JEMS 4:11 - NITI GONTU N.T. (BSI)

¹¹ Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

JEMS 4:11 Iomraidhean Croise

LUK KA AYAPUYU 6:37

“Haliiyo, ho nunu mitrḛ halii kemake; khiipayo, ho nunu mitrḛ khiipa kemake; helloto, ho nunu mitrḛ hello kendoke;

ROM MIKA POL KA SIITI KENIIÑ 2:1

Hopa nunukii lugii sanii nyimake, miyu, hujalopa nunu, nunuka mi mika halii lyiho; mohmika ayakacho kalyiho no atohmike khiilii siidonii, niimpalukoda no, haliibo, hiika drih atañ misu miisu danii.

ROM MIKA POL KA SIITI KENIIÑ 2:13

Niimpalukoda siikasi dapo mika tapanii atañ hii denki hiila make Pinii ka hataho, hojalo dapo hokii chulipa miinii mike denki lukiñ donii.

ROM MIKA POL KA SIITI KENIIÑ 7:7

Nii hiilape hokoda ngunu luchinii? Dapo si ingyamiigya hiila peha? Pema hiilama! Hojalo, siikasi matiirḛ dapo pama tiikoda, ngo ingyamiigya hii niihmi ludu chindiima. Ngo chindiima helyihembyo luniiñsi niihmipe hiila, dapo matiirḛ luma tiikoda, “Nunu helyihembyo kemake ah.”

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

2 KORINTIA 12:20

Niimpalukoda ngo biisodo ngo ahbiila nunumi ngiika heniiñ hiilyañ mapa kapa tama byopeha hiila, ho nunu ngiimi nunuka heniiñ hiilyañ mapa kapa tama byopeha; hiilakoda hiiko pasugasu dokiñdo, kariñsiiniiñ, hadii, chahi, nipasiiniiñ, biicho, hentiisiinii, ho luniiñtasumanii.

IPISIA 4:31

Hikha kochi ho uropakahadii ho hadii ho rukha adunii ho nipasiiniiñ mi nunukokii lapato, hikha kanatana manii agiñho,

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

2 TIMOTI 3:3

kiinyinii, cheche, nipanii, hiinyañ henchiñ mapa ka miiniiñluniiñ, kiinyi, aya mika kanamanii,

TAITAS 2:3

Ammi yami hii chulipa yarto miijuluju ho khiiko dopa dato hiila, nipakoya niipa dakiñma malo ow miirapa lyikiñma; mohlu tonsḛr kendo niihna aya donii,

JEMS 1:16

Talubalo koyo, ngiika heniiñja anubarmii atañ.

JEMS 1:19

Siika siimi chinto, ngiika heniiñja anubarmii atañ. Miyu kone abi nyibya tato, yanupa luto, yanupa hadiito,

JEMS 1:25

Hojalo huna digoabiaya dapo mi kadonii, dasḛr giiniika dapo mi, ho hiichulipa miidonii, hiika taniibo helyu kema hojalo miida hiika miiniibo, mo lyanko kendo mohka miiniiñho.

JEMS 2:8

Nunu matiirḛ jije khiiniiñ dapo mi miipe dokoda, piniipota hoka keniiñ chulipa, “Nunu nunuka ariapii mi hento atohmika henchañho,” nunu miidiko miido.

JEMS 5:10

Heruheniiñ la pigiiniimi lutiñ nanii pakoda, anubarmii atañ, nyibuhenii atañmi lutiñ lanto hutiina lunya tiinii Attoh ka armyañ pa.

JEMS 5:7

Ahhakeyiñ nyato, hopa, anubarmii atañ, Attoh ka amiñ dayemi. Kato, aji miinii atañ kalya nyadu khiiniiñ ahee kiiddiapiñ hoka hiliñ niimi, ahhakeyiñ la kalya biilyadu nii dahepa nyibya ho kami paka miido huniiñ hii hutema.

JEMS 5:9

Budubude nyayo, anubarmii atañ, kone anyañmi chekho siila, nunu halii koma dopa, kato, ayakacho kaniibo alyeh si daku.

1 PITAR 2:1

Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.