JEMS 1:12 - NITI GONTU N.T. (BSI)

¹² Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

JEMS 1:12 Iomraidhean Croise

METHU 10:22

ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

LUK KA AYAPUYU 6:22

Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa!

ROM MIKA POL KA SIITI KENIIÑ 5:4

ho pigiilaniiñ hii henju miiju mi lingiidu, ho henju miiju hii hentiñnanii mi lingiidu,

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

1 KORINTIA 8:3

Hojalo kone matiirḛ Pinii mi hendo koda, kone hii mohlo chinko do.

1 KORINTIA 9:25

Khelinii miyu kone abi miinyodu hendimiidi mi hikha drih ho. Mohlu siimi miinyada lyula samanii karniiñbyopa mi larii dupa, hojalo ngunu lyula samaniimi.

2 TIMOTI 2:15

Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

HIBRU 10:32

Hojalo hempa nyato bilo allo atañmi niido hona, nunu byohu koku lala, nunu hempḛr uro herumyanka pitii,

HIBRU 11:17

Henjelo Abraham, mohmika tenka lyiho, Isak mi bitii, ho huna hemme niimi kapa tiikunii mohka oho ako lohe bidupa miitii,

HIBRU 12:5

Ho nunu helyu dadokuha nunumi oho atañ hiila lubii dola ka haro lupa niimi? “Ngiika oho, ano hajupa heyo Attoh ka miilyañ niimi, malo hame giiyo niidana nunu mohlo miikhiiñ kochinii.

HIBRU 6:15

Ho hiila Abraham, yanupa kalyala dutii, hemme biniiñ mi kappatii.

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

JEMS 5:11

Kato, ngunu mohlumi hempyo hiila gyodu hutiina ranttiniinii. Nunu Job ka rantiniimi tapa tiido, ho nunu Attoh ka piigo mitrḛ kapa tiido, niihtañpa Attoh arohne ho aroh tii.

1 PITAR 3:14

Hojalo nunu matiirḛ heru hensu dojalo denki kiipa, nunu lyanko kendo. Hang mohlumi biiso yo, hang hena yo,

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

1 PITAR 4:14

Nunumi matiirḛ khiimapama miido koda Kristo ka armyañ pa, nunu lyanko niike, niimpalukoda tatukatu ka yajiyallo ho Pinii nunuka agiñho duke.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

1 JON 4:19

Ngunu hendu, niimpalukoda mo ngunumi hempyotii.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 3:19

Hiika atañ hutii mina ngo hendu nii, ngo gadu ho miikhiiñdu; hopa hendinyato ho henkur nyato.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.