JEMS 2:18 - NITI GONTU N.T. (BSI)

¹⁸ Hojalo mi kone ludo koda, “Niiko henje do ho ngiiko miiniiñ hii.” Niika henje mi kakiñpe miigo miimapa, ho ngo miigo miibii dola ngiika henje mi kakiñso.

JEMS 2:18 Iomraidhean Croise

ROM MIKA POL KA SIITI KENIIÑ 14:23

Hojalo mo huna hemmo donii hiimi khiilii tiiku, mo matiirḛ diido koda, niimpalukoda mo henje biidola miima; niimpalukoda niijalopa henje hokii lima hii ingyamiigya ke.

ROM MIKA POL KA SIITI KENIIÑ 3:28

Niimpalukoda ngunumi lukotii miyu mi henje kopa ke lupya tiikunii dapo ka miiniiñmi lapa lala.

ROM MIKA POL KA SIITI KENIIÑ 4:6

Hopa David tiirḛ lyaniiñ mi luliñtii hiika miyu mi humina Pinii denki hiila khiitiinii miigo hokii apalala:

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

ROM MIKA POL KA SIITI KENIIÑ 9:19

Ho Nunu ngiimi lukiñdo, “Niimpa mo siisijalo miikha niimi kaliñdu? Niimpalukoda hu mohka heniiñmi miitrḛ lakiñdo?”

1 KORINTIA 13:2

Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

1 TIMOTI 1:5

hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

HIBRU 11:31

Henjelo Rahab pfyoaridiisuniibo lyumatii hiika atañ agiñho hutiina luniiñ tama tiinii, niimpalukoda mo hemihenja karii katañ tii ruha laka ahnii atañmi.

HIBRU 11:33

huna henjelo raddeganda mi pamiñbiinii, miidikomiigii tiinii, hemme biniiñmi kapatiinii, abañpatii atañka aguñmi gapiñtii,

HIBRU 11:6

Ho henje giimapa mohmi hempyo miipa lakiñma. Niimpalukoda hujalo Pinii ka aruñho ahchi henje kendo loda mo du hiila ho mo ajudu hiika atañmi huna mohmi medonii.

JEMS 2:14

Nii pe miijo donii, ngiika anubarmii atañ, miyu matiirḛ ludo koda mohko henje do hojalo miigo miima koda? Mohka henje hii mohmi lyangur lakiñ dopeha?

JEMS 3:13

Hu chila ho chiniiñ nunuka punko hokii? Mohka denki sanjulo mohka miigo miiniiñmi kakiñ kiineto chila ka chimeeñyanu lo.