonsḛr naniiñ pake ketiinii, hiilo ranttiniiñ ho piniipota loka haro lupa niilo ngunu ko hentiñ naniiñ doke nendupa.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

1 KORINTIA 1:7

niimpalukoda nunumi yajiyallo ka ahmiñayiñ ho papo kiine diila hiila, ngunu Attoh Jisu Kristo mika kakiñ siiniiñmi nunuka kalyala doho;

GELESIA 5:5

Niimpalukoda Yajiyallo kiilo, henje biidola, ngunu kalyatii denki ka hentiñmi.

GELESIA 6:9

Hopa kiije ngunu aya miigo miisa niimi renge masa, niimpalukoda myodu ahlyi ko ngunu pikiñ duku ke, ngunu matiirḛ ahha hame makoda.

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

1 TESOLONIA 2:19

Niimpalukoda nii ngunuka hentiñnanii malo hempyo malo hentiilaka khansunii tahiñbyopa ngunuka Attoh Jisu mohka ahlyikuho? Siikasi nunu masu peha?

1 TESOLONIA 3:13

niimpalukoda mo nunuka ahha ho miibi nedo hang pahañhansa giimadopa darii ho ngunuka Pinii ho Aba ka hataho, ngunu Attoh Jisu ka ahlyi kuho hikha mohka piniimiyu atañ agiñho.

HIBRU 6:15

Ho hiila Abraham, yanupa kalyala dutii, hemme biniiñ mi kappatii.

JEMS 4:11

Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

JEMS 5:10

Heruheniiñ la pigiiniimi lutiñ nanii pakoda, anubarmii atañ, nyibuhenii atañmi lutiñ lanto hutiina lunya tiinii Attoh ka armyañ pa.

JEMS 5:3

Nunuka ayyiñ la rupu nyimi harti abiido, ho hiika atañka harti hii nunumi chekho giiniika katiñ naniiñpa lyikiñdo ho nunuka ayya mi diikiñ do yamu chitañpa. Nunu alḛrdrih atii tiikuñ biisudo kamikalo allopa.

2 PITAR 3:4

ho lubiidola, “No do hemme biniiñhii mohka ahkur saniiñmi? Niimpalukoda ngunu aba atañ shiisu neku tiirḛ, hikha drih atañ hiira pasu dosudonii puliñ bii jahohokii.”