JEMS 1:25 - NITI GONTU N.T. (BSI)

²⁵ Hojalo huna digoabiaya dapo mi kadonii, dasḛr giiniika dapo mi, ho hiichulipa miidonii, hiika taniibo helyu kema hojalo miida hiika miiniibo, mo lyanko kendo mohka miiniiñho.

JEMS 1:25 Iomraidhean Croise

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

JON KA AYAPUYU 13:17

Nunu matiirḛ siika drih atañ siimi chindo koda, lyanko kendo nunu matiirḛ siika atañmi miido koda.

JON KA AYAPUYU 8:36

Hopa Oho matiirḛ nunumi tupya doku koda, nunu tupya koku nii lodake.

MIINIIÑ 13:43

Ho sinagog daka dukuñ hii duja kukele, abuje Jew atañ la Judaism hoka lyiguh monii henjenii atañ Pol la Barnabas nyimi imbo montii, hiika atañ mo anye mi lutii ho lyarbiido Pinii ka aroh-aya mi miikañ ari miito hiila.

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

MIINIIÑ 26:22

Siika allo lohe pa ngiiko hembyuñnii hii do Pinii kokiika ahnii, hopa ngo siikaso da pyakodupa atu ho kahe miilañmi, hang lumapa hojalo niihna nyibuhenii la Mose nyi lutiinii hiimi lyike nendupa:

ROM MIKA POL KA SIITI KENIIÑ 11:22

Kagiito so Pinii ka helakala la kiinyi mi: kiinyi hii hiipa hutiina huhi nyatii kunii, hojalo Pinii ka helakala nunuko dolyi ke, nunumi bibii lyike mohka helakala ho dopa: hiilamakoda nunu mitrḛ papa kendoke.

ROM MIKA POL KA SIITI KENIIÑ 2:13

Niimpalukoda siikasi dapo mika tapanii atañ hii denki hiila make Pinii ka hataho, hojalo dapo hokii chulipa miinii mike denki lukiñ donii.

ROM MIKA POL KA SIITI KENIIÑ 7:12

Hopa dapo hii dariike, ho lujubiniiñ hii darii ho jije ho ayake.

ROM MIKA POL KA SIITI KENIIÑ 8:15

Niimpalukoda nunu miira lyigiibo yajiyallo mi larii make hiira biiso dupa, hojalo nunu oho lyidu paka yajiyallo mike larii tiinii. Niida ngunu gyochi, “Abba! aba!”

ROM MIKA POL KA SIITI KENIIÑ 8:2

Niimpalukoda Yajiyallo ka dapo ka sango, Kristo Jisu koka doniihii ngiimi tupya tiiku ingyamiigya la shiiniiñ ka dapo hokii.

1 KORINTIA 15:58

Hopa, ngiika heniiñja anubarmii atañ, ranttito, abyukomapa, kiirañ Pinii ka miigomi miingu mapa miito, chimbiidola Attoh koka niika miiniiñ hii piigo ama lyikiñ ma hiila.

2 KORINTIA 13:5

Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!

GELESIA 2:4

Hojalo gollunii anubarmii atañ ahsiela ura ho ahla, hiikahii rohnii pa lyila chintii ngunuka dasḛrpa Kristo Jisu koka danii mi, mohlu ngunumi miira pa ahgii dupa hiila,

GELESIA 5:1

Niimpalukoda dasḛr kiinedupa Kristo ngunumi dasḛr pa miibitii; hopa alḛrpa dato, ho hiira tiilii siiyo miira pa.

GELESIA 6:2

Kone anyañka alluaba baniiñ mi hembo siito, ho Kristo ka dapo mi miipeto.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

1 TIMOTI 2:15

Hojalo nyimii atañmi lyangur kendo himmeoho buniiñlo, mo matiirḛ biikañ dokoda henjeho ho hensuniiho ho dariiho, miijuluju aya agiñho.

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

HIBRU 12:15

Hendi nyatolya kone mitrḛ Pinii ka aroh-aya mi larii mapa lyike nelyayo; niimpalukoda hang “kochi ka liima” saliñ madopa ho ahiare mi lingii madopa, ho siika silo abuje miibḛr konya da;

JEMS 2:12

Hopa luto ho hii hiilyañpa miito hiika atañmi hutiina ayakacho kako kendonii dasḛrgiinii ka dapo lo.

1 PITAR 2:16

Dasḛr miyu hiilyañ santo, hojalo nunuka dasḛr mi diimmah miiju mi miigiñ naniiñpa biite mapa; hojalo Pinii miira hiilyañ santo lya.

1 JON 2:24

Hopa niihna nunu lotuja hokii tapatiinii hiimi nunuko giigela doke nento. Niina nunu lotuja hokii tapa tiinii hii matiirḛ nunuko giigela dokoda, ho nunu Oho la Aba nyika agiñho giigela do.

MIHUKAKIÑNIIÑ 14:13

Ho ngo tapato aguñ dariiganda hokii lubiidola, “Keto siimi: Lyanko kendo siisi kiija shiinii atañ hutiina shiidonii Attoh ko.” “Lyanko kendo jijeloda,” yajiyallo hii ludo, “niimpalukoda mohlu dumo kendoku mohluka miigo miiniiñ hokii, niimpalukoda mohluka miiniiñ hii mohlumi injo mokiñdo!”

MIHUKAKIÑNIIÑ 22:14

Lyanko kendo hiika atañ hutiina mohluka tarii mi ase tiikunii, niimpalukoda mohlumi diila dopa sango ka sannii hokii ho mohlumi hagya hopa citi ho ahla dopa.