Yokana 4:23 - Ebaibuli

²³ Konye ebunit esawa, ejai da kwana, loemaiata ikamaak lukabeit Papa, kotoma omoyo ka abeit, naarai emoot Papa ituŋa luikote nen aima ŋes.

AKITUTUKET NAKITETET (NEPEPEKA ISABULIN KA AWARAGASIA)

²³ Konye ebuut apak, bobo apak nes na, na elosiata lukelipak akilipi Papa komoyo kiton abeite. Naarai ng'ulu nesi ekote Papa kilipiete nesi.

Yokana 4:23 Iomraidhean Croise

1 Aisiitonokin 29:17

Ekadeke, ajeni da eoŋ ebe igimori ijo etau, isiyalamikinit nuetenito. Eoŋ da kajai ketau loitenara ainak eoŋ kakote iboro lu kere: kwana da aany kaiyalama ikonituŋa luejaas ne, kiinakis jo kakote,

Isabulin 147:11

Itojokit EJAKAIT ŋul lueyoŋito ŋes, Ŋul luemunos akeitim.

Isabulin 17:1

Kiira naedolit, wu EJAKAIT, kopupok akaiwor; Kitoik akit akailip, namam ebuni kaituk nakamodan.

Isabulin 32:2

Isirerenitoi ituŋanan yenimam imarakini EJAKAIT numam adolit, Yenimam emodit komoyoke.

Isabulin 51:6

Koany, imiela ijo abeit kotoma atutubeta nukotoma: Kitejenuni ijo eoŋ acoa kotoma atutubet naibwaa.

Awaragasia 15:8

Asuban nuka ekaronon eraas nuketale kaneejai EJAKAIT: Konye isiyalamikini ailip naka Iuitenara itauon.

Ekosio 2:14

Wu ajeleka, naejai toma acilana nuka atiiba, Toma aŋopis naka aibois naimukurur, Kaany ma akonyenekon, kapup eporotokon; Naarai ejok ekoniporoto, akonikonyen da nuitemelelas.

Isaia 10:20

Kosodi kanen kapaaran kaŋin, mam bobo aatoŋot naka Isirael, ka ŋul da luideunos luka ekek loka Yakob egoŋakinos kaŋol kaloedanyi kes; konye egoŋakinos ka EJAKAIT, Lokalaunan loka Isirael, kabeit.

Isaia 29:13

Kobala EJAKAIT ebe: “Naarai ikunyunete ituŋa lu mama ajai, Ketubusikinete eoŋ kaitukekec ka aŋajepakec, Konye elwaka ikecetauon kamakaŋ, Ayonitekec ŋes aicorakinet naka ituŋa naisisianakinitai:

Isaia 43:21

Ituŋa luasubuni eoŋ Tetere elimonorete aiturioka.

Isaia 58:2

Konye komoenenete eoŋ ŋinipaaran, Iyalamas ajenun ikarotin: Kwape ateker nakiswamaenenei nuedolito, Komam ejalete aicorakinet naka Edekekec, Kelipete eoŋ aicorakineta nukadolit, Iyalamas aikunyakin Edeke.

Yeremia 3:10

Konye ebala EJAKAIT ebe, Karaida nun kere mam Yuda kinaeike naemodana eboŋunit neajai keketau kere, konye ijoseikinit.”

Yeremia 4:2

Ido iyapoi ebe, ‘Kwape ejaria EJAKAIT,’ Kabeit, kotube, kadolit da; Ilipakinos atekerin arereŋ kotomaken, Tomakeŋ da ŋes itubusikinotor.”

Esekiel 22:30

Kamoote ituŋanan kotomakec, yeniketetean abwas, yenebwoi karorwa kakonyeneka kanuka akwap, kenyek amudiar; konye mam abu kaany imodio da.

Yokana 1:17

Naarai ikisila etorunere neejai Musa, konye asianut ka abeit etorunere neejai Yesu Kristo.

Yokana 12:23

Koboŋok Yesu kes ebe, “Adol esawa kitopolooroi Okoku loka etuŋanan,

Yokana 16:2

Kireŋeanario katukosia; eebo, ebunit esawa loeomitor ŋinituŋanan yenikiari yes ebe iiaanakini Edeke.

Yokana 16:32

Koany, ebunit esawa, eebo, adau adolun, naisiarakinotor ŋolituŋanan oreke, ka ajalakin eoŋ kasilikinit, Konye mam eoŋ kasilikini, naarai ejai Papa keoŋ.

Yokana 4:21

Kotema Yesu ŋes atiar, “Toto, kiyuunai, ebunit esawa lomam imaiata bobo Papa koroŋat kalo karaida Yerusalem,

Yokana 5:25

“Abeit, abeit, katemari yes atiar, Ebunit esawa, ejai da kwana, loiirariata lukatwak eporoto loka Okoku loka Edeke, ŋul da luiirarete ejarete,

Yokana 5:28

Sirikiwumokis akiro nu; naarai ebunit esawa, loiirariata ituŋa kere luejaas toma atesin ekeporoto,

Iromayon 1:9

Naarai Edeke, loamai komoyoka kotoma Akiro Nukajokak nuka Okokuke, ŋes ekajenanika ebe alimununei yes kailipika komam apalari.

Iromayon 8:15

Naarai mam idumunito emoyo loka ebulesene aboŋor bobo akurian, dimarai idumunito emoyo loka araun odwe. Kanuka ŋol kimonya ebe, “Abba! Papa!”

Iromayon 8:26

Kwape kwaŋin da isigalikini Emoyo akalanyanutuwok; naarai mam kijeni kwape ibusakinitor ailip, konye kinainaanakin Emoyo oni keidiny lomam inerio,

Igalatian 4:6

Ido naarai iraas odwe, abu Edeke kijuk Emoyo loka Okokuke otauonowok, loiworoi ebe, “Abba, Papa!”

Ipeson 6:18

Kilipenenete apakio kere kOmoyo, kailip kere ka aiŋaiŋa. Kanuka ŋun kokwenyenenete kainyikokin kotoma aiŋaiŋaanakin lukalaunak kere,

Ipilipin 3:3

Naarai kirai oni luka akepio nakabeit, lukimai kOmoyo loka Edeke, lukiwolobobot kotoma Kristo Yesu, ido lumam kimunokina akuan.

Yosua 24:14

“Aso do koyonata EJAKAIT, kijaanakis ŋes kamunonut ka abeit: kolemasi idekesio luejaanakinete lukapapaakus kokekwa loka Ecor, koMisiri da; kijaanakisi yesi EJAKAIT,

1 Petero 2:9

Konye yes iraas ajena naseuna, esasedotene loka ekabakane, ateker nakalaunan, ituŋa obe luka Edeke, kosodete alimonokin nukajokak nuka ŋol lokinyarauni yes anyoun kamuton alomar toma aicake nakaumokin.

1 Samuel 12:24

Konye koyonito EJAKAIT bon, kijaanakinete kotoma abeit kikusitauon kere: kiitununete akiro kwape eraatar nukos nukiswamanakini yes.