JEMS 1:22 - NITI GONTU N.T. (BSI)

²² Hojalo luniiñ tabii dola miiniiñpa lyito lya, taniipa kontii lyilya yo, atohmi talubalo siinyala.

JEMS 1:22 Iomraidhean Croise

METHU 12:50

Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

JON KA AYAPUYU 13:17

Nunu matiirḛ siika drih atañ siimi chindo koda, lyanko kendo nunu matiirḛ siika atañmi miido koda.

ROM MIKA POL KA SIITI KENIIÑ 2:13

Niimpalukoda siikasi dapo mika tapanii atañ hii denki hiila make Pinii ka hataho, hojalo dapo hokii chulipa miinii mike denki lukiñ donii.

1 KORINTIA 15:33

Talubalo koyo: “diimmah ajiñhii denki henju mi miipya lodo ke.”

1 KORINTIA 3:18

Kone hetrḛ atoh mi talubalo siiyo. Nunuka punko hokii matiirḛ kone siika myodu so mo chila hiila hensu domilo, hiimi mohmi piicha pa lyike nento niimpalukoda mohmi chila kiine dupa.

1 KORINTIA 6:9

Nunu chimapo ingyamiigyanii miyuatañ Pinii ka raddeganda mi peñko kema hiila? Talubalo koyo; ingyamiigya henju henii tiirḛ, puchiniimi ka herii botrḛ malo ipfyo nii hiitiirḛ, malo ahiñsiiniika ipfyo botrḛ,

GELESIA 6:3

Niimpalukoda mi kone matiirḛ atohmi ngotiirḛ konesii hiila hensu dokoda, mo hang masu tiirḛ, mo atohmi talubalosiido.

GELESIA 6:7

Talubalo koyo; Pinii mi soku ngarkala miikiñma, niimpalukoda niijalo miyu lilo talyi, hiimi sii mo pikiñ siido nii.

PILIPIA 4:8

Kamijapa, anubarmii atañ, niihna jijenii, niihna khiisaniiñ, niihna miidikonii, niihna dariinii, niihna kapyo doniiñ, niihna aroh-aya doniiñ, hiiko matiirḛ hempḛr ayado hiila hendo milo, hiiko matiirḛ hangdrih jalo khiila assañdopa lyido milo, hiika drih atañka piigo mi henka nyato.

KOLOSIA 3:17

Ho niijalo nunu miichi, aguñ pajalo malo miilajalo, kapanemi Attoh Jisu ka armyañ pa miitolya, Pinii Aba mi payapacho lubiidola mohkiilo.

2 TIMOTI 3:13

diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

JEMS 1:26

Mi kone matiirḛ hendo koda mo piniihenju mika miinii hiila, ho mohka allyo mi pigii siila makoda hojalo mohka ahha mi talubalo siido, siika miyu ka piniihenju si piigo ama.

JEMS 4:11

Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

JEMS 4:17

Hujalopa chindo niihna miidi konii ho hiimi miima koda, hiipa hiika hii ingyamiigya niike.

2 PITAR 2:13

heru henkiñdo mohluka herudopa miikohopa. Mohlu siimi hempyo biida goropa sobiingarbii dola allo ho. Mohlu diigolugo giinii, goropa sola ngarla mohluka hempyo diikotanko ho, nunuka agiñho diibo tambola.

1 JON 1:8

Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

1 JON 2:3

Ho siika silo ngunu henjedo ngunu mohmi chindu hiila, ngunu matiirḛ mohka lujubiniiñ atañmi atii biido koda.

1 JON 3:7

Himme atu atañ, kone lotrḛ talubalo koyo. Mo huna miidikomi miidonii hii denki ke, niihtañpa mo denki.

3 JON 1:11

Heniiñja, diimmah mi kagii lyayo hojalo aya mi kagii tolya. Mo huna aya miidonii hii Pinii kokiike; mo huna diimmah miidonii mo Pinii mi kapa make.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 22:7

Ho kato, Ngo hempḛr nyibya ahchi ke.” Lyanko kendo hii huna atii biidonii siika nyibuhenii kheta hoka aguñ atañmi.