JEMS 2:5 - NITI GONTU N.T. (BSI)

⁵ Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

JEMS 2:5 Iomraidhean Croise

METHU 11:5

micha kapa nyadaku ho liicha indaku, tahikoya giiniihii darii nyadoku ho rubi tapa nyado, ho shiinii turidoku, ho arro atañmi ayapuyu tonsḛr khenyo biido.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

METHU 5:3

Lyanko kendo Yajiyallo arro atañ, niimpalukoda dariiganda ka raddeganda hii mohlukii.

MAK KA AYAPUYU 7:14

Ho hiira mo miyu atañmi mohko gyoliitii, ho mohlumi lutii, “Ngiimi tage nyato, miilañru, ho tala nyato:

LUK KA AYAPUYU 12:21

Si chuli lyikiñdo huna atohpa atii tiikuñ biidonii, ho hii Pinii kii dalyiho mingoma.”

LUK KA AYAPUYU 12:32

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

LUK KA AYAPUYU 16:22

Arro miyu bo shiitii ku ho miidopopi atañ Abraham ka habyañho golii biitii. Mingo miyu botrḛ shiitiiku ho alie tiiku;

LUK KA AYAPUYU 16:25

Hojalo Abraham lutii, ‘Oho, hempato no niika sango ho aya drih adiñ kappatii, ho Lazaras hii chulipa ayamanii drih adiñ; hojalo siisi mohmi so hempyo pa biido kuke, ho no heruhela do.

LUK KA AYAPUYU 22:29

ho Ngo nunumi biso, niihtañpa ngiimi ngiika Aba bitii, raddeganda mi,

LUK KA AYAPUYU 6:20

Ho mo mohka amee mi mohka henjeajiñ atañmi kacha lala, ho lutii: “Lyanko kendo nunu arro miyuhii, niimpalukoda Pinii ka raddeganda hii nunukii.

JON KA AYAPUYU 7:48

Otority atañ la malo Parisi atañ hokii mohmi henje nyane peha?

MIINIIÑ 7:2

Ho Stepen lutii: anubarmii ho aba atañ, ngiika luniiñmi tato. Pinii hudakhada ngunuka aba Abraham ko ahtii, mohka Mesopotamia hoka daho, Haran hoka duma rampa,

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

2 KORINTIA 4:15

Niimpalukoda siikasi hikha nunu kiipa ke, aroh-aya mi abu yaya miyu ko doke nendupa payapacho luniiñmi, Pinii ka tatukatu pa.

2 KORINTIA 6:10

heru siido, hojalo kiirañ hempyodo; aroh siido, hojalo abujemi mingo dopa miitii; hang nyima siitrḛ, hojalo kapane hemi biidu.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

IPISIA 1:18

nunuka ahha ka amee mi hutoh byohu kencho, niimpalukoda nunumi chinke nendupa niitañka hentiñ naniiñ pana nunumi gyotii nii, niihna mohka hempḛr tatukatu atañ piniimiyu atañ mika pensi sanii,

IPISIA 3:8

Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

2 TESOLONIA 1:5

Siikasi jijemi kakiñ naniiñke denki Pinii ka ayakacho kaniiñho, niimpalukoda nunumi khiiniiñpa miikiñcho Pinii ka raddeganda ho, nii pana nunu heruhendanii,

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

2 TIMOTI 4:18

Attoh ngiimi kapane diimmah hokii papya kendoke ho ngiimi lyangur do dariiganda ka raddeganda kiipa. Mohmi kontii assañ kencho ayu dahepa. Amen.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

JEMS 1:16

Talubalo koyo, ngiika heniiñja anubarmii atañ.

JEMS 1:19

Siika siimi chinto, ngiika heniiñja anubarmii atañ. Miyu kone abi nyibya tato, yanupa luto, yanupa hadiito,

JEMS 1:9

Arro anubarmii hempyo nyato niimika achalyiho,

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

2 PITAR 1:11

Hopa hiikoho abuje biliñ kendoke nunupa ngunu Attoh ho Lyangurbo Jisu Kristo ka santḛrlamanii raddeganda ho ahkopa.

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.