JEMS 3:15 - NITI GONTU N.T. (BSI)

¹⁵ Siika chila si ayoh hokii tomake, hojalo kiiddiapiñ kiike, yajiyallo giimanii, igii kokii ke.

JEMS 3:15 Iomraidhean Croise

LUK KA AYAPUYU 16:8

Atoh lotiimanii kalyabiiniiñ bomi assañbiido mohka piibi niimi; niimpalukoda siika dohadolo ka oho atañ piibi yado mohluka santuñ ho sandupa hutoh ka oho atañmi hentola.

JON KA AYAPUYU 3:17

Niimpalukoda Pinii Oho mi dohadolo ho kiiniñtii, dohadolo mi khiipa dupa ma, hojalo dohadolo mi lyangur dupa mo kiilo.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

MIINIIÑ 13:10

ho lutii, “No igii ka oho, no hikha lotiiniiñ niimika ahha banii, poteje gollumisu ho diimmah giitola, no miitiñ masuha pakupalya parda mi miibii dola Pinii ka lembo mi?

ROM MIKA POL KA SIITI KENIIÑ 1:22

Piibi lusudo, mohlu piicha paya lyido,

1 KORINTIA 1:27

hojalo Pinii kahetii dohadolo hoka piicha mi chila mi hiinyañ miipyu dupa, Pinii kahetii dohadolo hoka ajju mi tamo atañmi hiinyañ miipyu dupa,

1 KORINTIA 2:14

Yajiyallo giimanii miyu lariima Pinii ka Yajiyallo ka ahmiñayiñ mi, niimpalukoda hiika atañ mohlupa piigo ama, ho mo hiika atañmi chilama niimpalukoda hiika atañ yajiyallo loka kalasanii.

1 KORINTIA 3:19

Niimpalukoda siika dohadolo ka chiniiñhii Pinii pa piigoama, Niimpalukoda hiila ketola do, “Mo chila mi latudu mohluka lyolyi ho,”

1 KORINTIA 3:3

niimpalukoda nunu siisi jalo asiialyo kiirañ ke. Niimpalukoda nunuka punkoho kariñ siinii ho hadiimikha dorañ, nunu asiialyo kiima ehna, ho dumiñ miyu miiju hiilyañ miima ehna?

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

PILIPIA 3:19

Mohluka kamikalo hii pyaduloko saniike, mohluka pinii hii erre ke, ho mohlu assañ siinyada mohluka hiinyañ mohiho, kiiddiapiñ ka drih atañka henju agiñho henta liigii tola.

2 TESOLONIA 2:9

Diimmah koneka ahniiñhii saitan ka miigo miiniiñlo hikha harchichike ho amuhpaka kagiñnanii ho kahotamo agiñho,

1 TIMOTI 4:1

Siisi Yajiyallo didḛrpa lukoda ahlyinii myodu ho tonge henje hokii impagiikiñ do amuh yajiyallo atañmi tajela ho igii atañka tonsḛrniimi,

JEMS 1:17

Kapane aya peniiñhii ho kapane digoabiaya ahmiñayiñ hii ayoh hokii ke, hutoh ka Aba kokii todo hukohona hang lyiguhmanii malo yallobyotiñnii nyimanii lyiguhkopa.

JEMS 1:5

Nunu kokii matiirḛ konejalo chila papo domilo, mohmi Pinii kokii kuke nento, huna hikha miyu atañmi kobya la bidunii ho hang gamapa, ho hiika hiimi mohmi bikiñ doke.

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

JUD KA SIITI KENIIÑ 1:19

Siikasi hiika atañke huna tache giidonii, dohadolo ka miyu, Yajiyallo giimanii.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 2:24

Hojalo khiibe Taitira hoka dunii atañpa, huna siika tonsḛr niimi biimanii, hutiina chima ranii nii mina ludonii Saitan ka hempḛr urañ drih hiila, nunupa ngo ludu, ngo nunuka ayoh ho pongelya alluaba malyike;

MIHUKAKIÑNIIÑ 9:11

Mohluko mohlumi ka kabiinii radde du kamoramba ubu daka miidopopi; mohka Hebrew hoka armyañ Abaddon, ho Grik ho mohmi Apollyon hiila gyodu.